كتاب طلال -10- وهذا الشيء الي خلاه يتطوع" عصام يدق.. رديت وبصراخ: خير خير قلت لك تعال مو دق قال عصام: أيش فيه ووين اجيك ووش تبي بأبوي حاولت اهدي نفسي وبديت اقول ل عصام كل شيء بصوت واطي عشان ما يسمع أبو طلال بعد ما خلصت وقفلت المكالمه جلست بالأرض وقعدت أفكر واناظر الأرض قال أبو طلال: ممكن تشرحلي ايش فيه طلال ما يصحى واشبك انت متوتر كذا لا يكون سويت بولدي شيء؟! ما رديت عليه وقعدت اناظر طلال.. تذكرت لما قالي طلال -هالحين حاطه تحت سريري بصندوق- دخلت تحت السرير بديت احوس كان فيه ملابس وجزم وشنط وكتب والدنيا منحاسه تحت سريره.. وأخيرا لقيت صندوق وسحبته وطلعته وحاولت افتحه بس كان مقفول بمفتاح قال أبو طلال بعصبيه: انت ايش فيك ايش فيك؟! ناظرته وابتسمت وقلت: ما فيني شيء قمت وبديت ادور بالغرفه عن المفتاح ولا خليت مكان بالغرفه ما دورت فيه يس للأسف ما لقيت المفتاح رجعت اناظر طلال وعلى طول قلت بنفسي: اكيد تحت مخدته سحبت المخده ولقيت مفتاح صغير حق الصندوق اخذته وفتحت الصندوق وطلعت الكتاب وكان بكيس وخليته بكيسه وحطيته عالطاوله ورجعت كل شيء مكانه وأبو طلال يناظرني وهو ساكت.. شوي الا يدق جوالي وطلعته من جيبي ورديت وكان وكان عصام قال عصام: عمار انا وأبوي عند الباب قلت: طيب -وقفلت- قلت لابو طلال: عمي شسمه عصام وابوه عند الباب قام وخرج من الغرفه ومشيت معه وفتح الباب وسلم على أبو عصام وعصام ودخلهم الغرفه قعد أبو عصام عند رأس طلال وأبو طلال قاعد بطرف السرير قال أبو طلال: أيش السالفه ايش فيه طلال؟! لفيت على عصام وهمست له: قلت لابوك السالفه؟ قال عصام: اكيد بدأ أبو عصام يحكي لابو طلال كل شيء عصب أبو طلال وقعد يناظرني انا وعصام قال عصام: هيه عمي وربي هو طلال الي جاب الكتاب ولا حنا مو حول هالسوالف قال أبو عصام: كلكم تساعدتو فهالشيء مو طلال لحاله والدليل الي صار لعمار كان عصام بيقول شيء قمت وحطيت يدي على فمه وقلت: كلنا غلطانين لف أبو عصام على طلال وبدأ يقرأ بصوت جميل ومريح.. دقيقه ورا دقيقه وانا حاس بخنقه.. بديت اكح بقوه واكح وأكح! مسكني عصام وقاعد يضربني على خدي ويصارخ ويقول: عمار وش فيك بدأ أبو عصام يعلي صوته ولكنه عارف انه هو السبب.. لاحظ أبو طلال في كل مره يعلي أبو عصام صوته أزيد كحه مسك يد أبو عصام وقال: وقف الولد بيموت! ....
