RUN

Note

السلام عليكم

احم احم..
بوضح لكم بعض الاشياء و اعبر عن مشاعري و بروح

النهايه ليه كذا؟كان المفروض النهايه تكون ألبيرتو يروح السجن بسبب جرائمه و الكل يكمل حياته باستثناء حبيبة جيمين اللي ما ذكرت لكم اسمها طول الروايه مدري ليه المهم باستثنائها هي الوحيده اللي كانت المفروض تموت و عشان جيمين ينتقم لها يواصل طريقه عشان يلقى دليل ضد ألبيرتو..بس بعدها فكرت في وقتنا الحالي،شفنا كثير جرائم بس القاتل عرفناه؟لا ما عرفنا من هو القاتل لأنه يتسترون عليه دائماً،لذلك تقدرون تقولون انها تعبر عن واقعنا الحالي و جرائمه

اضافة جريمة البنت الصينيه كانت واقعيه و تقدرون تبحثون عنها اكتبوا "أليسا لام" و بتطلع لكم+فندق cecil موجود فعلاً بـ لوس آنجلوس وفيه صارت كثير جرائم تقدروا تبحثوا عنها..

جريمه ثانيه واقعيه كانت الجريمه فالبارت الثالث،طريقة الموت و تقطيع الجسم يب واقعيه بس اضفت ملح و بهارات شوي عشان القصه

فكرت الروايه جت لي و انا جالسه زي العاده اشوف انستا و لقيت صورة لـ تايهيونغ و خلفه فندق سيسل التعليقات مره جذبتني اعرف ايش قصة الفندق رحت بحثت و قرأت عن اليسا لام اللي هي ابرز جرائمه و فجأه قررت نعمل رواية

للصراحه الروايه ذي كنت مره حابتها و متخيلتها فصورة مره فخمه بس انا جيت خربت ام الروايه

اما عن الشخصيات فالبدايه ما كنت ابي البطل جيمين ابدا،كان بطل الروايه فالبدايه هو تيكيون لاني لما كتبتها كنت لسه قبل ايام مخلصه فينتشنزو و حبيت شخصية تيكيون مره بس بعدها غيرت و خليت جيمين لاني ما عرفت اكتب و ما قدرت اكتب و الشخصيه تيكيون

ألبيرتو من البدايه كنت ابغاه اجنبي مب كوري،اما عن اسمه فالبدايه كنت بخلي له ماضي حزين و اسمه ألبيرتو لأني حبيت اخلي شخصيته زي شخصية ألبيرتو من هبوط اضطراري للحب بس غيرت رأيي،و برضو كنت راسمه له نهايه هو و يي نا و كنت مقرره ان يي نا تطور مشاعرها اتجاه ألبيرتو بس حسيته ظلم لـ يي نا،قتل ابوها و تجي تحبه؟ما بسمح لها.

يي نا حبيت تكون شخصيتها قويه و ما تسمح للرجال يهينوها لأني الصراحه اشوف ان كذا شخصيات المفروض تكون قدوة للكل،و السبب في ذلك هو حبي لشخصية سي ري من هبوط اضطراري للحب،واقعه بحبها مره،و كنت بخلي لها ماضي مؤلم و كذا و بهارات و دراما و كنسلت لانها فكره مره مكرره و تعبت منها القاها فكل مكان

جيمين شخصيته كانت واضحه و ما بيحتاج اتكلم عنها بس عن نهايتها فالبدايه كنت ناويه اخليه يعيش و بيكمل مهنته كـ محقق بس حسيت ان في ذا الوقت مافي مجرد محقق يقدر يمسك شخص له اموال و يسيطر على الناس بواسطة امواله لذلك كنسلت و قلت بخلي ألبيرتو يقتله لعيون الاموال

حبيبة جيمين اللي ما ذكرت اسمها كان لأنها مب شخصية تستحق يذكر اسمها يعني حسيتها شخصية جانبيه اكثر من ما حسيتها بطلة للروايه و كانت نهايتها انها بتموت فما حبيت اخليكم تتعلقون فيها و بعدها اقتلها،عشانكم قتلتها كلها و خليت لكم ألبيرتو

كنت حابه اوريكم كوبل ألبيرتو و يي نا لأني كنت اتخيلهم يكونون حلوين معبعض مررههه بس كنسلت برضو يا كثر الاشياء اللي كنسلتها بـ ذي الروايه.

اما عن الشخصيات اللي حبيتهم مره كانت لي يي نا بسبب شخصيتها القويه و نطمح نكون زيها

فالنهايه لكل واحد وصل الى هنا احب اقولك انك جاهدت و قرأت الكلام الممل اللي فوق،و كل شخص صوت للروايه و كتب تعليقات تعال ابوسك و شكرا والله ننتظر روايه جديده تجي بـ عقلي و بكتبها لكم