Camellia [Completed]

4

නානකාමරේ කැඩපතින් පේන මගේම රූපෙ දිහා මං බලාගෙන හිටියෙ හිස් හැඟීමෙන්.

මට මං ගැනම දැනුණෙ කලකිරීමක්.

"කිසි දෙයක් කරගන්න බැරි බයගුල්ලෙක්."

දිව අගින් මතුරලා මං කැඩපතට කට කොනින් හිනා වුණා.

කරාමෙ ඇරලා මං වතුරෙන් මූණ සෝදගෙන සෝදගෙන හරියට තරහ ඒකෙන් පිට කරන්න වගේ.

ඒත් වැඩි වෙලාවක් නොගිහින් එක පාරට මතු වුණු කැස්සක් මගෙ ඒ වැඩේටත් බාධා කළා.

-"අවලම් කැස්ස......"

මං ශාප කළා කැස්සට.

ටික වෙලාවකින් කැස්ස නැවතුණාම මං ආයෙත් කරාමෙ ඇරියා.

ඒ වෙලාවෙ මගෙ ඇස් ලොකු වුණේ සින්ක් එකේ තිබුණු මල් පෙති දෙකක් දැකලා.

කැමීලියා.......සුදු පාට කැමීලියා පෙති දෙකක්.

මං බලාපොරොත්තු වුණා. කවදමහරි දවසක මේ විදියෙ මල් පෙති බලාපොරොත්තු වුණා.

ඒත් මෙච්චර ඉක්මනට?

✍Choco Bee