BMW i8 ពណ៌ខ្មៅរលោងស្រិលបានបើកចូលក្នុងភូមិគ្រឹះរ៉ូម៉ាណូ។ ម្ចាស់ឡានងើបចេញពីរថយន្តដើរសំដៅទៅខាងក្នុងផ្ទះដោយអារម្មណ៍មិនល្អ ចិញ្ចើមគេជ្រួញចូលបន្តិចនៅពេលដែលអានឯកសារនៅក្នុងដៃ។
«នេះជាស្អី?» ម្ចាស់កែវភ្នែកពណ៌ប្រផេះសំលឹងមើលមុខកូនចៅពេលដែលពិនិត្យឯកសារចប់។លុយមួយចំនួនធំត្រូវបានបាត់រយះពេលបីខែមកហើយតែគេបែរគ្មានសមត្ថភាពចាប់ដង្កូវក្នុងសាច់បាន វាជារឿងគួរឲ្យអាម៉ាស់ណាស់ដែរមនុស្សដូចជា ឡាន់ដូ រ៉ូម៉ាណូ ចិញ្ចឹមចោរក្នុងផ្ទះបែបនេះ។
«ចៅហ្វាយកុំបារម្ភអី ខ្ញុំជឿជាក់ថាមិនយូរទេយើងប្រាកដជាអាចចាប់វាបានតែរឿងមួយទៀតដែលចៅហ្វាយគួរតែដឹងនោះគឺថាអាម្នាក់នោះវាអាចជាមនុស្សរបស់ រ៉ាហ្វ ព្រោះថាគំរោងផែនការសាងសង់របស់ រ៉ាហ្វ ស្ទើរតែដូចរបស់ក្រុមហ៊ុនយើងទៅហើយ ចៅហ្វាយគួរតែប្រយ័ត្នរឿនេះឲ្យមែនទែនផង» លូកាស ជាលេខារបស់ឡាន់ដូអាចនិយាយបានថាជាមនុស្សជំនិតក៏ថាបានព្រោះថាលូកាសជាមនុស្សដែលប៉ារបស់គេនាំមកក្រោយពីបានហ្វឹកហាត់ការងារជាមួយប៉ារបស់គេមួយរយៈធំលូកាសក៏ក្លាយជាផ្នែកមួយនៃការងាររបស់គេ។
«យើងដឹងតែពេលនេះមិនមែនជាឱកាសល្អសំរាប់យើងត្រូវបំផ្លាញវាទេ» ព្រោះពេលនេះក្រុមហ៊ុនកំពុងតែជួបនិងការគំរាមកំហែងពីរឿងជាច្រើនចាប់តាំងពីថ្ងៃដែលមានមនុស្សស្លាប់នៅក្នុងសណ្ឋាគាររបស់គេ មែនហើយគេជាម្ចាស់សណ្ឋាគារផតទ្រេត រ៉ូម៉ាដែលជាសណ្ឋាគារដ៏ល្បីឈ្មោះមួយក្នុងចំណោមសណ្ឋាគារធំៗទាំំងដប់នៅអ៊ីតាលីនេះ។
«អីចឹង!ខ្ញុំទៅចាត់ចែងការងារបន្តទៀតនៅសណ្ឋាគារហើយចៅហ្វាយ» លូកាស ឱនគំនាប់ចៅហ្វាយរបស់គេថានិងចេញទៅក្រៅតែក៏ទច់ងក់នៅពេលដែលលឺ ឡាន់ដូ ងាកមកសួរ។
«ចុះរឿងស្រីម្នាក់ដែលខ្ញុំឲ្យឯងតាមរកនោះពេលនេះរកនាងឃើញហើយឬនៅ?»និយាយមកដល់ត្រឹមនេះភ្នែករបស់គេមានពន្លឺបន្តិចហើយសំលឹងមើលលូកាសរង់ចាំចម្លើយ។
«មិនទាន់ទេចៅហ្វាយនាងមិនមែនជាមនុស្សនៅទីនេះទើបមិនងាយស្រួលក្នុងការតាមរក» ព្រោះតែស្រីម្នាក់នោះមិនមែនជាជនជាតិអ៊ីតាលីទើប លូកាស ពិបាកក្នុងការតាមរកគេព្យាយាមតាមរកនាងរយៈពេលជាង៦ខែ នៅតែមិនបានដំណឹងអ្វីសោះហាក់ដូចជានាងមិនមាននៅលើលោកនេះចឹង។
YOU ARE READING
ជំពប់ស្នេហ៍សាតាន (ចប់)
Romanceអ្នកណាទៅស្មានដល់ថាគ្រាន់តែរឿងខ្សែករមួយខ្សែ នាងត្រូវគេចាប់មកបែបនេះ? ស៊ូអើ x ឡាន់ដូ P.s. This story was my first ever work that I'd written when i were a senior at high school (over 3years ago). There are many mistakes I haven't revived since I want t...
