لعيون فرولاتي هالبارت الكم شوفولي حماسكم بالبارت 🍓♥️
# الكااتبة جولي 💥💫💛
الدكتور : وهو يمسح بوجهه أبني اختك كعدت بس ديربالك عليها اي ضرب او موقف قوي ترى تنسى كلشي .
ساهر : مصدوم من كلام الدكتور وشصار بااختي والله ادفعهم الثمن غالي وكتله شكرا دكتور واكدراطلعها .
الدكتور : كمل اوراق خروجها والله وياكم ابني .
ساهر : دخلت يم لمار وشفتها تبجي وراسها بالكاع مترفع عينها كتلها لمورة حبيبي والله حقج يرجعلج كومي يلا خل نرجع للبيت ولاتخافين اني موجود واذا شفت ميردوج او ياذوج ناجر بيت ونطلع وتجين ويانا انتي .
لمار : كعدت واني راسي يريد ينفجر من الوجع الي بي ودايخه افكر شصار وشنو يصير ووينهم اهلي واني وين شفت ساهر اجه وحجه الكلام الفوك 👆👆👆.
طلعت ورجعت مع ساهر للبيت اجت لولي كالت تعالي حياتي ارتاحي هنا بس امي مكلفت نفسها وباوعت بوجهي وبابا ويمان مشفتهم وراما بالمدرسه عدها امتحانات فتت واني كارهه الساعه الي داومت بي بهالمدرسه كعدت ع فراشي واني ميته تعب ومابيه حيل ارد لولي جابت غطه واتغطيت ونمت .
ساهر : رحت لامي شبيج ترى بنتج وتربيتج شنو مصدكين بهذا الفلم الي صار مكلفتي روحج توكفين وياها وتساليها وتساعديها انتي شنو من كلب عندج احجي وكلبي مشتعل نار اجتي ليان وكالت اهدا حبيبي تبقى امك هي هم مقهورة عليها يلا تعال بدل وارتاح شوي حتى من تتغدا تكعد لمار هم تغديها وياك خطيه .
لمار : بقيت افكر منو وليش استغربت اكو بنات يكرهني قبل فترة رسل مقصرت بشي واكيد هي لو لا لا خافت من ساهر متكدر بس نور ليش بااوعت بوجهي هيج بنظرات حقد وكره وليش جانت مرتبكه من شافتني اوف ربي ساعدني معقولة صديقتي غدرت بيه لا لا نور متسوي بيه هيج اوف ربي راسي حينفجر شوي ودخل ساهر ولولي وبيدهم اكل وكعدو يمي حجه ساهر وكاال👇
سااهر : اريدج قوية وساعديني حتى نوصل للحقيقه وهسه تعالي اكلي وياي ومعليج باأحد ماشي حبيبتي .
لمار : كلامه صح ولازم افكر واوصل لحل واخلص روحي واهلي من هالوضع الي وكعو بي بسببي وخصوصا حتجي اختي يمنا اليوم لازم متحس بشي ادري بيها حتنقهر عليه وهي مناقصها خطيه
بمكان أخر.
ادم : كاعد وضايج وادخن جكاير وصافن بالدنيا وين جنا و وين صرنا تالي متالي داعش يطلع اهلنا ويكتل بشبابنا دخيلك ياابافضل العباس كون وي شبابنا بمحنتهم واحفظهم وانصرهم ع القوم الظالمين .
طبعا جانت بدايه دخول دااعش ونااس تمدح بيهم ونااس تحجي عليهم وناس ضدهم ونااس ويااهم
وضع البلد مخربط والامن والامان يخوف والناس تهااجر من محافظه لمحافظه لو للخارج اوضاع متدهورة اقتصاديا وامنيا ومن كل الجوااانب قررت اروح للموصل وابقى بجانب اصديقائي واساند جماعتي واوكف وياهم واقاتل وياهم واتمنى اكون شهيد وانزف شهيد واني داافكر واخطط دك جهازي باوعت اهوو هم هالغثيته راح تسمم يومي كالعادة جاوبت واني روحي طافرة للسما اوف ربي
أنت تقرأ
أمسيات المستقبل
General Fictionقصه حقيقيه وجميلة جدا مابين الحزن والفرح واتهامات وحب ودمار وفقدان ع انهيار وخيانه القدر مابين الحب والفقدان وبين الالم والفرح .... أنها فتاة جميلة تتعرض لانواع العذاب ومن اقرب الناس لها ماذا ستواجهه وماذا يخبئ لها القدر هل يتستمر حزنها ام ستفرح وت...
