أمسيات المستقبل

الحلقه 10

فرولاتي خل نبدي ولوو تعبانه كلش 💔🥺
# الكااتبة جولي 💥💫💛

سااهر : كعدت الصبح شفت يمان طالع سالت عليه كالو جان عصبي وعفنا براحته مانريد مشاكل زايده كتلهم ماشي كعدت اتريكت وطلعت للدوام خابرت ادم كال بالطريق شوي ونوصل وصيته على لمار كاال بعيني  وصلت لدوامي طبعا عندي زميلة بالدوام أسمها (مريم) طبعا شكم مرة ساعدتها اني لان همه بنات اثنين وامهم ابوهم متوفي ومعدهم اخ والبنت محترمه بس قبل فترة عرفت بيها معجبه بيه من تصرفاتها وعيونها متشيلها عني شكد حاولت ما أنطيها مجال لان مزوج ليان عن حب وعندي اطفال وهالسواالف ميهمني اصلا بس هي تلزك بيه كلش المهم مشى اليوم عادي الى ان رجعت للبيت وشفت لمار راجعه بوستها وهي فرحانه كتلها اليوم اتحظرو اطلعكم نتعشى برا .

*نرجع لادم ولمار 👇👇

لمار : باوعي ادم بطرف عينه وحجه كال اي ست لمار شكد عمر المحروس ومن وين وشكد صار على علاقتكم وشسمه الاخ المحظوظ .

أهنا كتله ادم لا تتدخل هالشي خاص بيه وبعدين انت شلك علاقه بيه اشو لا أبن عمي ولا خطيبي ولا اخي حتى تحاسبني واني حرة بتصرفاتي وأني ... ... بعدني ممكملة حجه هو وكال👇

ادم : قبل متكمل كلامها عطت بيها كتلها وكلبي وسنيني الي ضيعتهن واني انتظرج يوم بيوم تكبرين بي هااا احجي هيج تجازيني ليش يعني مجنتي تحسين بيه من اغار من اعصب عليج ولج كرهتج كرهتج وصدكيني يا لمار إلا اخليج تحتركين بنار الحب هذا بس اصبري يا لمار وخلي ببالج اذا مجيتي الخميس للعقد اندمج ع الساعه الجيتي بي للدنيا افتهمتي .

لمار : يحجي وهو معصب ويضرب بالسيارة وهنا عرفت بي جان يحبني بس شوكت وليش وشنو الديصير وليش لازم اروح اوف ياربي اهنا تشجعت وسالته كتله ادم ممكن سوال انت من شوكت تحبني وليش اني معندي خبر وليش البارحه عصبت وحتى مكلفت نفسك تسمعني وتتاكد من كلامي ليش جاوبني فدوة هو هنا وكف السيارة ع صفحه واندار عليه وكال 👇

ادم : حجيت البكلبي واني ممنتبه ع روحي من العصبيه ومن سالتني هنا يلا نتبهت اني شحجيت اوف يالله وكفت السيارة وانداريت عليها كتلها لمار تنسين كل الكلام السمعتي مفهوم وترجعين لحياتج بس انتبهي لدراستج والخميس مااوصيج اريد اشوفج موجودة مفهوم .

لمار : هزيت براسي بمعنى اي بس ضجت منه ليش مجاوبني معقولة كرهني او بعده يحبني زين اني شبيه هيج مهتمه اوف يالله حطيت راسي ع الجامه وشوي ووصلني وقبل ماانزل كتله ادم احلف الك بعزة وجلال رب الكون اني جنت احجي مع صديقتي وهي شافتني ضايجه سوت نفسها ولد حتى تغير الموضوع واضحكني وبعد بكيفك اذا متصدك .

ادم : هي حجت هيج وعيونها تلمع وبيهن دموع كد رحمه الله اني سكتت ومشيت بس هاي جانت بدايه الدمار والخراب الي راح تبدي بحياتي وصلت للمركز ونزلت شفت يزن وسلمت عليه واجوي حسين وهمام زيارة علينا وكتلهم اتحظرو الخميس اريدكم وياي لان اعقد على بنت عمي ومنه عالم وناس بيضو وجهي مو تخزوني بسوالفكم افتهمتو اشو قبل ما اكمل كلامي جان يكوم حسين وهمام يهزون جتف صحت بيهم ولكم كافي كاعدين كوفي احنا