أمسيات المستقبل

الحلقه 32

يلا خل نبدي
قراءة ممتعه .....

# الكااتبة جولي 💥💫💛

* ٠٠٠٠ ( اسد ويزن وادم واهله ) ٠٠٠٠👇👇👇

اسد : شكو يزن شبي ادم ليش نكلب وجهك صاير شي .

يزن : لا ماكو شي بس يمكن ضايج ويريدني يمه .

اسد : ادم ميريد هالزواج مو ومغصوب عليه .

همام : نفتح عيوني وحلكي على اسد .

اسلام : وانت شلون عرفت .

اسد : هيوو الجحش سد حلكك لايطب بي ذبانه خايسه مثلك وانت لا عبالك بعيد عنكم يعني ماعرف شي عنكم .

يزن : اي صح هو ميريد روئ ويريد لمار .

اسد : منيه لمار ... ؟؟

همام : بنت عمو فارس .

اسد : اي وليش مخطبوله هالبنيه الي اسمها لمار من البداية .

يزن : اسمعني اسد ابو ادم ....................... وهذا الصار .

همام : بس لو ادري شوكت يبطلون من هالسوالف الطايحة حظه والتعبانه .

اسد : يعني ماكو اي علاقه بينه وبين لمار .

يزن : نهائيا بس لمار تعرف باادم يحبها ومن قبل ميخطب هو صارحها .

اسد : وهو خطب وكسر بكلب البنيه وانوب شك بيك وبيها .

همام : ادم من نوع الشكاكك كلش وغيرته تعمي عليه .

يزن : اني اعرف ادم كلش زين ادم يموت عالبنيه بس ميكدر يكسر ببنت عمه ولا يكدر على غضب اهله .

اسد : هذا مو حب اليحب يحارب مو بكلمة كلمتين ينسحب .

اسلام : ادم استسلم من الاول وهو وصل نفسه لهاي النقطة .

اسد : البنيه تحب ادم .

همام : اتوقع لا متحبه بس تعرف باادم يحبها .

يزن : البنيه صغيره عمرها ١٨ سنه لا اكثر يعني حب طفولي اوحب مراهقه خل نكول انعجب بي او حبته بس مو ذاك الحب القوي لان ادم مقدملهاا شي غير الاهانات والكسر .

اسد : وهي نفسها الموجودة هسه عد بيت الشيخ .

همام : اتوقع لان جدي كال البنات يمنه .

اسلام : وين الله والشيخ يحب لمار وهي تحبه خطيه ذاك المرة كلش نقهرت عليها .

اسد : الشيخ انسان مثقف ودائما اختيارته وقرارته صح .

يزن : وحده من الاختيارات الصح الي راح يختاره بحياته راح تكون لمار .

اسد : اتمنى هالشي لان حرام هالبنيه هلكد تنظلم .

همام : والله لو الشيخ يعرف باادم هيج كسرها واذاها والله يفصل راسه من جسمه .

اسلام : يستاهل والله وحيل بي .