بعد كولو مقصرة وياكم وين اكو هيج دلال فرولاتي ...
# الكااتبة جولي 💥💫💛
يلا نبدأ 👇👇
ادم : طلعت ورفعت راسها تباوع عليه خزرتها وهي خافت وراحت لاختها شوي ورجعت لغرفتها هزيت راسي وبكلبي حسرة خمس سنوات ضاعن تعبي بيهن كدام عيني جريت نفس وخابرت يزن حتى التحق باجر للدوام ماكو داعي ابقى بعد هنا واصلا مكدر ابقى كل مااشوفها اريد اخذ روحها ع كد محبيتها كرهتها بس ام منذر(تقى) مقبلت اطلع كالت تتغدا وتروح محبيت اخجلها سكتت وبقيت العب مع ميلا وهي تضحك وتتدلع وهي تنطي شبه قوي من لمار شوي واجه ابن عمي واتشكر مني واتغدينا بس لمار ساكته ومرفعت راسها الى أن حجيت أني وكتلهم الخميس التجي اعقد شيخ على بنت عمي .
لمار : متفاجئت لان اعرف بي خاطب بنت عمه واختي كالت عن حب خطوبتهم وخطبيته تغار عليه بجنون كلت حقها تغار والله هو حلو وشخصيه بس مغرور وشايف روحه وعصبي عابت شهل نظرات عبالك مجرمه كدامه بس اذا خاطب لعد البارحه شنو جان قصده اوف اذا ابقى يمه ادوخ واظل افكر خل اكوم احسلي (طبعا احجي بكلبي) احمم اني شبعت حروح اكمل قريتي تقى اذا احتاجيتي شي كليلي تمام .
تقى : لاعمري بس حضري غراضج بالليل يجي ساهر وياخذج خابرتني ليان وكلتلي انطيج خبر اوك .
لمار : وقبل مااحجي اني جان يرد ادم كال اني الصبح طالع للدوام اخذها بطريقي خابري ساهر وكليله لايجي الوضع اصلا مو زين .
تقى : ماشي هسه اكوله ان شاء الله ويصير خير .
ادم : ردت انفرد بيها وحدي واطلع حركه كلبي منها وافهم ليش محست بحبي وليش باعت نفسها بهاي السهولة.
لمار : ضجت ماريد اروح وياه بس ستحيت من اختي وزوجها وكلت الكاتبه الله يصير بس حلفت إلا اخلي يتندم ع كل كلمه طلعت منه ظلم بحقي رحت للغرفه حظرت غراضي ونمت شوي .
ساهر : دكت تقى وكالت ادم يوصلها كلت اوك وهم ارتاح وراي دوام الصبح صحت ليان تعالي اريدج .
ليان : حبيبي تريد شي .
ساهر : اي ياحلوة مشتاقلج كد رحمه ربج تعالي اليوم اكلج هههههه
ليان : كتله اوي عفيه لاتخجلني وعوفني خل اكمل شغلي واجيك وعو مجلب بيه ودافن راسه بركبتي ميقبل يعوفني الى ان كتله شوف وراك شنو هذا فهو هدني وانهزمت منه لان وراي شغل عاد هو افتهم وضحك كلي بالليل يمي واشوف منو اليشرد بعد هههه .
* (طبعا ليان وساهر ازوجوو عن حب وساهر يعشقها لان يشوفها الانسانه المثاليه بحياته وهم يشوفه بقمه الاحترام لاهله ) *
لمار : صار الليل واجت تقى كالت جهزي نفسج نتعشى برا وهم ناخذ الاطفاال شوي يتونسون بالحديقه ويلعبون كتلها ماشي عاد كمت حظرت نفسي لبست تنورة قصيره وبدي وفوكاها جاكيت قصير وتكرمون لبست بوتين وياه وشلت شعري سويته كبايه ونزلت كم شعراايه وخليت حمرة ومسكارة بااختصار طلعت حلوة
طلعت برا وشفت ميلا ومنذر كاعدين ولابسين نفس الالوان طالعين يخبلون كعدت العب وياهم الى أن طلع ادم وهو يحجي بالموبايل ويضحك وممنتبه عليه بس شنو طالع يجنن لابس كابوي بس هو قماش يصير لونه رصاصي ولابس قميص اسود وفوكاه جاكيت جوزي وتكرمون حذائه هم جوزي وساعه وهو عبالك يسبح بالعطر بقيت صافنه عليه الى أن نتبهت اليه وخازرني واني حسيت على روحي وغميته كلت عشتو عليمن هالغرور وبكلبي كلت شبيج لمار اذا تكرهي ليش تباوعليه اوف خل اخذ ميلا واطب جوا بين متكمل تقى .
ادم : جنت احجي مع حسين كلي ثول اي والله بس تجي اموتك ولك شنو علمته لابني كتلك عوفه هذا يلزك كل ميحجي وياي يكلي بابا اضرب لقاح خاف يصير بينا داء الكلب وماما تجيب بدل اخت جلبه ههه
ادم هو يحجي واني اضحك انتبهت لمار صافنه عليه شوي وخزرتها هي نتبهت وكامت وغمتني بس محسستها شفتها ودخلت جوا نهيت الاتصال وكلت شجان يصير لو ممرتبطه بااحد وصرتي الي بس اوف منك يا الكلب ليش متكرها مو سمعتها وشفتها أكرها وأنساها عاد اوف الله شوي وطلعوو واتوجهناا واني الطريق كله شايل هم شون اتحمل وهي هيج طالعه والناس تشوفها خرب بنت ال .... طالعه تجنن والشفايف والعيون مرسومه جنها العافيه والله .
لمار : اول شي رحنا للمول واشترينا واتعشينا وبعدها رحنا للحديقه واني اخذت ميلا واختي جتي ويانا وعافت منذر يم زوجها وادم ورحنا نصعد الالعاب تونست كلش رجعنا كعدنا ادم كال حجيب شي نشربه لان جوا لا صيف ولاشتاا بالعكس يجنن الجوو راح واجه جاب عصاير النا وبقينا وهمه يسولفون واني اراقب ادم مااعرف ليش كمت أحب اباوعله واخلي كدام عيني هو نتبهت عليه عاد اني دنكت لان بس يخازر بيه كل ميشوفني كملنا ورجعنا للبيت وقبل ميروح كال الصبح ب٨ اجيج اتحظري مو تتاخرين كتله اوك وسلم وراح واحنا جواا اختي بغرفتها واني يم الاطفال تمددت وافكر مو اني اكرهه بس ليش احب اباوعله وليش مدا اكدر اكرهه رغم كلشي حجه بي عليه معقولة يوم واحد وحبيت بي ادم لا لا مستحيل اني اكرهه وهو حيخطب بس هو من عصب مني اشر على كلبه معقولة يحبني واذا يحبني شكو يخطب لعد اوف تعبت يالله بس لازم أنسى شي اسمه ادم وانتبه لحياتي الولد خاطب وحرام هالشي وبعد صراع قوي وطويل بين قلبي وعقلي نعست ونمت ومحسيت الا واختي تكعدني وتكول كومي ولج ادم بالباب وانتي بعدج نايمه راح يعصب وراه دوام كومي بسرعه ولج هنا طفرت كبل للحمام ...
ادم : كعدت من وكت وصليت وكملت وبدلت وطلعت ب٧ ونص يمهم لان اعرف راح تاخرني ومدري ليش عيوني تريد تشوفه وكلبي يدك سريع كلت لا ياادم مو انت التنزل راسك الها بعد الي صار هي متستاهلك لاتنسى ضيعت سنين من عمرك وتالي شفتها محققه احلامك وي غيرك اوف دكيت على أيمن طلع وكال أنزل بعد وكت نزلت وكعدنا بالمطبخ واجت تقى كالت حتبدل وتجي خطيه لحت تسويلي ريوك مقبلت جابت جاي وهي راحت لاختها بقينا نسولف اني وأيمن الى أن طلعت وجانت لابسه جينز وبلوز وشايلة شعرها ذيل حصان بس طالعه تجنن سلمت وكالت يلا اني جاهزة وسلمت ع أيمن وتقى وصتني بااختها وطلعنا بالسيارة .
لمار : طفرت للحمام سبحت وطلعت شسورت شعري بسرعه ولبست وطلعت كتلهم صباح الخير رد أيمن (زوج تقى) صباح الورد للورد تعالي اشربي جاي حتى لاادوخين بالطريق كتله لا شكرا وادم رد من ورا خشمه وكاال صباح النور عاد سلمنا وتقى توصي باادم بيه ومشينا بالسيارة الى أن حجه ادم وكال ...
توقعاااتكم للبارت الجاااي ولاتنسون التصويت للبارتات فرولاتي 😍
# الكااتبة جولي 💥💫💛
أنت تقرأ
أمسيات المستقبل
Fiksi Umumقصه حقيقيه وجميلة جدا مابين الحزن والفرح واتهامات وحب ودمار وفقدان ع انهيار وخيانه القدر مابين الحب والفقدان وبين الالم والفرح .... أنها فتاة جميلة تتعرض لانواع العذاب ومن اقرب الناس لها ماذا ستواجهه وماذا يخبئ لها القدر هل يتستمر حزنها ام ستفرح وت...
