أمسيات المستقبل

الحلقه 20

فرولاتي أحلى باارت لاحلى فرولات ... 👇👇

# الكااتبة جولي 💥💫💛
يمان : بعد مطلعت من بغداد رحت يم عمامي بس كلت لاهلي يم صديقي وماجر شقه بس اني بقيت بيت عمي ابو غيث وجنت كلش مرتاح يمهم ناس طيبه وتحب الخير الك ولغيرك
بس اني جرح كلبي جبير وناري ميطفى ابد راحت ايام واجت ايام ولمار شبه مقيمه عد اختي تقى واتوقع هذا الافضل الها بس كلبي يوجعني ع ملاكي الراحت مني بغبائي وكبريائي ادري عليمن االغرور بوكت الحب اوف ربي بقيت ورا الموضوع الى ان وصلت للحقيقه واني مصدوم معقولة لمار الها غاية بشي وليش هيج خربت حياتي واني مماذيها بشي وجنت مدللها لو هم جانت ضحية لنور هي لمار غبيه وفاهية اوف ربي الى أن وصلت وقررت لازم اعتذر من ملاك ولازم اواجهه لمار ...

بيوم رجعت بي لبغداد وقررت اتواصل مع ملاك واروحلها لاخر مرة واعتذر منها لان ظلمتها وفعلا التقيت بيها بس بصعوبه جدا وكتلها 👇👇

بَرِد تموز حبك من يمر صيف
وحر تشرين يا نار اشتياقي
راقي ما شفت بس إنت والله
والغيرك چِذب من گال راقي
وكافر بالعشك ماعندي الإيمان
بس بعدك نعم صار اعتناقي
واحساسي نبي من راد يهواك
كسّر كل هُبل قبل التلاقي!
يا شعري وقضيتي والمكاتيب
يا سهر الليالي واحتراقي
إلك كل العمر ومقصِّر ويّاك
يا بيتي ومحلّتي وكل زقاقي

ملاك اشتاقيتلج واشتاقيت لايامنا اشتاقيت وحنيت لسوالفنا ردت وكلتلي 👇

ملاك : وهو شخرب العشك غير القسمه تاخذ المالك نفس بي وتنحرم من جرعه اوكسجينك 💔💔
روح يمان مسامحتك دنيا واخره وانت الحب الاول والاخير بس شسوي هي قسمه وانت مامقسوملي
روح ياابن كلبي وماي عيني كون دربك بالنور تنور
ولمار لاتاذيها لان مالها ذنب بشي جانت ضحية لمن لايرحم بيها وهسه خل اروح لان مكدر ابقى بعد وانت انتبه لنفسك يمان وعيش حياتك وربي يسعدك وبجيت من كلبي قبل عيوني درت وجهي وداامشي واروح حجه يمان وكال تتذكرين من جنتي تبجين شكلج خل نعيدها اليوم 👇👇...

مقطع الشعر 👇

هو: لا.. لا تبچين.. امسحي دمعتچ وأرجوچ لا تبچين ..
يل دمعچ جمر وخدودچ أحلى ورود ..
خايف على خدودچ من دموع العين.. لا تبچين
وردة وتحترك ما تحمل النيران.. يذبل كل وركها وتستحي من الطين
هي: وانت تكلي لا تبچين مو عمري انتهى
وأيامي كلها تروح .. لو راح العمر متكلي أجيبه منين؟
هو: لا تبچين المن بعد المن تسوه دمعه تطيح
هو إيش باقي بينا ونحترك كل حين
تعبنا القهر ممشى جزيرة وخوف
صار الماضي غلطة وچنه غلطانين لا تبچين لو يسوه العمر يمكن بچينا سنين
هي: شلون اتكلي لاتبچين؟
هو: لا تبچين!!
هي: تدري انت الي يحب ما يكدر على النار
ويا نار اللي بيَّه أتفزز الميتين.. احتاج الدمع من ما أشوفك يوم
لأن يصبح عليَّ اليوم خمس سنين!!
حبيبي لخاطري لا تبتعد أرجوك ما أحمل فراكك .. تدري كلش زين
هو: بس ارجوچ لاتبچين خوفي أنا عليچ من الدمع والله
مرات الدمع ياخذ حلاة العين ...