أمسيات المستقبل

الحلقه 18

فرولاتي هاااي بارت لعيونكم وبالليل انزللكم بعد بااارت
يلا فرولاتي انطلقوو وبعد كولو مدللينا 😊😊

# الكااتبة جولي 💥💫💛
يزن : شفت همام ديجفص وهاي الفاهيه مدري فرحانه بسوالفه لو شنو ومنه ادم عيونه بكصته واني ماعرف ليش ماريد لا ادم يكسرها ولا همام يفرحها مااعرف شنو الي ديصير بيه اخذت همام واني اجر بي ودخلنا وسلموو وكعدنا كلنا وبدينا نسولف احنا الشباب والبنات ع صفحه كاعدات مع أمي بس خطيبه ادم ابد مو راحه يمكن حتى ادم حس بيها وبتصرفاتها بس شيحجي وشيكول ظل بس يستغفر ويتحلف بهمام ههههههه وهذاك مستمر يطك اصبع ويهلهل ويكول واخيرا قبل مااموت شفت شمسين سوا طالعين وانوب شون غزالة وكل الترف بيها هنيال الياخذها عمي هههههه واحنا مندمجين بسوالف وضحك فزينا ع صوت صياح طلعنا كلنا وشفنا شي ممتوقعينه ....

*تعااالو نرجع لبيت أهل لمار شنو نسيتوو يمان وساهر وهم نتعرف ع البطل الثاني خطيه هذا البارت الثامن عشر وهو مظلوم وماكو راح انكتل من ورا اهمالي لوجوده بالقصه ولو هو الاصل ههههههههه

👇👇👇

ساهر : حجيت ويه ابوي واتفقت وياه ننقل مدرسه لمار لمحافظه ... يعني يم تقى ببيتها تبقى وتكمل افضل الها والنا لان هنا مستحيل تكدر تكمل بعد وافق ابوي وكملت كلشي الها حتى قبل متنفتح المدرس انقلها وكبل هناك اداوم وهم اشتريتلها موبايل وكلت اخذلها هناك من اروحلها واني دا احجي مع ابوي دك يمان عليه وكال الشيخ غيث هناك وراح يمر عليكم كتله يا هلا بي بااي وقت وانطيت خبر لاهلي يحظرون الاكل واتي هم وصيت من برا وبعد ساعات اجه غيث ودخل وسلمنا عليه وكعدنا وهو كال عمي تسمحلي بكم حجايه من رخصتك كله اتفضل عمي انت تحجي وتامر متحتاج تترخص كله تسلم عمي متقصر وكال ...

* صار الوقت تتعرفون بي عليه
وتعرفون شنو العلاقه التجمعني ببيت أهل لمار .. 👇👇

أني الشيخ غيث اصير ابن عم لمار عمري ٢٧ سنه واني طبيب عسكري (اختصاص جراحه) اني اخذت الشيخه من بعد جدي بحكم شخصيتي وقوتي والناس تحترمني وين مااتواجد وكلمتي وحده مااقبل بشي غلط اني وساهر نفس العمر بس ساهر يختلف عني هو هادى وطيب ومتفاهم أما اني لا عصبي جدا والطيبه شايلته من كلبي من زمان اني انسان جدي كلش ورسمي .

طبعا جدي علي متزوج وحده غريبه وخلف من عدها ٣ بنات و٣ ولد (البنات اتزوجوو من الكرايب من ولد عمهم ووحده اتزوجت من غريب ) .
والشباب 👇👇
أبوي اخذ بنت عمه وعمي الثاني هم اخذ بنت عمه بس عمي ابو ساهر وهو جان الصغير جان يدرس بكركوك وحب هناك وحده كرديه وظل يتعارك ع مودها الى أن اتزوجها وجدي طرده وراح اخذ مرته وعاش ببغداد وحده لا يم اهله ولا اهل مرته واني من كبرت سالت وظليت الى أن عرفت بالموضوع كله وعرفتهم وين وشنو يشتغلون بحكم معارفي وادم يصير كرايبي يعني ولد عم ابوي وهم ساعدني حتى اوصل لبيت عمي هو وايمن لان يداومون مع أمير وفهد وهم ساكنين بنفس محافظتنا بس بغير منطقه وهمه كلهم باعتبار اني الشيخ فيحترموني من اصغر واحد الى اكبر واحد وكلشي يتم بامري اني ..