أمسيات المستقبل

الحلقه 3

فرولاتي أحبكم ♥️😍
# الكااتبة جولي 💥💫💛

يلا نبدأ 👇👇

ساهر : أخذت من المديره الموبايل ونصدمت محادثات مع شباب بكروبات مشتركه ومحادثه مع شاب اسمه مهند وعلاقه حب ودازة صورها واكو محادثات حاجيه بيهن ع المدرسات والطالبات ومتوعده تجيب طالبات يم شباب هنا أني عقل مظل براسي مااجذب عليكم مصدكت بالبدايه من شفت دازة صورها بالمحادثه هنا فقدت وضربتها بكف ع خدها انطبع اصابيعي .

لمار : ساهر اخذ الموبايل ووجهه تغير صار عصبي ومبين شريان ايده من الاعصاب وهنا اتفاجئت من ضربني ووكعت شالتني مدرستي ام الاقتصاد .

المدرسه(ام الاقتصاد) : اكو شي اسمه الدفاع عن النفس خل نسمعها قبل منحكم عليها شنو احنا بيه عصر عايشين شنو هالتصرفات .

ساهر : ست اني اعتذر واذا تسمحولي اخذها واخذ الموبايل وارجع واعتذر منكم .

المديرة : لمار لان شاطرة وخلوقه اني محبيت افضحها بالمدرسة وخابرت عليكم ابني اختك مفصولة هالسنه بسبب انو تتواعد تطلع البنات خارج المدرسة لاماكن غير مسموحه بي وانت تعرف تاثر ع سمعه المدرسه .

ساهر : شكرا بس أتمنى الموضوع ميطلع برا يبقى بينا احنا الموجودين ونترخص منكم ودفعت لمار كدامي واني كارهتها لاول مرة اكره اختي حسيت روحي كدام العالم بلا قيمه وبلا اخلاق بسببها .

لمار : اسمع ومصدومه مدرستي ومستقبلي وحلمي لا يا الله مالي غيرك بين الحقيقه نظلمت باوعت بعيون الموجودين احس الكل كارهه وجودي وحقهم واني بعدني مااعرف شنو مضمون الرسائل والمحادثات الي بالموبايل محسيت الا ع دفعه ايد الي شفت ساهر دفعني وكاال جيبي غراضج خل نطلع مكدر اباوع بوجهه احد بسبب عارج هذا والله لاخلي يمان يدفعج الثمن غالي خليتي راسنا بالكاع يا حقيره تف عليج اباوع ع ساهر ومصدومه رحت دكيت الباب وجان درس انكليزي بادي اول مدكيت فتحت المدرسه الباب وكالت ممنوع ادخلين انتي مفصولة وهذا قرار فصلج اباوع الصدمه بعيون الكل بس رسل الضحكه شاكه حلكها كلت اكيد تتشمت بيه واكيد هي ورا هالسالفه بس شون اوف ياربي ووحده من البنات رفعت راسها وجانت تباوعلي بنظرات غريبه كلش كلت يجوز لان مصدومه بيه وحقها تباوع بوجهي بنظرة حقد وكرهه .

وشفت حوري ودموعها ودعتها بعيني وعرفت تعرف بيه نظلمت وطلعت بسرعه من المدرسة مع ساهر والطريق كله يتوعدلي ويسب ويغلط هنا فقدت كلشي عندي ذرة امل مبقى عندي رفعت راسي للسما وكلت يالله سلمت امري الك اوكفلي وساعدني دخيلك ياربي اوكفلي وانصرني جيتك مظلومه ومحرومه من مستقبلي نزلت دموعي ووصلنا مكان مجنت اتوقع يجيبني بي ورفعت راسي مصدومه .

ساهر : طلعنا من المدرسه عقلي يكلي هي وكلبي يكول لا هي بنتك قبل متكون اختك محتار شسوي طلعت لمار وجاي تجي بااتجاه السيارة شفتها مكسورة مستحيل لمار تسوي هيج بس لازم اقسى حتى اوصل للحقيقه اخذتها وطلعنا ع مكان شبه مقطوع كلت اخوفها حتى تحجيلي كلشي واساعدها مهما يكون تبقى اختي وكلنا نغلط وهي بعدها طفلة وصلنا للمكان كتلها نزلي كدامي واني اشوفها مصدومه من المكان والاحداث .