أمسيات المستقبل

الحلقه 12

فرولاتي شوف الدلال شون يصير ههههههه  ...
# الكااتبة جولي 💥💫💛

*نرجع لبيت ادم 👇

ادم : ضاجت لمار وطلعت برا بالحديقه طلعت وراها وشفت كومه ولد همه ولدنا ولد عمامي وخوالي وعماتي وجماعتي هنا متحملت وهي طالعه جنه العافيه طلعت وراها بسرعه كتلها لمار فوتي جوا عينج مدتشوف ناس متروس بالباب فوتي لاأبتلي بيج هسه بس لمن ندارت عليه وحجت انصدمت 👇

لمار : نداريت عليه ولزمت ايده كتله ادم لاتعقد لاتتزوج
الغي كلشي فدوة لاتتزوج ادم .

ادم : صافن ومصدوم من كلامها وهي تبجي ولازمه ايدي وقبل مااجاوبها لمحت اخوي  جاي باتجاهنا سحبت ايدي منها حتى لاتجيها كلام وصل اخي يمنا كال ادم الناس مشت لبيت عمك وجماعتك بالباب ينتظروك بسرعه واندار على لمار كللها لمورة بيج شي كتله مابيها شي روح وجاي وراك وكله لهمام وحسين اثكلوو شوي منه عالم وانتو ماشالله .

لمار : سحب ايده واجه اخوه هنا فقدت كل الامل من راح اخوه باوعتله كتله لاتروح ادم اني أحبك وماعرف شوكت وليش بس اعرف احبك ومكدر اتحمل تروح لغيري .

ادم : تحجي وتبجي لو بيدي أحضنها وانعل ابو الدنيا بس وين بعد تصرفج وقراري وكبريائج وكبريائي حطمو هالحب يا لمار (احجي بكلبي ) عفت ايدها ومشيت مجنت أعرف هيج حيصير بينا هنا عرفت انو خلص الحياة انتهت طلعت لجماعتي ورحنا لبيت عمي وهمام وحسين كضوها ركص وهز ولايستحون عبالك مراهقين الى ان حجه همام وكال 👇👇

همام : لك حسين شفت الغزال اويلي الله وين اصيده .

ادم : لزمته من ياخته يا غزال ولك عيونك افكسهن افتهمت .

حسين : والله يالله هالعقده هم طلع يحب وطلع عنده مشاعر واحسايس هههه .

همام : الله يعينك ع ما ابتالك به ههههه .

حسين : لاتزيدها ولك بس بشرفي عبالي لا كلب ولا دكه عندك طلعت من تحت لتحت يول هههه .

همام : اووو معرفتك يالرومنسي بس ذوقك دمار ههه .

ادم : ضربته بوكس لان شقاهم ثكيل وسخيف ويزن سحب همام من ايدي واخذه وحسين عود بقى حتى يهدي بيه ويكول شبيك ترى همام يشاقه كتله ظهرك يحكك ترى جاهز صارلي زمان ممحرك ايدي بظهر احد تريد اتفنن بظهرك اليوم  كلي وبعدين وياك بس سوال هاي حبيبتك بس يا ادم ليش تزوجت غيرها مدام تحبها كتله سالفه طويلة بعدين اسولفلك .

همام : عرفت بي يحب هالغزال بس ليش يخطب غيرها لعد
اني بطبيعتي احب العب باعصاب يزن وادم لان همه عقده بفلوس ميضحكون بس مجنت اتوقع رده فعل ادم هيج اهنا كتله يزن معقولة هالسنين كله ادم جان يحب هالغزاال واحنا منعرف يزن ضحك وكال الظاهر البوكس عجبك وتريدلك بعد كتله صلاوات وكمت اهلهل كلي خبل منه عالم بيك شي كتله انت ضحكت ولكم يا عالم يزن ضحك واخيرا عبالي معندك سنون لهذا متضحك بس والله طلعت صاك من ضحكت اعترفلك اني انعجبت بيك ومااحس الا ببوكس ثاني ببطني كلي حتى تبطل سوالفك الجايفه وامشي كدامي لا ابتلي بيك كتله يمعود ايدك حيل ثكيل واني شاب كيوت ورومنسي ههههه وانت طلعت مصاريني لبرا الله يساعدها لبنت الحلال التاخذك حتى البوسه بقسوة تصير كلي تريدلك بعد وحده كتله لا امشي امشي توبه بعد بس والله إلا اخبل ادم صار ووكع بيدي الولهان ههههه .