يلا فرولاتي الحلوات باارت لعيونكم الحلوات ♥️😍
# الكااتبة جولي 💥💫💛
ادم : افكر بحبيبتي وبحياتي الي اعيشها بدونها شون وشون حكدر اكمل مع انسانه ماريدها وانجبرت عليها اوف الله شوكت اموت واخلص ربي كون لو تنطيني الي اريدها لو تاخذني والله تعبت متحمل اشوفها بيوم متزوجه غيري او تحب غيري اوف يالله ساعدني والله تعبت وكرهت روحي ودنيتي واني بعيد كل البعد عنها .
اوف الله استغفرت وهدت شوي وكلت خل ادك ع حسين ياخذلي هالاسبوع اجازة واعوضهن بمكانه غير يوم ودكيت عليه شوي ورد وهو صوته واصل لسابع جار.
حسين : هلا بضلعي شلونك حبيبي دومي الورد ضد الحرارة والبرد ههههه .
ادم : ولك نجب وصوتك نصي مو اطرش ترى واسمعك حتلو تحجي بهدوء .
حسين : كول من الاخير شرايد وخلصني ياعمي اني رجاال ورايه حاتات احمم اقصد مسووليات وكذا هههههه .
ادم : لاتخاف اني اكفي واوفي بس اجي للدوام اعلمك شون مسووليات تتحمل ياابو الحنيه الزايده .
حسين : عمي شبيك ولاتتحمل شقه وبعدين قلبي الصغير لايتحمل عمي مااعوفهن وداعه فخريه ام اللبن ههههههه .
ادم : اذكرك يا صاحب المسوولية والقلب الطيب من عفتني مجرد مشفت جلاب وانهزمت بس ربك عوضك اويلي الله من عضك الجلب وشون جلب مجلوب مثلك هههههههه .
حسين : ههههههه حوبتك يالسيد بس الحمدلله عدت ع الخير بس والله فعلا جلب عنده طاقه اقوى مني هههه .
ادم : ياعدت ع الخير غير اسبوع كامل واحنا مهزومين منك خاف لايصير بينا داء الكلب ع كولة همام ههههههه عمي لو مملقح ولا اكعد يمك ههههه .
حسين : خبيث مو بيدك هههههه وهمام الخاايس بس لو اعرف شون هو ويزن ولد عم واحد عقده والثاني جايف وخايس ههههه .
ادم : ههههههه وانت اليسمعك يكول شحلاتك مو انت وهمام وأمجد مااكو انكس منكم ادري ليش هالخفه عمي ثكلوو ترى زلمه طول بعرض لو إلا .... هههه وكالعادة بقينا نسولف ونضحك كتله حسون حبيبي خابر يزن هالاسبوع يبقى بمكاني لان دااخابره وميرد يمكن بعده ضايج مني هههههه ومخابرت وهمام حتى يخابر يزن لان مااثق بي كل خفه الكون بركبته ههههه انت خابره وكله ادم كال عندي شغل مكدر اجي من اكمل شغلي اني اخذ مكانه وهو ينزل .
حسين : صدك جذب هو كم جلب مجلوب عندي ههههه .
ادم : اي مو اني الصرت اعوي عو عو هههههه واني اعض بالعالم ههه .
المهم ختمت الاتصال مع حسين وردت انام بس سمعت صوت وحركه كبل اخذت المسدس وطلعت ع كيفي وشوي واتاكدت مصدر الصوت والحركه بالمطبخ فتحت الباب شوي ع كيفي من الباب الثاني للهول وفتت وشفت لمار تحجي وتضحك وتكول احبك واريدك اهنا عقل مظل براسي كبل سحبت الجهاز منها وسديته وجريتها من ايدها للاستقبال .
لمار : كاعده ومندمجه مع حوري وفجاة انسحب الجهاز من ايدي اني لو تذبحوني قطرة دم متلكون بيه شفت ادم صاك ع سنونه وشرايين ايده حتنفجر من العصبيه وخازرني ع دقيقه يخنكني جرني من ايدي بقوة ودخلني للاستقبال وشمرني ع القنفه هنا انصدمت من كلامه بحيث كرهته وكرهت الساعه الي شفته بي .
ادم : بعد ماجريتها وشمرت ع القنفه واني اعصابي الى درجه كتلها واني صاك ع سنوني منو هذا الكواد هذا عشيقج مو هذا الي نكتلتي بسببه هذا النزلتي راس اهلج ع موده احجي ولج لا تشوفين شي ميعجبج .
لمار : ادم يحجي واني ماعرف شجاوبه بس من صيح وكال تشوفين شي ميعجبج خفت لايخابر يمان ويكوله كتله والله صديقتي حوري جنا نشاقه ونضحك واذا متصدك خابر واسمع صوتها والله صديقتي والله معندي لا حبيب ولاشي .
ادم : مااسمع اي شي من كلامها كتلها هالسوالف مو عليه ينطي بيد اخته وتنسد السالفه وكعدت يمها كتلها انتي وحده رخيصه التحجي بنص ليل مع شخص غريب وتكله اريدك وتعال واحبك هاي متستاهل تكون بنت عمو ابو ساهر متستاهل هالكلب يدكلها وكمت أاشر بيدي ع كلبي وكتلها والله اشلعها وادوس عليها بالقندرة بعد اليوم اذا دك وحن هنه كلهن جذابات ومو شريفات اي يا ست لمار احجيلي منو هو ومن وين وشكد صار ع علاقتكم وطلعاتكم وطباتكم .
لمار : من حجه هيج عليه كرهته واتمنيت ميته ولا انذل وانهان هيج كتله شي خاص بيه يا ادم وانت مو من حقك تحاسبني عندي اهل يحاسبوني وهسه من رخصتك رجعلي جهاز اختي وتصبح ع خير .
ادم : ادبسززز السانج اكصها لا عبالج اسكتلج والله ما ارحمج يا لمار وتشوفين شسوي بيج ع هالسالفه وع هاللسان الطويل وهسه اخذي الجهاز والصبح من تكعد اختج نتفاهم ياام الحب بنصاص الليالي .
لمار : مااعرف ليش عصب وليش محاول يسمعني وليش هيج حجه بس الي اعرفه كرهته وكرهت تدخله
كتله حبيبي هو واحبه لا انت ولا الف واحد مثلك يكدر يحجي عليه بشي مو زين اني الشرف بحد ذاته افتهم يا ضابط ادم وع فكرة لاتتدخل بما لا يعنيك كي لا تلقى ما لا يرضيك اوك بعدني دااحجي مااحس الا بكف فر وجهي فر .
ادم : من كالت احبه ويحبني ولاتتدخل مظل عقل براسي بس سكتت ردت اسيطر ع روحي حتى اعرف منو واتصرف بس شفتها كامت تخربط بالكلام ضربتها وهي نصدمت ووكعت بالكاع كتلها اول واخر مرة ترفعين صوتج عليه ادبسزز فوك شينج كوة عينج كومي اطلعي برا .
لمار : وكعت من ضربني ومن صاح كبل طلعت ورحت للغرفه وخليت جهاز اختي ع صفحه وكرهت ادم كرهه مو طبيعي وكرهت الساعه الي جيت بي ع الدنيا ليش هالحظ ليش كل مرة بدون سبب اوكع بمشكلة وليش هيج يا ادم المفروض تسمعني وتشوف وتحكم مو تهيني وتضرب وانت مالك اي حق بيه بجيت لحد مكعدت الظهر ع صوت جهال اختي وهمه يكمزون كمت العب وياهم شوي وانفتح باب الغرفه وطبت اختي وكالت ...
توقعاتكم للبارت الجااااي يا فرولاتي ولاتنسون التصويت لجمبع البارتات يا حلواتي 😍😍
# الكااتبة جولي 💥💫💛
أنت تقرأ
أمسيات المستقبل
General Fictionقصه حقيقيه وجميلة جدا مابين الحزن والفرح واتهامات وحب ودمار وفقدان ع انهيار وخيانه القدر مابين الحب والفقدان وبين الالم والفرح .... أنها فتاة جميلة تتعرض لانواع العذاب ومن اقرب الناس لها ماذا ستواجهه وماذا يخبئ لها القدر هل يتستمر حزنها ام ستفرح وت...
