أمسيات المستقبل

الحلقه 7

لعيون فرولاتي بااارت مفاجئ وحلوووو  😊😊...
# الكااتبة جولي 💥💫💛

# نروح لساهر ونشوف شنو الشغل وين جان 👇👇

ساهر كلت لاهلي مسافر وابتعدت عن اهلي وعفت لمار باامانه ادم لان اعرف هو كد المسوولية ورحت لصديقي هو هكر ويعرف مواقع وعناوين واصحاب الحسابات حتى الوهميات كدرنا نهكر الحساب ودخلت وقريت وشفت وعرفت واتاكدت منو ورا السالفه صح ضاع سنه من عمر اختي بس الحمدلله الحقيقه نكشفت وبيوم الثالث من الصبح خابرت يمان وكتله تعال انت وبابا لفلان مكان ... فعلا ساعه ووصلو للمكان حجيتلهم ويمان صار نار واعصاب ويتواعد كتله يمان اذا تبقى ع اعصابك اتفضل ارجع لمكانك هو سكت ورحنا حتى نتفاهم مع اهل البنيه ...

* تعالو نروح لنور صديقه لمار 👇👇

نور : كعدت الصبح واتريكت وكلت خل افتح الحساب وامسح البي وارجع احذفه نهائيا بس نصدمت الحساب ميفتح يعني مهكرينه اصلا وطاير مني خابرت رسل كتلها اذا جبتي طاريه اني بشي صدكيني كل صورج تلكيهن بالمواقع وبالاضافه ترجعين فلوسي وعلاقاتج تنفضح افتهمتي تحلين السالفه من يمج اذا صار شي سديت الخط وكمت اروح منه واجي منه وافكر شون اطلع روحي من القصه وشوي صار صياح وهوسه بباب بيتنا ركضت لكيت ابوي واخوي وابن عمي حسين يتعاركون مع اهل لمار هنا عرفت اني نفضحت بس كلت لا اذبه براس رسل واطلع منه اني .

ابو نور : خوي ابو ساهر تفضل منه عالم تفضل نحجي جواا مدام وياكم ادلة ومن تثبت تاخذ حقك من هالشوارب .

ابو ساهر : والنعم منك بس الي شفنا من بنتك ماهو خير ولا مقبول بنتي وصلت للموت بسبب بنتك .

اخو نور : اعرفو شدتحجون ساكت لان كاعدين ببيتي .

يمان : اسكت لك عار والله لو مو من الكاعدين جان سحلتك وعلمتك شون تحجي بنص الزلم .

ابو ساهر : ابو نور بنتك مخليه هذا الموبايل بجنطة بنتي بالمدرسه وبيها محادثات وهميه وصور بنتي بي واحنا نريد نعرف السبب ونريدك انت تربي بنتك بيدك واحنا نكدر نشتكي بس منريد تنفضح السالفه بالاخير احنا نعرف بعض واكثر من اهل صرنا فالاحسن انت تحله مع بنتك .

ابو نور : اخذت الجهاز وشفت كلشي واتاكدنا من كلامهم صح صحت ع نور راح اخوها وجابها كتلها احجي واذا جذبتي بحرف ادفنج هنا احجي ليش مسويه هيج بالبنيه .

نور : جنت اسمع اصواتهم وعراكهم هنا خلص لازم تنتهي المسرحية وتكشف الحقائق ع المنصه اتشجعت ودخلت بعد ما رادني ابوي وسالني كتلهم اسمعوني كلكم اني مندمانه ع الشي السويته واني ما اذيت لمار بشي والدليل المحادثات وهميه جانت واني مدزيت صورها لاحد لان لمار تبقى صديقتي واني ردت احرك كلب اخوها عليها واخلي يكرهه وينزل راسه بسببها وهم اخذ بحق اخوي عام منها عبالها هي بنت العز وترفض اخوي بكل وقاحه ...