فرولاتي جيتكم ببارت حلو لعيونكم ...
# الكااتبة جولي 💥💫💛
يلا نبدأ 👇👇
يمان : يومين وطلعت رحت ع محافظه ثانيه يم صديقي حصلي الموافقه هناك لان صديقي متعين هناك وعدهم بيت .
المهم اخذت شقه ورتبت اموري وبديت اداوم خابرني ادم وعزمني اتعذرت منه وباركتله لان دوام ومكدر اروح واني من الاصل ماريد ارجع اريد ابتعد وانسى...
*تعالو اخذكم لقبل سنتين بالاحداث 👇👇
قبل سنتين اشترينا بيت ببغداد بمنطقه .... وجبت اوراق لمار وراما للمدرسه يوم ويومين بدا الدوام واني جان عندي اخر سنه بالكليه جنت اداوم جامعه ال....
باأثناء ميصيرلي مجاال أخذ لمار وراما للمدرسه وبعد فترة صدفه شفت بنيه أيه من الجمال سبحان الخالق هالعيون وهالشعر الطويل والطول الحلوو جميلة والجمال لله المهم عدت فترة واني اشوف هالبنت الى أن أنتبهت هي عليه واجت ايام وراحت ايام وهالبنت تبادلني بالنظرات والابتسامه صرت مااتحمل مااروح يوم واشوفها الى أن مرة شفت هي ولمار طلعن من المدرسه سوا ويضحكن عرفت بيها صديقه لمار وسالت لمار عليه كالت كلش خوش بنيه ودوم تنصحني ومرات تساعدني بالمواد سالتها ع اسمها كالت ملاك بداخلي كلت حتى أسمها تلوكلها والله ومرات اشهر وصارت امتحانات نص السنه وامتحنو وصارت العطلة وبعد العطلة قررت اصارحها بس شلون كلت اروحلها للمدرسه والكاتبه الله يصير مرة لمار ممداومه رحت اجيب راما وانتظرتها الى اأن طلعت ورحت عليها شفت ارتكبت وبعيونها خوف كتلها ارتاحي اني اخو لمار واريد احجي وياج بموضوع ولاتخافين مثل معندي لمار وراما بالدنيا واخاف عليهن لاتتوقعين مني اغلط بحقج بيوم هذا رقمي حاجيني لان مكدر اوكف اكثر حتى لا حجايه تجيج وتجيني ومع السلامه .ورجعت للبيت صادفت امتحاناتي ومكدرت اخذ لمار بعد صار ساهر هو الي ياخذهم ويرجعهم .
مرة بالليل روحي طافرة اخر سنه واخر امتحانات ولعبت نفسنا اجاني مسج 👇👇
المرسل : هلاو
يمان : هلاوات منو وياي
المرسل : شلونك يمان
يمان : الحمدلله بخير بس منو حضرتك/ج معرفت
المرسل : أني ملاك صديقه لمار
يمان : أهلا وسهلا شلونج ملاك
المرسل : بخير نشكر الله ونحمده
يمان : دراستج شونها كلت متراسليني بعد لان صار شكد وانتي ماكو
المرسل : تعرف عندي دراسه وهم جنت اخاف اراسلك
يمان : لا ممقبولة منج هالشي بابا اني رجال ابن رجال قبل ماافكر بروحي افكر بخواتي ومثل مااخاف عليهن اخاف على بنات الناس
المرسل : اممم ممكن اعرف شنو الموضوع الردت تحجي بي وياي
يمان : ملاك أني هالسنه ومتخرج الحمدلله واريد البنت الحلال واني من شفتج ماعرف شصار بيه واني رايدج ع سنه الله ورسوله وماريد لا علاقه وياج ولا وقت واكضي وياج .
أنت تقرأ
أمسيات المستقبل
General Fictionقصه حقيقيه وجميلة جدا مابين الحزن والفرح واتهامات وحب ودمار وفقدان ع انهيار وخيانه القدر مابين الحب والفقدان وبين الالم والفرح .... أنها فتاة جميلة تتعرض لانواع العذاب ومن اقرب الناس لها ماذا ستواجهه وماذا يخبئ لها القدر هل يتستمر حزنها ام ستفرح وت...
