تؤامي لا تشبهني

.☆10☆.

رواية/ تؤامي لا تشبهني
البارت/ العاشر (10)
الكاتبة/ امنة شاكر
_______________________☆

تعبانه ونار الفراك محد يطفيهة 🔥
امي وغابت عني ودووني ليها👩‍👧
تعبانه ياناس ودموعي عليها💧
بلكي منكم خبر يدليني بيها 😔

***
..مشتاقتلج يمه والله كلبي خلص يمه بنتج كاع تعيش العاشته امهةةةة كليلي شنو حالج هسه عدله ميته ماكله شاربه شنو الصار وياج يووم احجيلي وصليلي خبر طمنيني مو مابيه صبر يووم نار الفراك تأذي والله شنو حياتي اني لاشفت شي بهاي الدنيا ولاعشت طفولتي مثل كل الاطفال شنو ذنبي اني ليشششش اني بذات!!!!!

***

رواء: تونست كلش حسيت نفسي كلش مهمة الكل يباع عليه رحت اشوف سجى كملت الجاي اثناء ماريد اكووم
نورة: ها وين رايحه
رواء: اسويلكم جاي
نورة: ها يله روحي نريد انضوك الجاي من ايد مريت ابنه
رواء: فرحت كلش من كالت هجي طلعت شفت الجاي على النار ماعرف اطفي الطباخ ولا اعرفه اذا صاير او لا سجى وين مادري رحتلهة للغرفه لكيتهة سادة الباب فتحته على كيفي لكيتهة مدنكه على السجادة وتسولف بونه صحت
سجى
.. نتبهت عليه وضلت بس تباوع العيون دم صايرات ماردت عليه
الجاي صار يمكن،

سجى: ها اي جايه
رواء: حجت بهضم عفتهة وطلعت ماعرف ليش اجاني شعور غريب كلش تأثرت على منظرهة كلش حسيت انو ظالميها كلش بتصرفاتنه مشيت للمطبخ انتجيت على الحايط متانيتهة تجي اطفي النار وتصب جاي وتفكيري كله جان شنو سبب العداوة بين بابا وسجى واني وي منو لازم اوكف !!
سجى: صليت على السريع ركعتين قضاء حاجة كون الله يهدي رواء وتسير على الطريق الصحيح كملت طلعت للمطبخ لكيت الجاي فاير طفيته وصبيتلهم ونطيته الرواء
.. هاج الجاي اخذي
رواء: لا انتي ودي
سجى: ليش اني ؟
رواء: سجى انتي مو تردي
سجى: هاي شبيج رواء منو الاريدة؟
رواء: محمد
سجى: يعني شفتيني مهضومه وضايجه عبالج اغار منج؟
رواء: سجى كلشي ماكاع اعرف انتي شنو التردي بالضبط ترة مليت من هل وضعيه والله
سجى: لج بابا رواء اني خايفه عليج ماريدج تعيشين العاشته امي كلش زين تعرفين ليش طلك ذنيج نسوانه
رواء: ضليت ساكته لمن سمعت صوت بابا يصيح رواء اخذت الجاي ومشيت انطيته الهم واني عقلي كله مو يمهم
.. بنفسي اعرف سجى ليش هلكد حاقدة معقولة هي تريد مصلحتي وبسس
.. مشوا الجماعة ورحت مباشرة وي ابويه الغرفته سولفت ويا وكتله

بابا!!
ضياء: ها؟
رواء: بابا انت شتشوف من مصلحتي اخذ محمد؟
ضياء: اكيد وانتي تعرفين كلش زين اذا اخذتي تصيرين اغنى وحدة
رواء: صح بس بابا سجى تكلي لاتوافقين
ضياء: سجى هجي تكلج؟!
رواء: امم
ضياء: صيحيهة
رواء: رحت صحت سجى ومارحت وياهة ضليت بالغرفه مالتنه
سجى: جنت جاي اعزل بغرفتنه واجت روواء صاحتني انصدمت ابويه شيريد مني يالله مو من عوايدة الا اذا جانت اكو مشكله صايرة
رحت طبيت الغرفته وضليت بس اباع اله وساكته.

ضياء: سجى
سجى: ها
ضياء: ومرضا
سجى: ( صمتت )
ضياء: من نولدتي لليوم ماشفت راحة منج انتي اكبر غلط صار بحياتي
سجى: مباشرة نزلت دمعتي بدون ماحس ضليت ساكته ماحجيت
ضياء: هم كايلج شكد اكرهج لو مكايل؟!!!
سجى: بابا شسويت (بصوت هادء مع دمعة😥)
ضياء: ماتعرفين شسويتي موو
سجى: (صمت)؟!!
ضياء: امشي جيبيلي الجفجير
سجى: ليش بابا
ضياء: امشي كلت (بصوت عالي)
سجى: حباب بابا والله مامسوية شي
..كام واجه باتجاهي لزمني من اذاني بقوةةة
ضياء: كاعدة تحشين بدماغ اختج لهنا وصل السم مالتج
سجى: اخ بابا حباب
.. نزل بيه ضرب وين اليوجعني واني اصرخ بأعلى صوتي يمه يمه ، فقد ياناس فقد بالضرب وكلما اصيح يقوي الضربة اكثر انتهيت بيدة اخر شي دفعني على الكاع وكال
ضياء: امشي منا ماريد اشوف وجهج مرة ثانيه
سجى: ماصدكت كوة كمت بس اريد اشرد وصلت قريب الباب مال غرفته وصار الي صار فقدت الوعيي ماحسيت شصار بعد

رواء: بعد ماشردت بالغرفه سمعت صوت صياح سجى والضرب كلش قوي ماهدهة كأنما يكلهة موتي خفت اطلع كمت اطكطك بالغرفه ورة شويه سمعت ابويه يصيح روواءء ماطلعت ضليت بالغرفه واباع على غرفة ابويه طبعا الغرفه صايرة من الجهة الثانيه يعني غرفتنه مقابيلهة الحايط مال مطبخ وباب المطبخ صاير من الجهة اليمنى للحايط اما غرفت ابويه صايرة مقابيل باب المطبخ نكدر نشوف بس الباب مالت غرفته
.. شويه واشوف ابويه ركض على المطبخ جاب كلاص ماعرف شبي جان كلش مخطوف لونه طلعت كوة عليه حسيت اكو شي صار السجى وصلت يم باب الغرفة وشفت ابويه يحاول يكعد بسجى المنظر جان كلش مخيف سجى عبارة عن كتله زركه ضليت بس صافنه وارجف
ضياء: سجى بويه كعدي
رواء: بلا جدوى خفت عليها خاف ماتت فكلت الابويه
بابا خل ناخذهة للمستشفى
ضياء: لا هسه تكعد
رواء: بابا حباب خاف مااتت
ضياء: شكللهم من اوديهة تردين يدخلوني سجن من ورى سجى!!
رواء: ضليت ساكته ورى شويه شال ابويه سجى وكال

ضياء: سمعي روااء
رواء: ها بابا
ضياء: ممنوع تكولين ابويه الضرب سجى اذا كلتي تعرفين مصيرج
رواء: اي اي
ضياء: اذا سألوج تكولين انتي ضربتيهة
رواء: لا بابا حباب ماريد ارووح للسجن
ضياء: انتي ميودوج لان بعدج صغيرة
رواء: مشة ابويه واني رحت ويا اخاف اضل وحدي والطريق كله يعيد نفس الحجي عليه لا تكولين هجي وكولي هجي
وصلنه ودخلو سجى لغرفه ضلينه متانيهة برة طولت هواي لحد ماطلع الدكتور وكال
الدكتور: البنيه صاير عدهة ضعف بالقلب حافظوا عليها ولاضوجوهة لان تخسروهة
ضياء: يعني ايامها معدودة ؟
الدكتور: اذا ماكدرتوا تعالجوهة اي فلذلك حاولوا تخلون هاي الايام احلى ايام حياتهة
رواء: صدمه عمري وكسرت ظهري ماجنت متوقعة هذا الشي صار عدهة ضعف بالقلب بسبب ابويه معقوله لهدرجة ابويه جان قاسي وياهة!!!!!!

ضياء: رواء
رواء: ها ها بابا (بخوف)
ضياء: شفتي الصار وي اختج ترة اعيده وياج اذا تكولين ابويه الضربهة
رواء: ها لالا ماكول والله
ضياء: اي ديربالج هم هسة رح يجون ياخذون الافادة
رواء: واجو وبدة التحقيق وابويه بدة يحجي حجي بعمرة مصاير
ضياء: البنيه سجى مشلولة وكله كاعدة بعربانه حاطهة بلبت روحي وتعرف اني الشغل هم ياخذ وقت مني اروح اشتغل وارجع ماعرف شصار لكيت سجى فاقدة الوعي ورواء خاتله بالغرفه ورى الباب

الشرطي: بابا رواء احجيلي شنو الصار
رواء: ضليت ساكته ماعرف شحجي
الشرطي: لاتخافين سولفي شصار لاختج
رواء: اني كتلتهة ( بصوت ناصي)
الشرطي: شلون كتلتيهة
رواء: تعاركنه فضربتهة
الشرطي: رواء تعالي ويانه عدنه تحقيق وياج

................

يتبع...