رواية/ تؤامي لا تشبهني
البارت/ الثاني (2)
الكاتبة/ امنة شاكر
_______________________☆
رواء: بابا ماعليك اني يمك ماريد تضوج
ضياء: ياروحي انتي بس احد يأذيج تعالي كوليلي وها اتجسسي عليهة شوفي شتسوي امج وين تروح وتعالي كوليلي
رواء: ماشي بابا حبيبي
***
سجى: 'جنت بحالة صدمة ماستوعبت شكو شنو هذا الديصير يعني معقولة رواء هلكد تكره امي بشنو امي مأذيتهة ركضت طبيت للغرفة حظنت المخدة وبديت ابجي مقهورة على ماما ياما تحملت وماطلعت منا بس على حسابنة تالي هجي تسوي رواء .. ورة ربع ساعة لمن هلكت بحيث نشفن دموعي ضليت
افكر بلحجي ومقهورة بس استوعبت وتقبلت الفكرة من غير جانب ويلي هو انو هو ابوهة وتحبة مصار شي ماكفرت شما يسوي يبقة ابونة غمضت عيوني وغفيت على نفسي كعدت على صوت تلفزيون عاينت لكيت رواء جاي تباع تلفزيون ومعليتة كلش شفت الساعة لكيتهة ب10 الصبح ماصايرلي نص ساعة من نمت.
_ عفية رواء نصي شوية اريد انام
رواء: مانصي
سجى: حبابة والله نعسانة ماشبعت نوم
رواء: ماعلية. ترة والله اصيح البابا
سجى: رواء شبيج كل حجاية والثانية تهدديني ب بابا
' اثناء ما دا احجي شو هاي طفرت تريد تروح لابوي اني جسمي لسة ماطاب من ضربت ليوم واكيد امي رح تتدخل وهم يكتلهة ركضت بأتجاهة'
- بسج رواء لاتكليلة والله راح اسكت
رواء: امم غصبا عليج اتسكتين بلأساس ماهو ابوي بس حبيت انبهج انو انتي لاشيء الغرفة غرفتي الي مالج حق تتحكمين بيهة.
سجى: 'عفتهة وطلعت اشوف امي شلون صارت رحت للغرفة مالكيتهة مشيت للمطبخ باوعت لكيتهة حاطة تركيبة على النار وجاي تلكط تمن'
دنيا: ها سجاوي شلون صرتي؟؟
سجى: رحت مباشرة حظنتهة فديت هلحظن الدافي عيوني ماتحملت كبل بجيت بحظنهة
دنيا: بسج سجاوي صيري قوية ولا تنزلين هلدموع الغالية
سجى: يمة بداعتي روحي لعمامج يمة احنة بناتج كدهة لاتخافين علينة.
دنيا: ااش لا تحلفيني تهون يمة تهون هسة يرجع يصالحنة ماكو شي انشالله
سجى: ماما والله ماكدر اشوفج تعانين بهل طريقة
دنيا: يلة كافي سجى روحي اقري حتى
تروحين للدوام ترة محد يفيدج غير دراستج.
سجى: ماشي..محتاجة شي امي؟
دنيا: لا يعمري روحي يم اخيتج انتي وياهة اقرن سوة خطية خاف متعرف شي لامتحانات مابقالهة شي لا تسختن
سجى: الله كريم ماما
' كمت من يمهة طلعت ملابس وطبيت سبحت
اخ ياماما لوتعرفين بتج رواء التحبيهة شتسوي بلا علمج اخ يلكلبج حنين مع الاسف عندج هجي بنات حتى بوكعتج ما جاي نعينج
خلصت سبح نص ساعة وطلعت رحت شفت امي لكيتهة متمددة بالصالة تتصفن ماتحملت اشوفهة هجي مكسورة عفتهة ورحت للغرفة لكيت رواء ماهية اخ يارواء اكيد يم ابوية '
' شسورت شعري وكعدت اقرة ورة ربع ساعة اجت رواء وجانت شايلة علاكة بيدهة'
- هاي شنو،؟
رواء: علاكة
سجى: اي اعرف علاكة شنو بيهة
رواء: شعليج انتي
سجى: براحتج مارح ابوكهن ترة
عافتني وراحت للكنتور فتحتة حطت بي العلاكة قفلتة وكعدت على الجرباية تلعب ذكرت كلام امي من كلتلي قري اختج مباشرة كلتلهة
_ رواء تعالي اقري رح تبدي الامتحانات
رواء: ماعليج
سجى: رواء ماما كالت لا تعاندين
رواء: مالكم شغل بابا وقابل والامتحانات بعدهة
سجى: شنو بعدهة بعد بس باجر كدامج عكبة الامتحانات
رواء: مالج شغل انتي
سجى: هسة اكل الماما اذا متجين
أنت تقرأ
تؤامي لا تشبهني
Randomطفلتان تؤامان واحدة تحب امها والاخرى تحب ابيها الظالم كيف سيدور بهم الزمن؟؟ القصة عراقية حزينة
