تؤامي لا تشبهني

.☆7☆.

رواية/ تؤامي لا تشبهني
البارت/ السابع (7)
الكاتبة/ امنة شاكر
_______________________☆

مرت اسابيع واشهر واجه يوم ميلاد امي اليوم المشؤم

***
سجى: يوم ١٨ بشهر الثالث جان يوم ميلاد امي فحبيت افاجئهة بحفلة ميلاد بسيطه ، كعدت بهذا اليوم واني افكر شنو اسوي الامي حتى افرحهة اف كيك ماعرف اسوي واصلا امي ماتقبل الزم فرن بعدت هاي الفكرة من راسي وضليت حايرة شلون اجيبلهة كيكه وهديه جنت حابه رواء تشارك وياي بما انو بس اني وياهة بناتهة مو حلوة منهة ماتقدم شي الامي، ب٨ الصبح كعدت رواء وكلتلهة
.. رواء اليوم عيد ميلاد امي

رواء: جا اني شعليه
سجى: كومي خل نحضرلهة مفاجأه قبل لاتكعد
رواء: سجى نعسانه وخري عنيي
سجى: هاي شبيج مانحصل فرصه مثل هاي مادام نايمه بعدهة
رواء: كعدتني سجى من النوم وفاجأتني بلطلب الي تريده من شوكت احنه نسوي اعياد ميلاد الامي اول تالي ونوب من غبشه الله ماقبلت وضلت تنق براسي غلست عليهة ورجعت كملت نومتي

سجى: عفتهة وطلعت ضايجه ياربي ماعندي اي فكرة اسويهة الامي بعيد ميلادهة قررت اكتبلهة معايده وافضهة بديت اخطط بورقة واكصكص سويت الورقة على شكل قلب وكتبت بي رساله الامي

... كل سنه وانتي طيبه امي الغاليه اسفه اذا زعلتج بيوم او غثيتج احبج يووم كومه انتي اغلى من روحي واقرب انسان الي (من سجى).

كملت كتابه النص الفوك 👆🏻 وخليتهة الها بالمطبخ اعرفهة اول ماتكعد تدخل للمطبخ تغسل وتسوي ريوك الابوي رجعت للغرفه نمت وماشفت ردة فعلها لمن راح تشوف الرساله

رواء: ورة نص ساعة نوم كعدت رحت للمطبخ اغسل وشفت رساله سجى ضحكت عليها وعلى بياختها قررت اشتري الامي هديه جبيرة حتى اقهر سجى فتانيت ابويه لحد ما اجه وكتله
.. الله يساعدك بابا

ضياء: هلا
رواء: تريد اكل؟
ضياء: وليش انتي التسألين وين دنيا
رواء: نايمه
ضياء: امشي كعديهة خل تكوم
رواء: لا بابا اول شي حباب اريد تاخذني للسوك
ضياء: اشتغل عدج اني؟
رواء: بابا تعرفني اموت عليك بس اليوم عيد ميلاد امي وسجى جابت الامي هديه واني لا ماريد تقهرني وتضل تضحك عليه لان اني ماجبت
ضياء: شنو جابت؟
رواء: ماردت اكله رساله لان مارح يخليني اطلع فكتله
.. ماعرف متقبل تراوينياهة
ضياء: وين هي هسه
رواء: منو الهديه؟
ضياء: سجى
رواء: نايمه
ضياء: روحي شككي هديتهة وخبثي عليها مادام ماتراويجياهة
رواء: بس بابا حباب خل اشتري هديه واخليها تغار هديتي احلى من هديتهة

ضياء: بسرعة نروح ونجي
رواء: اي اي
رحت بدلت على السريع وطلعنه

سجى: جنه نايمين اني وامي وكعدنه على صوت تفليشہ باب الشارع وصوت طلق خمس طلقات وحدة ورة الثانية اني خوب كلبي مات رحت مباشرة حظنت امي الي كعدت نفس وقتي وجانت هم ماتعرف شكو ضلت بس تقرة ايات وتهدي بيه
دنيا: رواء رواااااء وين؟
سجى: انصدمنه صدمت عمرنه من شفنه رواء ماهيه كل الي صار بعقلنه رواء صار بيهة شي امي كطفتني وطلعت تركض ادور بالبيت وصيح
دنيا: رواء ولج رواء وينج
سجى: اني بقيت بس ابجي واصيح
..يمه اريد اختي وين رواء
شفت امي لبست عبايتهة وتريد تطلع والباب ينضرب كل ضربه ولا الثانيه بابنه جان مو قوي يعني يوكع بسرعة اذا احد ضربه قوي اشوف امي توهة طلعت تريد تشوف روواء شبيهة والباب نفتح كل حيلة و سمعت صوت زلم صار بالطارمه ويصيحون وينه هذا ال***

دنيا: يمه ضلي هنا رح اشوف شكوو واجي
سجى: طبكت الباب عليه وطلعت اسمع الزلم تصيح وتسولف وي امي وامي ترد عليهم دخيلكم بس هالمره سامحوا
ورة شويه سمعت ابويه يصيح عرفت ابوي اجه مباشرة دخلت رواء للغرفه

رواء: بعد ماطلعت وي ابوي نشتري هديه جبتلهة دشداشة كلش حلوة جان كل همي اخلي سجى تغار من تشوف امي لابستهة جبتهة وجينه للبيت الطريق كله افكر بسجى وردة فعلها وصلنه للباب شفنه ٣ سيارات من هاي العالية واكفات بالباب وبابنه مال شارع مدروع على حيله كلبي وكف اني كلشي ولا العرك كلش مخوافه منه
ضياء: ياستار شكو؟
رواء: بابا خل نرجع لانطب فدووة
ابوي غلسني وطب طبيت ورى وشفت بال٦ زلم بالطارمه وامي يمهم امي تبجي وهمه يصيحون اول ماطبينه ركضت امي عليه
دنيا: يمه وين جنتي كلبي راد يوكف من وراج وين جنتي شلون من اطلعين متكولين
رواء: اني جنت كلش خايفة ماجاوبت اي شي
دنيا: امشي طبي يم اختج بالغرفه لاطلعن
رواء: ركضت ابجي واركض لمن طبيت للغرفه لكيت سجى كاعدة ورى الباب وتبجي مباشرة ذبيت الهديه ورحت على الجرباية تغطيت بالبطانيه وسديت اذاني اسمع اصواتهم علت اكثر خفت كلش على ابويه خاف يكتلوا لان شفتهم لازمين اسلحه

سجى: كلبي ضل يم ابويه وامي اكثر شي يم امي لان ما كاع اسمعلهة صوت اسمع بس ابويه يصيح وهمه ، مباشرة فتحت الباب وطلعت ختلت ورة باب المطبخ الطارمه كبال وجهي صارت يعني اشوفهم كلهم ضليت مطلعة بس راسي واسمع ابويه يكول
ضياء: مالكم شغل بيه سمعتوا لو لا
الرجال: حيوان احنه الك الا اليوم جنازة تطلع من بيتك فوك ما زوجناك بتنه كاعد تنشر علينه وتغلط
ضياء: هاي بتكم مايوم ارتاحيت وياهة اخذوهة الكم لاريدهة ولا اريد اشوف خلقتهة

سجى: طبعا ابويه لمن حجة هجي دفع امي عليهم وواحد من الزلم سحل امي من ايدهة وكلهة
الرجال: امشي يله ويانه مالج كعدة وي هذا ال**
دنيا: عمو فدوة بناتي اريدهن
الرجال: وين البنات صيحلياهن
ضياء: ماكو تريد تاخذ بتك اخذهة بس بناتي مايروحن وياهة
دنيا: انت مو تكرهن ليش مجلب بيهن
ضياء: بكيفي
الرجال: لا موبكيفك القانون يكول الاطفال وي امهن لان عمرهن صغير
ضياء: هذا اذا طلكت اني مارح اطلك الا اذا وافقت البنات الي ولاغايب ولاحاضر
الرجال: امشي بويه امشي عيفيله البنات شلون عاد احنه مهتمين
دنيا: لا والله ماروح اذا مو بناتي وياي
الرجال: من شوكت تكسرين كلامنه اشو طالعه عينج!
دنيا: وانتو من شوكت مهتمين بيه وتردون تخلصوني من الظلم ماعرفتوا تجون كل هاي العشر سنين هسه ياله عرفتوو
سجى: كاع اسولف امي اشو هذآ جرهہة ويصيح امشي وياي يلااا وامي تصيح بناتي عمو فدوة بناتي وكامت تصيح سجى روااااء  ، شفت امي هجي تبجي وتصيح وهذا يجر بيهة ركضت عليهة واصيح
.. عيف امي عيفهةةةةةة

الرجال: هاي بتج مو ؟.
دنيا: سجى تعاااي صيحي اختج وتعاي وياي
سجى: اخذ امي وطلع وامي تصيح ملخت روحه واني اريد اركض وراهة ماكدر ابوية لزمني ماخلاهة تاخذني رواء بعدهة بالغرفه ماطلعت اني اصرخ وادفع بأبوية اريد اروح لامي وامي ادفع بالرجال (عمهة) مايقبل ايهدهة جان ضخم كلش ومعضلين كلهم بعد ماراحت السيارات واني بعدي بالصريخ المستمر احس روحي راحت وياهة هاي امي ياناس هاي امي اتحملت كلشي علمودنه ضلت بحيلهة لخاطرنه ولمن بدينه نوعة للحياه نخسرهة مستحيل يااربي كون اني بحلم ياربي لاتخسرني امي هاي اغلى شخص عندي ماكدر اعيش بدونهةةةة
.. طبعا عمامهة عايشين بہ بغداد واحنه بالنجف وامي اي شي متندل ابويه مايخليهة تطلع يعني من الصعب تكدر تجي بعد يمكن هذا جان اخر لقاء النه سوة او اكيد هذا اخر لقااء

................

يتبع...