تؤامي لا تشبهني

.☆6☆.

رواية/ تؤامي لا تشبهني
البارت/ السادس (6)
الكاتبة/ امنة شاكر
_______________________☆

سجى: طلعت من يم رواء ورحت اريد اتوضه سمعت امي تصيح مشيت مباشرة لغرفة ابوي وسمعت امي تكول

***

دنيا: شنو رحت وي جماعتك شلون تعيفهة وحدهة ببلد ماتعرف بي ولابشر ماخفت عليها

ضياء: كافي حجي مو انتي الي تعلميني شنو الاسوي
دنيا: ادري ليش اخذتهة اذا انت مو كد المسؤليه عاجبك الوصلت الا بسببك
سجى: عرفت انو ابويه عايف رواء وحدهة ورايح وي جماعته ضلو يتعاركون لحد ما ابوي ختمهة بضربه منه على حلك امي الدم ترس حلكهة وابوي عافهة وطلع من الغرفه اني هم طلعت من الغرفة اركض خفت كلش رحت مباشرة يم رواء

رواء: ضليت بالغرفه واسمع بصياحهم ورة شويه شفت سجى راحت للغرفه مال ابوي ماتشجعت اني هم اروح وراهة شفت ابوية طلع من الغرفه وراح وسجى اجت للغرفه مالتنه جانت حمرة طماطه صايرة

شكو سجى شبي ابوية
سجى: هذا الهامج ماكلتي شبيهة امي
رواء: غير شفت ابويه طالع من الغرفه ضايج
سجى: جا روحي شوفي شسوة بأمي بس لان دافعتلج
رواء: اني مالي شغل لاذبنهة براسي بس تردن ابوي يضربني
سجى: توقعتج تغيرتي وعرفتي منو ليحبج بس نفس طبعج دوم بالنسبه الج ابوي الصح وامي الغلط
رواء: هسه غير تحجي شكو شصہآر ؟
سجى: ابوي التحبي اكثر من روحج عايفج ورايح يتونس وي جماعتة
رواء: صدك
سجى: لاكلش تأثرتي بابا فهمي ابوي مابيوم حبنه
رواء: سجى كافي لاضلين تمسلتين ترة والله اكله
سجى: هو لو يحبج ماخلاج تعيفين مدرستج حتى ياخذج البغداد ولا خلاج وحدج هناك وجان اجه شافج على الاقل شلون صرتي
رواء: بعد ماجت سجى تعاركت وياي عافتني وطلعت من الغرفه ماعرف وين راحت بس مو لامي
سجى: طلعت من الغرفه مخنوكة ياربي وين مااطب سودة مصخمه ادري بيت لو جهنم كلنه بس اربع نفرات وهجي قايمه القيامة طلعت برة بالطارمة ردت شويه اشم هوى مختنكه يربي اريد اصيح بصوت افرغ بي كل همي ليش هجي ليش اني شنو ذنبي بكل الي كاع يصير ليش خسرت مدرستي بسبب مشاكل اهلي الماتخلص لو ما همة جان هسه اني كاع امتحن وي الطالباااات.
ضليت ابجي واعاتب نفسي الا ان شفت امي طبت للمطبخ رحت وراهة وكلتلهة

يمه لاتدافعين الرواء شنو الاستفاديتي انتي كلما ادافعيلهة هي توكف ضدج وي ابويه دائما تنضربين بسببنه يمه دخيلج عيفينه وروحي طيري ارتاحي فتكي من هذا البيت حبابه يووم روحي شوفي حياتج ترة والله اني بشوفتج تتأذين كاع اموت😔..

دنيا: سمعت كلام سجى كلش تأذيت اني شكاع اسوي كاع ادمر نفسيت بناتي بأسلوبي البنات صارت بيهن حالة نفسية بسبب مشاكلنه الماتخلص لازم احاول افرحهن وما اعيشهن العشتة اني راح احاول ابتعد عن الكلام وي ابوهن واحاول اضل بعيدة عنه حتى ما نتعارك كدامهن واتحمل كلشي منه لخاطرهن لازم اوصلهن اخلي عدهن مستقبل يعتمدن عليه ومايضلن ضحيه لشخص.

سجى: شفت امي ضلت ساكته وماحجت اي شي بس عيونهة جانت تقرة الف حزن عفتهة وطبيت لغرفه ابويه لان جانت فارغة وقفلت الباب على نفسي حبيت اضل وحدي اول مادخلت نقبض كلبي حسيت ابوي كاعد كبالي ياخي حتى غرفته صرت اخاف ادخلهة احسهة تريد تاكلني اوف يايمه ١٠ سنوات مو هينه شلون تحملتي كل هذا يوم الله يساعدج
..ضليت ابجي واسولف وي نفسي للكاتبه امنه شاكر  بالربع ساعة لحد ما حسيت واحد كاع يحاول يفتح الباب واني لزمني كلبي لايالله بسلا ابويه مباشرة بديت امسح بدموعي كاع امسح بدموعي وسمعت امي تصيح

دنيا: سجى سجى!!
سجى: ها يوم جايه لحظه
فتحت الباب لامي فد ارتاحيت من عرفت هي مو ابويه
دنيا: ليش قافله الباب؟
سجى: بس حبيت ابقى شويه وحدي
..حاولت افلت حتى ماتشوف عيوني بس لكفتني

دنيا: جا شبيهن عيونج جنتي تبجين؟
سجى: ضليت ساكته
دنيا: ليش بجيتي؟
سجى: هجي ضايجه
دنيا: يمه روحي اقري حتى باجر تروحين اداومين انتي ورواء
سجى: والامتحانات الفاتتني؟
دنيا: تمنتحنيهن دور ثاني المديرة صديقتي خابرتهة وقبلت
سجى: رحت اركض للغرفه مالتنه فرحت كلش راح ارجع اداوم وحبيت افرح رواء هم فكلتلهة

رواء: وعلى شنو فرحانه انتي علقرايه والكتابه لو على كسران الظهر
سجى: من انتي وصغيرة وتكرهين المدرسة اذا كبرتي شلون
رواء: ومنو كلج من اكبر اضل بالمدرسة اوصل للسادس ابتدائي وابطل
سجى: اي ضلي هجي تفكيرج كله غلط بغلط بس من تكبرين تتندمين على كل حجايه حجيتيهة وي امي وعلى كل قرار اخذتي بهذا كبرج

رواء: هسة امي شدخلهة بأم الموضوع
سجى: لان اثنينهن امهات
حبيت شويه اضوجهة حششت على حجيهة وعفتهة وطلعت
رواء: على فكرررة ماضحك
سجى: رجعت درت وجهي وكتلهة
..احد كلج ضحكي؟

رواء: طبعا  اني استغربت من حجي سجى اشو هاي صايرة عدوانيه كلش حسيتهة صايرة تكرهني وتكره ابويه كلش مو من عوايدهة هي وي الكل متصالحة
سجى: رحت اقرة الليل كله اقرة عوضت عن الايام الما درست بيهة وفاتتني القراية قدمت امتحاناتي على حسب الاصول الهدوء مالي البيت امي كلش بعيدة من ابويه شكد يغلط ويجاوز وهي منطيته العين الباردة اغاتي وتدلل ومن هذا الحجي للكاتبه امنه شاكر رواء قدمت الامتحانات ويايه
امي جانت تضغط عليهة تقرة وهي واكفه على راسهة لحد ماكملت الامتحانات الايام مرت والاسابيع مرت واجه يوم النتائج طلعت اني ناجحة بالدروس القدمتهن والي فاتني وماداومت ضلن على الدور الثاني امتحنهن اما رواء فجانت واكعه بدرس الرياضيات ومناك الفاتنهة وياي تمنتحنهن دور ثاني
مرت اسابيع واشهر واجه يوم ميلاد امي اليوم المشؤم

................

يتبع...