تؤامي لا تشبهني

.☆8☆.

رواية/ تؤامي لا تشبهني
البارت/ الثامن (8)
الكاتبة/ امنة شاكر
_______________________☆

.. طبعا عمامهة عايشين بہ بغداد واحنه بالنجف وامي اي شي متندل ابويه مايخليهة تطلع يعني من الصعب تكدر تجي بعد يمكن هذا جان اخر لقاء النه سوة او اكيد هذا اخر لقااء

***
سجى: طب ابويه وبقيت اني ابجي بالطارمه ضليت بالساعتين كاعدة لمن حسيت نفسي راح افقد وعيي سمعت اذان الظهر اذن كمت للمطبخ اتوضه وليتني ماطبيت شفت الرساله السويتهة الامي ماتحملت حظنته وكمت اصيح باعلى صوتي
.. يمةةةةةةة ولج يمةةةة تعاي حبابه يمةةة
وماشوف غير اجه ابويه ضربني ضرب لمن جسمي صار ازرك ماكتفه سحلني من شعري وكطفني بالطارمه وكام يصيح
ضياء: امج تردين امج مووو روحيلهة يله روحي حيوانه

سجى: رجع يضرب بيه ويكلي
ضياء: خل اسمعج بعد اصيحين لو اشوفج تبجين اعلكج بالمروحة واشغلهة واريد اشوف ياكلب مايسويهة
سجى: ختم الضرب بضربه منه برجليه ومشى قبل مايدخل كال
ضياء: كومي هسة اتسويلي غدة واني اعلمج منا وغاد اله اربيج
سجى: كمت كوة امشي ماكدر ونبي تمنيت الله ماخذ روحي ولامخلين هجي اعاني💔
سويت اكل الابوية بتيته حمس وخيار واني اتلوة من الوجع اطيتهيا بدون اي كلمه منه ومني رجعت ذبيت الجاي على النار ورحت للغرفه اشوف رواء تفاجأت من لكيتهة نايمه شلون كدرت اتنام وكل هاي الاصوات والصياح الصار

(نرجع لسابق)

رواء: جنت كلش خايفه من الاصوات رغم غطيت راسي بالبطانيه بس مفاد شويه وخرتهة عن وجهي واتفاجأ سجى ماموجودة خفت كلش لان بقيت وحدي مباشرة غطيت وجهي مرة ثانيه ماحسيت على نفسي الا واني غافيه

سجى: رحت يمهة حظنتهة وضليت ابجي بكتم صوت بس دموع واعاتب بابويه وامي بكلبي ماحسيت الا واني نايمه

(بعد 45 دقيقة)/تقريباا

.. كعدت على جرة من شعري بحيث وكعت من الجربايه للكاع لزمت شعري واصيح اااخ
ضياء: كومي لج خر* حيوانة كومي
سجى: بابا حباب شعري ااخ
..ذكرت الجاي ضل على النار اويلي شيخلصني من ايد ابويه اليوم

ضياء: ليش هجي الغاز خلص من وراج
سجى: رجع يضرب بيه واني اتوسل بي لمن اديه كامت توجعه عافني وطلع طبعا رواء كعدت على صوت الصياح
رواء: شبي بابا ليش ضربج ؟!
سجى: رواء جفيني شرج وشر ابوج
رواء: سجى كاااافي لا تجاوزين (بصوت عالي)
سجى: انتبهت على روحي يا عزةة هاي من شوكت اجاوز على ابويه بس والله اذاني واذى امي هواي كافي ظلم ماريد اعيش العاشته امي
.. غلستهة وطلعت ركض طبيت للحمام وضليت ابجي لمن الله كلي بس بعدين رحت للمطبخ شفت القوري ايبا اسود كلشش مفحم صہآير بس والله مادري بروحي من نمت تعبانة كلش والحسرة البكلبي محد يحس بيهة لو شكد ماعبر والف تفكير ببالي
، امي شكاع اسوي هسه؟
، ابويه ليش يكرهني ويحب رواء شنو الفرق بيناتنه ؟
، رواء وسبب كرهة الامي لهل درجه ؟