تؤامي لا تشبهني

.☆3☆.

رواية/ تؤامي لا تشبهني
البارت/ الثالث (3)
الكاتبة/ امنة شاكر
_______________________☆

ضياء: حضري روحج بليل نروح البغداد
***
سجى: صحيت الصورة مغوشة كدامي كوة ركزت واستجوبت وي الموقف لكيت رواء ستوهة طلعت من الغرفة وامي بس صافنة كمت كوة حظنتهة وهي هم بادلتني الحظن ابتعدت عنها مسحت ادموعهة وسألتهة
- شنو الصار هنا؟!!

دنيا: يمة هاي اختج مامنهة فائدة تريديني اعيف البيت واخليج يم اثنين شياطين الله وكيلج تتمنين الموت ومتحصلي
سجى: يمة هسة غير افتهم شصار؟؟؟
دنيا: جنت كاعدة اغلط على ابوج وابجي من حركت كلبي تالي رواء ترد الغلطة علية وتكلي لاتغلطين على ابوي، يمة الله عليج مفرقة بيناتجن بشي ليش اختج متشبهج؟
سجى: اششش يمة الله يوفقج واني اعلمهة رواء اظاهر تمادت كلش
دنيا: عيفيهة يمة والله متخلصين من ايد ابوج واذا صار بيج شي اموت وراج والله

سجى: اسم الله عليج يمة ، هانت انشالله
دنيا: يمة ماكلتيلي ليش ابوج ضربنة بدون سبب؟؟
سجى: باوعتلهة خفت اكلهة متتحمل اذا عرفت هاي كلة من ايد رواء الحقيرة.
- ماعرف يمة حالي من حالج
دنيا: ارتاحي يوم تردين غدة؟
سجى: لايمة ماشتهي
رجعت خليت راسي على المخدة وامي كاعدة فوكاي اووف شكد متوجعة بعدة ماطايب جرحهة يجي ابوي يضربهة فوكة وهي

ولاتحسسنة بس حتى منخاف حاولت اقنعهة تتمدد بطلاع الروح قبلت حطت راسهة يمي ونامت ضليت اباعلهة واشوف ملامحهة البريئة للكاتبه امنه شاكر اخ يايمة شنو شفتي بدنياج اول ماماتو اهلج انوب عمامج زوجوج اجباري بعدين تتحملين كل الالم والمعانات والضرب

التحصلي بس لخاطرنة وانوب تجيج صاقعة من رواء تغلط وتجاوز عليج، اني اعرفهة الامي رح تضل تاكل بروحهة بسبب رواء.
[ ورة ساعة تقريبا ]
جنت غافية وسمعت صوت ابوي يصيح الرواء طفرت اني وامي وحدة تسأل الثانية شكو طلعنة كوة امشي جذب اذا اكول اكدر طلعت اني وامي ورة ثواني اجت رواء سألت ابوي وجان انصدم من اسمع يريد ياخذهة البغداد.

دنيا: شنو تاخذ البنية البغداد وحدهة؟
ضياء: انتي مالج شغل بنتي وبكيفي
دنيا: والله اخاف عليها ماكدر اخليهة تروح وحدهة
ضياء: انتي ليش تلعبين بعداد عمرج خليني ساكت احسن الج
دنيا: شلون ضياء تاخذهة وامتحاناتهة؟؟
رواء: بابا شوكت نرجع؟
ضياء: باجر بليل.

رواء: ياي رح احضر غراضي
جنت كلش فرحانة لان رح اروح طبيت للغرفة احضر بغراضي خليت قميص طويل ماروني ويا بنطلون اسود وحذاء ماروني رياضي ولبسة ثانية اخذت وياي ثوب مخصر من النص وكلوشة من جوة لونة ابيض وبي ورد كبار لونهن نيلي اخذت ويا حذاء فلات وجنطة لونهة نيلي حضرت الغراض اثناء ماكاع افكر شنو اخذ بعد دخلت امي وسجى.

سجى: بعد ما اخذ القرار ابوي ركضت رواء تحضر غراضهة وابوي باوع الامي بحقد وكال
ضياء: كلبة سويلي جاي بساع وحضريلي الحمام
دنيا: ماشي تأمر