تؤامي لا تشبهني

.☆5☆.

رواية/ تؤامي لا تشبهني
البارت/ الخامس (5)
الكاتبة/ امنة شاكر
_______________________☆

بالربع ساعة ادور ماكو وصلت على شارع السيارات تمشي بي سريع صرت بنص الشارع لابية اتحرك واني خايفة اشوف السيارات جاية بأتجاهي سريعة كلش ماحسيت الا اجت سيارة بيضة بيهة رجال جبير بالعمر ضربتني.

***

رواء : كعدت ثاني يوم لكيت نفسي بالمستشفى وماكو يمي غير دكتورة وحدة جاي تسوي بالمغذي

بابا وين بابا ؟
الدكتورة: هسه يجي
رواء : اريد بابااا
ضليت اصيح وابجي اريد ابوية المشكله ماكدر اكوم رجليه يوجعني وجع مو طبيعي ولسى ابويه ماكوو الا بعد ربع ساعة يالا شفته طب

سجى : لمن سمعت رواء بالمستشفى وامي حالتها ما تتفسر ماكدرت اقاوم وكعت جفي على وجهي كعدت ثاني يوم لكيت نفسي بالمستشفى وامي يمي غافيه على الكرسي

يمه يمه ..!

دنيا: ها ها اي
سجى : طفرت امي متلبكه وعيونهة حمر ودكم صايرات من الصغر مبينه ماشايفه النوم

دنيا: ها يوم شلون صرتي بشري
سجى: راسي يوجعني
دنيا: ماكو شي انشالله خير
سجى: ورة شويه ياله اذكرت رواء
صدك يمة رواء
دنيا: ماعرف كاع اتصل بابوج من الصبح لسى مايرد
سجى: يمه رواء خو ما بيهة شي!!
دنيا: لا ماكو شي انشالله
سجى : ضلينه بالمستشفى لحد الليل ياله سمحولنه نطلع وامي كلما اسألهة على رواء تكلي ماكو شي انشالله بس جانت مبين عليهة ماتعرف شي عنهة لان الاتصال بأبوي ماتوقف بس مجان يرد

رواء: شفت ابوي ونهاريت بالبجي
ضياء: اشش بويه ماصار شي
رواء: بابا وين جنت ليش عفتني حباب خل نرجع للبيت ماريد اضل هنا
ضياء: اساسا خلصت اجازتنه من امس بسببج فاتتنه السيارة وهسه رح اضطر ادفع فلوس حتى اجر سيارة
رواء: ابويه جان يحجي وياي بصوت عالي وحملني مسؤليه كلشي صار حسيته جان اهم شي عنده الفلوس وشلون راح يخسر بس ابقة احبة الابويه واحسه احن واحد اليه

سجى: رجعنه للبيت ورى ساعتين تقريبا انفتح الباب الرئيسي للبيت امي راحت تركض واني وراهة وجانت المفأجاه ابوي ورواء اجو ركضنه لرواء امي تحظن بيهة وتبجي ورواء هم تفاعلت وي امي وبدت تبجي جان الموقف كلش مؤثر
دنيا: يمه رواء شلون صار هيج بيج اني مو كلتج لا تروحين سمعي كلمتي لمرة وحدة والله اني احبج واريد مصلحتجن يمه ليش وكفتي كلبي عليج

رواء: رجعنه للبيت وصلنه بالليل تقريبا ساعة 9 فتح ابويه الباب اجت امي تركض جان شكلهة كلش متغير اجت مباشرة حظنتني وبدت تبجي وتحجي وياي جان حجيهة كلش مؤثر واني هم بجيت لان الوجع الاحس بي ودموع امي واختي الاشوفهن منهارات وحجي امي ليوجع الكلب بعدين امي اخذتني للغرفه نيمتني وسجى جابتلي مي ابوية ماشفته اجه وراي راح مباشرة للغرفه مالته حسيته ضايج لان تأذيت بسببه ورة شويه غفيت

كعدت ثاني يوم لكيت سجى نايمه يمي وامي فارشة فراش بالكاع ونايمه يمنه بالغرفه كمت مباشرة رحت لغرفه ابويه لكيته كاعد على التلفزيون

صباح الخير

ضياء:  صباح النور
رواء: خو ماضايج مني
ضياء: لا
رواء: اسفه لان طلعت بدون علمك
ضياء: ماشي
رواء: شفت ابوي يسولف وياي وباله كله  يم التلفزيون اني هم ماجذبت خبر طلعت من غرفته رجعت لغرفتنه جنت كلش جوعانه فحاولت اكعد امي حتى تسويلي ريوك بس ماجانت تكعد نايمه بسابع نومة كعدت سجى على صوتي

سجى: ها رواء خطيه خليهة نايمه ستوهة ياله كدرت تنام
رواء: اريدهة تسويلي اكل جعت
سجى: اني اسويلج ضلي هنا كاعدة
كمت سويت اكل الرواء والي والابويه لان جان باب غرفته مفتوح شفته كاعد كملت كلشي ورحت انطي الاكل

صباح الخير بابا..

ضياء: ها شو انتي الجايبة الريوك وين المسعدة
سجى: بابا امي ستوهة ياله كدرت تنام الليل كله كاعدة
ضياء: امشي كعديهة ولاضلين تدافعيلهة من احجي عليهة
سجى: طلعت من الغرفه بدون اي كلمه جنت مترددة اكعد امي  بنفس الوقت ماكدر ماكعدهة اذا اجه ابوي وشافهة لسى نايمه راح يضربني ويضربهة
انطيت الاكل الرواء وبديت اكعد بيهة
دنيا: ها يمه خو ماصار شي
سجى ماكو شي بس بابا كلي اكعدج
دنيا: بيش الساعة هسه؟

سجى : ب9 ونص
دنيا: خل اكوم اسويله ريوك لايضل يحجي
سجى: كاع ياكل سويتلهة
رواء:  سجى كعدت امي وضلن يحجن واني اكل ورة شويه امي باوعتلي وكالت

دنيا: ها رواء شلون صرتي
رواء: احسن
دنيا: يمه ماكلتيلي شلون صار كل هذا ؟
رواء: خل بابا يسولفلج
دنيا: ليش مو انتي
رواء: خاف ميقبل
دنيا: بس اني امج الي حق اعرف شلون صار الحادث؟
رواء: ماعليه ماكول اني
سجى: بعد مارواء رفضت تكول الامي شفت امي ضاجت كامت طلعت من الغرفة
رواء..

رواء: ها
سجى: كليلي الي على الاقل مو اني اختج
رواء: كلت مالي علاقه خل بابا يسولفلجن
سجى: هسة شنو هو قابل سر وضامته علينه ماعليه اكوم اصلي الصبح قضه احسن

رواء:  ورة ماطلعت سجى سمعت صوت امي تصيح على ابوي مافهمت اي شي بس اسمع صياح امي وابوي ضليت بالغرفه خفت اطلع جسمي كله صار يرجف من الخوف خاف ابوي يجي يضربني

سجى: طلعت من يم رواء ورحت اريد اتوضه سمعت امي تصيح رحت مباشرة لغرفة ابوي وسمعت امي تكول

................

يتبع...