تؤامي لا تشبهني

.☆4☆.

رواية/ تؤامي لا تشبهني
البارت/ الرابع (4)
الكاتبة/ امنة شاكر
_______________________☆

شيطر الفجر وارتاح..اختي اشوفنهة👭
شنهو النوم يايمة؟؟ شو جني ماعرفنة😩.
راح العزيز وراح☆كل غالي عدنة👋
شيطر الفجر وارتاح، اختي اشوفنهة💔

***

سجى: فهمت قصدج يمة بس شنو الراح يصير وهجي خايفة.

***
دنيا: يمة خايفة من ابوج لان عندة شي ماطول اخذ اختج ويدري امتحاناتهة عكبة ومتلحك تقرة يمة صبري نفذ ماكدر انام ورواء مو هنا..
سجى: يمة تهون وداعتج بس لتبجين فدوة

دنيا: اووف الله كريم يلة يمة كومي نامي
سجى: اريد تنامين يمي
دنيا: انشالله رح اروح اقفل البيبان والحكج
سجى: عوفي اني اقفلهن
" طلعت قفلت باب الشارع واني افكر بكلام امي عود صدك رواء يصيرلهة شي لالا سجى لاتتفاولين بلموزين رواء تؤامج ماتعوفج، ياربي مروتك اخيتي تحفظهة وترجعهة سالمة لحظن امي
اوووف شيصبر نبع الحنان منا لمن ترجع رواء
جنت صافنة واسولف وي روحي الى ان امي كسرت صمتي من صاحتلي

دنيا: سجاااااوي
سجى: ها، اي جاية ثواني
دنيا: يلة شوية ستعجلي
سجى: دخلت للبيت لكيتهة ستوهة دتدخل غرفتنة مشيت وراهة ودخلت تمددنة وضلت امي تلعب بشعري لحد مانمت بس الف فكرة وفكرة براسي
؛رواء شنو كاع اسوي هسة؟
؛ابوي شنو غايتة من كل هذا؟؟
؛امتحاناتي شلون رح اقدمهن؟؟؟
؛شنو معقولة يصير باجر؟؟؟؟

نايمة مافزيت الا على صوت امي كعدت لكيتهة فارشة سجادة وتقرة قراءن عرفت كاع تقرا الاختي بلكي ترجع بالسلامة. شوية وانتبهتلي
دنيا: صباح الخير سجاوي
سجى: صباح العسل
دنيا: يروحي يلة كومي صلي.
سجى: بيش الساعة هسة؟؟
دنيا: ب12 الظهر
سجى: طفرت من مكاني
- عزةة صلاة الصبح فاتتني
دنيا: كومي صليهة قضة ذبيتيهة نومة جفي.
سجى: اي والله نمت هواي
دنيا: هههه غير ابوج ماهوة كل مرة تكعدين على صوته صياح وعياط

سجى: صدك بشري ماسمعتي خبر عنهم؟
دنيا: لاوالله محد اتصل لسة
سجى: الله كريم تلكيهم نايمين هسة.
دنيا: اي يمكن تعبوا الطريق طويل
سجى: يلة اني اكوم اصلي
رحت غسلت وصليت كملت لكيت امي تسوي بيض عفتهة وطلعت امشط شعري كملنة اكل وتعزيل بيت صارت الساعة بال2 ضبط ندك الجهاز لزمنة كلبنة اني وامي نتراجف

دنيا: يمة سجى شوفي منو على الجهاز
سجى: يمة تهدي لا تخافين انشالله ماكو شي
كمت خطوة خطوة امشي بطلاع الروح وصلت للجهاز ونصدمت من شفت ابوي يدك
دنيا: يمة احجي منو على الموبايل
سجى: يمة اااة
دنيا: ولج عزة بعينج دنيا راحت بتج
سجى: علكيفج يمة انشالله ماكو شي
' طفرت امي فتحت الجهاز ورة ثواني ماحس الا امي واكعة بالكاع والموبايل هم وكع جان مابي غطة من ورة لذلك نفصلت البطارية عن الجهاز وامي واكعة كبالي لحظة صدمة جانت'
- يمةةةةةة فتحي عيونج بداعتي يمة فتحي لاتخافين رواء متعيفنة وتروح يوووم
"ركضت جبت مي ذبيتة عليهة شوية صحصحت بس جانت تصيح''

دنيا: رواء يمة رواء وينج شلون تعيفين امج وحدهة.
سجى: يمة شكو الله يخليج احجي شصار شبيهة رواء
دنيا: اختج يمة اختج بالمستشفى..

رواء: طلعنة من بيتنة صعدنة سيارة جبيرة كلش وبيهة ناس هواي كعدنة على كراسي اخر شي بالسيارة وغراضنة بالكشن الفوك راسنة جانوا اكو اثنين زلم كاعدين بالكشن المقابيلنة سمعتهم كاع يسولفون على الرحلة كال واحد منهم

1_الله اخيرا رح اشوف بغداد
2_ اي وين لاكيهة رحلة وبلاش
1_ خوية اسكت اهم شي طلعة وبلا فلوس

رواء: ضليت صافنة على كلامهم شنو طلعة بلا فلوس شنو رحلة بلاش يعني هسة احنة رح نروح لبغداد وو.. اسكتي رواء سألي ابوج احسن
_ بابا
ضياء: هااا
رواء: ليش ضايج؟؟
ضياء: رواء ماضايج فضيني غردي شتردين تكولين¿
رواء: بابا ليش ماياخذون منة فلوس
ضياء: لان هاي رحلة البغداد بس للفقرة يعني توصيلة بلا فلوس

رواء: زين احنة يمتة فقرة
ضياء: سكتي رواء لتدخلين ترة روحي طاكة
رواء: ساد الصمت وعم الهدوء المكان وهناك نسمة هواء باردة تأتي من النافذة.
الطريق جان طويل مامتعودة ونعست غفيت ماحسيت الا على صوت ابوي يكول

ضياء: رواء كومي فضينة
رواء: ها اي..شنو وصلنة؟
ضياء: اي يلة كومي نزلي
رواء: نزلت من السيارة جانت الدنيا ستوهة مفجرة والهوة حلو اخ ياريحتج يابغداد..
ضياء: رواء
رواء: وياك بابا
ضياء: تحركي خل نلحك بيهم لا منحصل مكان.
رواء: ماشي
مشينة وي الناس شوية وصلنة لمضيف كلش جبير دخلنة جان اكو هناك مضيفين مضيف للنساء ومضيف للرجال
ضياء: رواء روحي نامي يم النسوان واني هنا لان ميقبلون تجين وياي
رواء: بس بابا اخاف
ضياء: رواء امشي لخاطر الكعبة.

رواء: ماشي ماشي
شفت النسوان وين ديفوتن رحت وياهن دخلت كوة احس روحي يتيمة متشردة خفت حيل بس من تذكرت عياط ابوي دخلت جان اكو نسوان هواي وحدة منهن اجت بأتجاهي جانت سمرة رشيقة وطويلة جانت لابسة شال لافتة بس على راسهة يعني شعرهة طالع جانت صابغته كلش حلوة.

... هلو يحلوة
رواء: ضليت صافنة عليهة وعلى تفاصيلهة ماحجيت شي وياهة

... الو وياي
رواء: ها اي خالة
... شسمج انتي؟
رواء: رواء
... فديت لعد اني اسمي هدى
رواء: اها..

هدى: وين الماما؟
رواء: ماجت وياي
هدى: لعد منو اجة وياج
رواء: بابا
هدى: ها يلة تعالي غسلي ونامي رتاحي
رواء: لحكتهة وصلتني يم المغاسل
هدى: شوفي روية هاي المغاسل اتانيج لو ميحتاج
رواء: شكرا خالة مايحتاج
هدى: يلة اخذي راحتج
رواء: مشت المرية ضليت اباوع المغاسل كلش حلوة دخلت للحمام وطلعت رحت انام غفيت جريتهة نومة لساعة 1 ونص

كعدت لكيت المضيف فارغ جنت بحالة صدمة يمة وين النسوان ولا طيرة اكو وجان فارغ مابي غراض تخبلت بس اني موجودة طفرت على حيلي ادور على بابا المشكلة المكان جبير ماندل وين مضيف الزلم ادور بكل مكان واشهك فرفحت من البجي دخليلك ربي وين ابوي معقول عافني بالربع ساعة ادور ماكو وصلت على شارع السيارات تمشي بي سريع صرت بنص الشارع لابية اتحرك واني خايفة اشوف السيارات جاية بأتجاهي سريعة كلش ماحسيت الا اجت سيارة بيضة بيهة رجال جبير بالعمر ضربتني.

................

يتبع...