رواية/ تؤامي لا تشبهني
البارت/ الاول (1)
الكاتبة/ امنة شاكر
_______________________☆
اني سجى بدت قصتي بيوم من الايام جنت كاعدة وي اختي رواء نلعب بالالعاب جانت اختي متقبل اخذ لعابتهة ولا حتى اكيسهة
رواء: سجى شنو سميتي لعابتج؟؟
سجى: ماعرف شسميهة
رواء: اني سميتهة باربي
سجى: الله والله حلو خل اسمي لعابتي مثلج؟
رواء: ما مااا والله اكول الابوي ويكتلج.
سجى: حبابة والله حلو اسمهة
رواء: باباااااا
سجى: لا لا سكتي الله عليج والله ماسميهة.
هجي جانت حياتي وي اختي ماكدر ارفضلهة شي لان ابوي يكتلني
بديت العب بلعابتي واسمع صوت صياح بصوت عالي خفت اني ورواء بس عرفت بابا جاي يضرب ماما ضليت كاعدة اني ورواء بس نبجي بالغرفة مالتنة واسمع امي وابوي يسولفون بصوت عالي. امي اسمهة دنيا وابوية ضياء.
دنيا: ضياء كاااافي والله تعبت ومليت طكت روحي كافي طلكني رحمة الاهلك
ضياء: ما اطلك لو اعرف تموتين.
دنيا: مو بكيفك جزعت كافي هسة اخابر عمامي واخليهم يجون.
ضياء: روحي خابري شتردين سوي بس بناتي مايروحن وياج
دنيا: بروح جدك كافي عيفني مو تعبت على اقل غلطة تضربني مو كلبي طلع، ارحمني.
سجى: بعد ما سكتت امي سمعتهة تصيح بكل علو حسهة رحت طلعت من الخوفة ماتحملت اشوف امي بهل منظر لكيتة لاف حزامة ويضرب بيهة الكاتبة امنة شاكر البارت الاول وهي نايمة بلكاع ولازمة ايدهة بأيدهة الثانية ومغمضة عيونهة شفتهة مدماية وجسمهة وجهة كلة مشخط وازرك ركضت اصيح لابوي حتى يهدهة ماكدر كوة تطلع الكلمة مني احس لساني نعكد
- بابا عفية عيفهة
ماجان يسمع علية فاقد على الضرب شافتني ماما واكفة وجسمي كلة يرجف خطية بهل حالة تأشرلي براسهة وتحجي بصوت خافت
دنيا: سجى طبي للغرفة
سجى: طبيت ركض للغرفة وسديت الباب لكيت رواء كاعدة على الجرباية وتبجي
- كافي رواء حبابة سكتي
رواء: سجى اني ماحب امي
سجى: رواء شجاي تحجين شسوتلج امي
رواء: هي دائما تتعارك وي ابوي.
سجى: رواء هم يتعاركون ويتصالحون مايصير هجي تحجين ترة هاي امج عيب حبيبتي.
رواء: سجى كافي كليومية على نفس الاسطوانة هاي امج وحبيهة ولا تفرقين ومن هذا الحجي.
سجى: عفت رواء ورحت كعدت على الجرباية مثلا شسوي ماعرف شلون افهمهة واني صغيرة وعلى كولتهة كليومية احجي وميفيد.
ورة خمس دقايق اجت امي فتحت الباب وركضت علينة جنت اني اقرب حظنتني و تبجي
دنيا: ماما سجى لا تبجين ماصار شي كافي بسجن ، تعالي رواء يروحي
سجى: ظلت رواء بنفس المكان ماتحركت حتى من بعد ماصاحتهة ماما، امي فكرتها لان دتبجي ماكامت عافتني امي وراحت بأتجاهة حظنتهة
دنيا: رواء يروحي ماصار شي هسة نتصالح وترد الماي المجاريهة لا تبجين بسج عاد
رواء: ماما انتي ليش دائما تتعاركين؟ وي بابا ترة بابا خطية.
دنيا: يمة والله ماعلية اني لان ما موجوج البراد ولمي دافي ضاج.
سجى: يمة روحي ارتاحي جسمج مورم..
دنيا: الله كريم يمة
سجى: شفت امي شلون طلعت والدمعة بعينهة نقهرت كلش رحت مباشرة على رواء وكلتلهة - ليش هجي خليتي ماما تبجي فوك ضيمهة ترة والله خطية هاي امج فتهمي
رواء: سجى ترة دقيتيني كل ثانيتين صحتي امج وما امج
سجى: عفتهة ورحت نمت ثاني يوم كعدت على صوت بابا يصيح- وين الريوك؟؟
كمت طلعت لكيت بابا حاط ايدة على راسة وكاعد بلكاع
- صباح الخير بابا
ضياء: لخاطر ربج كلي الامج خل تجيب الريوك لا ابتلي بيهة
سجى: ثواني بابا ويجي يمك
رحت للمطبخ لكيت ماما واكفة تسوي بيض كوة واكفة وشادة شال على راسهة لان مورم
سجى: ماما روحي اني اكمل
دنيا: حبيبتي روحي سبحي واقري زين اني اكمل
سجى: عفية ماما
دنيا: سجى شحجيت فدوة لاتعاندين
سجى: مشيت واني كلبي يوجعني على امي اريد اطب للغرفة مالتنة تلكاني ابوي يصيح علية بصوت عالي
ضياء: هاااا شصار شوصيتج اني
سجى: اسفة بابا، هسة تجيبة ماما مابقالهة شي
ضياء: الله ياخذج انتي وامج
سجى: بابا عفية والله امي طيبة
سمعني هيج كلت لو هو كام جاب حذاء ويضرب بية واني اصيح احس الدنيا صارت سودة بعد ماشوف شي
- بابا فدوة دخيلك هدني الله يوفقك
ادمن علي وكطع الحذاء علية اجت امي
تركض وتريد تخلي يهدني ماكو ماتكدرلة، شاف امي وهو جات عليهة يكتل بيهة
ضياء: كلبة تعلمين بتج على لسان ترادد والله ليوم الكاتبة امنة شاكر البارت الاول الا اطلع حليب امج من خشمج يا خايسة
سجى: اخير شي بعد ماكدر يتحمل طلع وسد الباب ورة ربع ساعة حاظنة امي وابجي وامي وخرت عني و راحت تاخذ تلفونهة كوة تمشي.
اخذتة بهل اثناء دخل ابوي علينة بس هي ماطت اي رد فعل جان نار وشابة بيهة بعد ماتتحمل اكثر
ضياء: شتسوين بلموبايل اظاهر عجبتج الكتلة
¤ دفرهة برجلة ¤
دنيا: اخابر عمامي اريد يسوولك حل كافي تعبت حس بية وطلكني
ضياء: روحة بلا رجعة هذا الباب كدامج تروحين تحرم عليج شوفت بناتج
دنيا: بناتي اخذهن وياي
ضياء: بناتي ميطلعن منا روحي ديحي الله ومحمد وياج
سجى: شفت امي نزلت يم رجلية وتتوسل بي يخلينة نروح وياهة بس ابوي ضربهة على وجهة ودفعهة بحيث عينهة طفت.
سجى: يمة عفية لاتبجين روحي لعمامج وعيفينة لاتخافين علينة.
شفت امي ماكو ماتكدر تحجي عافتنة كوة كامت راحت للحمام. اني هم ماكدر جسمي مزوهر طبيت للغرفة لكيت رواء كاعدة على الجرباية ضايجة
- شبيج رواء لا تخافين ماكو شي
رواء: سجى انتي ليش ماتحبين بابا؟؟
سجى: ليش هم فديوم حجيت علية منو كلج اني ماحبة
رواء: لعد ليش ادافعين لماما؟
سجى: حبيبتي ليش انتي عنصرية لاتفرقين دائما الام والاب نفس المعزة عد الطفل ،اني جاي ادافعلهة بس لان الحق وياهة.
'شفتهة كامت طلعت اني ماكدر الحكهة كل حيل مابية بس خفت عليهة لاتأذي روحهة طلعت وراهة شفتهة رايحة بأتجاه غرفت بابا'
- عزة هاي شتسوي راحت لهناك هسة يكتلهة مبين رواء ماناوية تجفينة شر اليوم.
'ثواني وشفتهة دخلت الغرفة مال بابا مشيت و حطيت اذني علباب حتى بس يضربهة افوت ماكدر اخلي اختي تتأذة ضليت ثواني وسمعت صوت ناصي سمعت صوت رواء تحاجي ابوي وتكلة.
رواء: بابا ماعليك اني يمك ماريد تضوج
ضياء: ياروحي انتي بس احد يأذيج تعالي كوليلي وها اتجسسي عليهة شوفي شتسوي امج وين تروح وتعالي كوليلي
رواء: ماشي بابا حبيبي.
___________________
يتبع'''
أنت تقرأ
تؤامي لا تشبهني
Randomطفلتان تؤامان واحدة تحب امها والاخرى تحب ابيها الظالم كيف سيدور بهم الزمن؟؟ القصة عراقية حزينة
