تؤامي لا تشبهني

.☆9☆.

رواية/ تؤامي لا تشبهني
البارت/ التاسع (9)
الكاتبة/ امنة شاكر
_______________________☆

نورة: ابوج كالنه سجى موافقه بس نريد نسمعهة منج
سجى: ضليت ابجي وطلعت ركض من الاستقبال واسمع ابويه يصيح باعلى صوته
ضياء: تعااااي لج سجى ااااااااا

***
سجى: ضليت جوة اسمع ابوي يسيح واني افرفح من البجي واصيح وينج يمه شوفي بتج شصار بيهة

ضياء: سجى اااااااا
سجى: خفت كلش لايجي يضربني ركضت على رواء وكلتلهة
..رواء حبابه ابوس ايدج كلي الابوي لايزوجني حبابه رواء هو يسمع منج فدوووة

رواء: جنت كاعدة بالغرفه اباع تلفزيون وتفاجأت من اجت سجى غركانه بالدموع ولابسه شال وتتسول بيه
..شكو سجى شصاير جديد
سجى: ولج بيت عمي يمنه ويردوني الابنهم الاكبر من جدي
رواء: مافهمت كلشي شوكت اجو وشصار شو محد حجة بس تأثرت عليهة لاكن ارجع وكلهة
.. اني مالي شغل سجى مادخل اخاف
سجى: رواء فدوة ابويه يحبج ويسمع منج بداعت ابويه الماعندج اغلى منه اقنعي مايزوجني
رواء: لاتحلفيني سجى
سجى: منو يسويلج بعد اكل ويسوي الابوي منو يلعب وياج بعد
رواء: فكرت.. فعلا منو يسويلي اكل اذا ازوجت سجى ابويه انوب يخليني اطبخ واخبز واكرب كرب المطي
سجى: كاع ابجي واتوسل بيهة واجه ابويه سحلني من شالي وكال
ضياء: لج شلون هجي تفشليني كدام اخويه وتتبجبجين انوب

رواء: بابا حباب عيفهة
ضياء: لاتدخلين انتي ، وانتي ياله كومي كدامي
سجى: بابا حباب ماريدة ماررريدة
ضياء: تردين اضلين على كلبي بس اعس بحلوكجن
سجى: والله ما اكل ابد بس عيفني هنا حباب بابا
ضياء: لج كومي لاضلين تتبطرين وين تحصلين مثل عمامج يشبعوج فلوس
رواء: بابا اني اخذه
سجى: ضليت صآفہنه عليها يا هاي تخبلت
ضياء: رواء متاكدة؟
رواء: اي بابا
ضياء: لعد امشي وياي وانتي سجى لاعبالج خلصتي اشوفلج واحد واشمرج عليه
سجى: شفت رواء فرحانه وراحت طلعت ملابس تريد تروح واني صحت
..روااااء شبيج تخبلتي
رواء: شكوو خير
سجى: لج بعدج صغيرة تاخذي واحد رجليه بالكبر

رواء: اي عادي اخذ فلوسه ومن يموت ارجع احسن من هاي العيشه
سجى: رواء مو بكيفج الحجي فدوة كعدي خلي عقل بدماغج ماتفيدج الفلوس الولد مطلك مرتين شبيج انتي صاحيه؟
رواء: عفتهة وطلعت ماعرف ليش قافله بدلت ورتبت روحي لبست الشال وطبيت!!
سلمت عليهم وتلكتني مرت عمي
نورة: هلا بالحلوة هلا بجنتي
رواء: ضليت خجلانه دنكت راسي وكعدت بصف ابويه
كملنه سوالف ضلوا لل١٢ سجى سوتلهم جاي و وديته اني

(ثاني يوم)؛
سجى: الوضع صار مايحمل ونوب هاي انضرب على عقلها يربي شسوي شكول الامي اذا رجعت
.. رحت الرواء اتوسل بيهة بلكي الله وتقتنع وترفض
روااء

رواء: ها؟
سجى: رواء انتي فاهمه القرار الاخذتي شننو نهايته
رواء: يب فاهمه
سجى: لج رواء انتي تعرفين عمامي كلش زين شلون يضلمون المرة واذكري انتي من الناس ذيج المرة ضربج عمي لان ماعرفتي اتسوين جاي
رواء: هاي قبل
سجى: ولج ياقبل هو ابويه تغير حتى همه يتغيررون
رواء: سجى كافي اني قابله انتي شايفه شلون اصير ملكه بس اخذ ابنهم
سجى: رووواء ابنهم التحجين عليه مطلك مرتين ياهيه التاخذة تشرد انتي شبيج رواء منو لاعب بعقلج
رواء: كافي سجى ومن علمج اذا ارفض اني راح يخليج ابويه توافقين انتي
سجى: ماعليج انتي بس رفضي واني ادبر نفسي
رواء: ها يمكن غرتي موو شلون اني وافقت!!
سجى: هاي شكاع تحجي يلكعبه ، هاهية ضلي على قرارج اصلا انتي وياهم من نفس العجينه ليش اتعب نفسي اني مادام هذا قرارج انتي

..عفتهة وطلعت كلش متأذيه عليها سويت الاكدر عليه ماطالع بيدي شي و نوبه سوتني اغار منهة افيه على هاي الدنيا وهمومهة الماتخلص ياربي ليش اني ورواء مو من نفس الثوب ليش مانشابه بكلشي قراراتهة كلها غلط واني المتأذيه عليها هي بأمانتي هسه

رواء: جنت ارتب بكنتوري واجت سجى وكامت تحجي وتحاول اتقنع بيه اࢪفض مع انو هي تدري اذا رفضت ابوي راح يجبرها عليه حسيتها غارت وتريد تاخذه الها هيه هم حجت حجت لمن ايست عافتني وطلعت
صار الليل جنت وحدي كاعدة بالغرفه سجى كاع تطبخ واجاني ابويه للغرفه
ضياء: رواء!!؛
رواء: عيونها
ضياء: رح يجون بيت عمج حضري ࢪوحج
رواء: تمام
فࢪحت كلش من كال راح يجون حضرت نفسي لبست بدله مارونيه هادئه وكلادة ناعمه وظفرت شعري ذبيت شال على راسي وتانيتهم واجوو!!

سجى: عرفت انو بيت عمي راح يجون ): خفت كلش وتلبكت ياا بسلا راح يسووهة صدك ويخطبون رواء ركضت للغرفه وشفت رواء محظرة نفسهة عرفتهة متحمسه وفرحانه كلش ماحبيت اضوجهة واني سويت الاكدر عليه اذا هي مصرة مابيدي شي .. رجعت طلعتہ حضرت الجاي واني ابجي الدمع مافاركني ابد بنفسي يمر يوم ما ابجي اذا مو عيوني التدمع كلبي اليدمع كلي اوج ناااࢪ
اثناء ماجاي احظر الجاي اجو، دخلهم ابويه للاستقبال جان جاي بس الولد وامه

رواء: سمعت بيهم اجو ركضت يم سجى بالمطبخ واباعلهم من دخلوا جان لابس قميص ابيض وبنطلون اسود وحذاء بيضه

سجى: شفته شلون زي طالب مدرسه لابس ماجان لايكلة ابد هو ابيض وعيونه سود وشعر ماعندة يعني قريب للاصلع كلش خفيف وكصيف وامه لابسه العبايه وصخه كلش وشال اخضر على احمر صاير رگي (بطيخ) وشحاطه سودة

رواء: ورة شويه صاحلي ابويه اخذت الماي وقدمته الهم، كعدت يم بابا قضيناهة سوالف لحد ما صاحتلي مرت عمي نورة: رواء حبيبتي تعاي كعدي يمي
رواء: مشيت كعدت يمهة
نورة: رواء احنه نريد باجر نخطب
رواء: صدمتني بحجيهة بهل سرعة بس هذا الصالحي فكلت
اي عادي
نورة: فدوة لله جهزي نفسج الباجر
رواء: هزيت راسي بمعنى نعم
سجى: اني طول الوقت واكفه ورة الباب اصنت شيصير مايصير وسمعته تكول الرواء باجر يجون يخطبون اويلي عليج يووم ، ماسمعت جواب من رواء بس اعرفهة موافقه
.. ࢪحت توضيت وركضت للغرفه ابجي حطيت السجادة وبديت افرغ كلبي
..مشتاقتلج يمه والله كلبي خلص يمه بنتج كاع تعيش العاشته امهةةةة كليلي شنو حالج هسه عدله ميته ماكله شاربه شنو الصار وياج يووم احجيلي وصليلي خبر طمنيني مو مابيه صبر يووم نار الفراك تأذي والله شنو حياتي اني لاشفت شي بهاي الدنيا ولاعشت طفولتي مثل كل الاطفال شنو ذنبي اني ليشششش اني بذات!!!!!

................

يتبع...