ARE YOU 18? [COMPLETED]

14. First Kiss ခိုးယူခံရခြင်း (2)

Unicode

ဂျွန်၏ တိုးလျသည့်စကားအားနိုအာမကြားလိုက်ပေ။ သို့သော် ကက်သရင်းက စားပွဲသို့ရောက်ရှိချိန်နှင့်တိုးလေသည်။

"ကဲ ဒါရိုက်တာဂျွန်ကြီး ဘာတွေချိုနေတာလဲ ငါလည်းမြည်းချင်တယ်လို့''

ကက်သရင်းကဘီယာကြိုက်သည်မို့ ဘီယာဘယ်နှခွက်လောက် ဗိုက်ထဲဝင်သွားမှန်းသူမ မမှတ်မိတော့ချေ။

ဂျွန့် 'ဟွန့် 'ဟု အသံပြုပြီးနောက် သူမအားကြည့်ကာ...

"ကက်သရင်း.. နင်တော်တော့ ဘီယာတွေထပ်မယူနဲ့ မူးရူးပြီး လူမှန်းမသိဖြစ်ဦးမယ် အဖေ့မျက်နှာ အိုးမည်းမသုတ်မိစေနဲ့''

"ဟီး..ဟီး...ငါနင်နဲ့ နိုခဲလေးကိုလာမနှောင့်ယှက်တော့ပါဘူး ​ တစ်ခွက်ပဲထပ်သောက်ခွင့်ပြုလေ နော်?''

.
.

ညဆယ့်တစ်နာရီနှင့် မိနစ်နှစ်ဆယ်ခန့်တွင် အကုန်လုံးစားသောက်၍ စားပွဲ၌ စားစရာများကုန်သလောက်ပင်ဖြစ်လေသည်။ အချိန်အားဖြင့်လည်း မလင့်တော့ပြီမို့ ဘုတ်အဖွဲ့ဝင်လူကြီးများကိုအသီးသီးကားငှားပေး၍လိုက်ပို့စေသည်။ အမူးလွန်သည့်သူများကို အမူးမလွန်သေးသည့်သူများကအချင်းချင်းထိန်းလျက်ရှိကြသည်။

"အားလုံး ပျော်စရာကောင်းတဲ့အချိန်လေးဖြစ်မယ်လို့ယုံကြည်ပါတယ် မနက်ကျ ရုံးနောက်မကျစေနဲ့နော် နောက်ကျရင် HR ဌာနနဲ့စကားပြောရလိမ့်မယ်''

ဂျွန်၏ စကားကြားသည်နှင့် အားလုံးက မူးနေသည့်ကြားကပင် ဟာကနဲညည်းညူကြလေသည်။

"အိုကေတယ်နော်''

"အိုကေ'' ''အိုကေပါတယ်'' ''ရက်စ်''.. ဟုဝိုင်းအော်ကြလေသည်။

ဂျွန်က ငွေစာရင်းဌာနရှိလူချောလေးဆီဖက်တွယ်ထားသော အမူးလွန်နေသည့် ကက်သရင်းအားမနဲဆွဲခေါ်ခဲ့ရသည်။ ဂျွန်ကိုယ်တိုင်လည်း ဘီယာတစ်ခွက်ကျော်မျှသောက်ခဲ့ရ၏။ Dinner ဖြစ်သည်မို့အသောက်အစားကရှောင်၍မရပေ။ ဂျွန်အရက်ဘီယာလုံးဝရှောင်ခဲ့သည်မှာ လွန်ခဲ့သည့်နှစ်များကတည်းပင်ဖြစ်သည်။ အတိအကျဆိုသော် သူမနှင့်နောက်ဆုံးအကြိမ် လမ်းခွဲပြီးသည့်အချိန်မှစ၍နှစ်နှစ်တိုင်ခဲ့ပြီဖြစ်သည်။