ARE YOU 18? [COMPLETED]

25. Two Weeks Determination!

"ဘာလို့လဲ''

"..........''

"ဘာလို့လဲပြောပါဦး''

ဂျွန်၏ အထပ်ထပ်အခါခါမေးမြန်းမှုကြောင့် နိုအာသက်ပြင်းရှည်ကြီးချလိုက်ပြီး လက်နှစ်ဖက်ဖြင့် ဂျွန့်ကိုတင်းကျပ်စွာပွေ့ဖက်လိုက်သည်။

"ကျွန်တော် ခင်ဗျား ကို သဘောကျတယ်''

ဂျွန့်မျက်နှာထက်၌ အပြုံးရေးရေးလေးပေါ်လာသည်။

"ဟင်..ဘာပြောတာလဲ''

နိုအာ ဂျွန်၏ ရင်ခွင်ထဲ၌သာခေါင်းမော့မလာဘဲ ထပ်ဆိုလေသည်။

"ကျွန်တော်ဂျွန့်ကိုသဘောကျတယ် အများကြီးသဘောကျလို့ တွေ့ချင်တာ ရပြီလား''

"မရသေးဘူး''

ဂျွန်၏ စကားကြောင့် နိုအာမကျေမနပ်ဖြစ်ကာ ဂျွန့်ရင်ခွင်ထဲမှအတင်းတိုးထွက်လာပြီးဂျွန့်ကိုမော့ကြည့်လျက်  တုံ့ပြန်လေသည်။

"ခင်ဗျား... တကယ်ကိုပဲ...''

နိုအာ ထပ်၍ပြောချင်သော်လည်း ဂျွန့်မှာ ဆေးရုံဝတ်စုံဝတ်ထားဆဲဖြစ်သည်ကို သတိထားမိသည်မို့ဆက်၍မငြင်းဆိုတော့ပေ။ သို့သော်ဂျွန်ကအလျော့မပေးဘဲဆက်၍ဆက်၍မေးနေပြန်၏။

"ပြောပါဦး.. ကိုယ်ကဘာဖြစ်တုန်း..?''

နိုအာဂျွန်၏ပရင်းရောင်မျက်လုံးများနှင့် ဆုံမိသည့်အခါနှလုံးခုန်သံတို့မြန်ဆန်လာ၏။ ထိုမျက်လုံးများကကြည်လင်ပြတ်သားနေပြီး ဂျွန်တစ်ယောက်ဘာတွေတွေးနေမလဲသူမခန့်မှန်းနိုင်ချေ။ သို့ပေမယ့်ထိုမျက်လုံးများကသူ့အားအလွန်တရာဆွဲဆောင်နေသည်ကိုတော့လျစ်လျူမရှူနိုင်ပေ။ သူ ဝါကျင့်ကျင့်မျက်လုံးတွေကိုသဘောကျသည်။ နှာတံမြင့်မြင့်၊ ဆံပင်ပတုန်းရောင်၊ အထူအပါးညီနေသောနူတ်ခမ်းများရှိသည့် သည်လူကိုနိုအာသဘောကျသည်။

နိုအာ ထပ်၍ပို၍သည်ထက်ပို၍ ဂျွန့်အားသဘောကျသလား၊ သဘောမကျဘူးလားဆိုသည်ကို စဥ်းစားနေစရာမလိုတော့ပေ။

နိုအာခါးကိုမတ်လျက် ဂျွန့်ကိုပွေ့ဖက်ထားသောသူ့လက်များကို လွှတ်လိုက်သည်။ အသက်ဝဝရှူသွင်းလိုက်ပြီး တစ်စုံတစ်ခုအား ဆုံးဖြတ်ထား၍ လုပ်မည့်ဟန်ပြင်လေ၏။ ဂျွန်ကနိုအာ၏အသေးစိတ်လှုပ်ရှားမှုလေးများအားတောက်လျောက်လိုက်ကြည့်နေလေသည်။ ထို့နောက်နိုအာဂျွန့်လက်နှစ်ဖက်အားသူ့လက်များဖြင့်ဆုပ်ကိုင်လိုက်သည်။