الهُدوء الذي يُلازمنَا في
بعض الأحَيان، هو رحلَة قصيرة نبحثُ فِيهَا
عن بعض الحلُول لِمُواجعنَا، أو
رُبمَا لصَدمَاتنا من وَاقع محطم نَعيشُه بصمَت .
#امُـتشان _قسـري
((الكاتبة بنين بهاء))
ضلت تمشي بينا السيارة وميتات خوف
لبنيه لضربها طلقه مااعرف ميته او عايشه
ما مرينه على اي شارع او سيطره
طرق معزوله مبيهه اي بشر السيارت تمشي سريع حتى ما نلحك نباوع الها
الدم ترس السياره وصارت ريحه زفره قوية محد بينه تجرأت تحجي او تحاول تهرب
راس لبنيه الميته او العايشه على جتفي
ضلت السيارة تمشي بينه لوقت طويل كلش والشمش كلش قوية والجو حار
انتبهت على السايق يمش بكل هدوء
ولا عبالك خاطف 3 بنات
وضارب بنيه طلقه والله يعلم ان جانت عايشه او ميته
باوعت على الساعه لكيته ساعـه 12 وربع
والامتحان بدأ ساعـه 8 وانتهى ساعـه 10
يعني صـارلنه سـاعتين
أكـيد هـسه اهـلي واهـل الـبنات مـيتين خـوف
طـول الطـريق ابچي واشر بـ حلكي وحـواجبي
اريـد فقـط شخـص ينتبه عليه
مـاكو حسيـت گـل الناس غبيه او مجـرمين مشاركين وياه
اجتلي افكار هـواي يا ترا شراح يسوي بينا
يقتلنه !! او يغتصبنه
او يبيعنه !!
او يتاجر بـ اعضائنه
افكار مرعبه وشخص قاتل
للحظه اجتي فگـره بسبب كميه الرعب العايشته
انُ اهلنه متفقين وياه
معقول !!
نزلت دمعتي وگلبي يـريد يطلع من مكانه
دراستي واحلامـي بـ لحضه وحدة تكـدر تنتهي
شكد جنت فرحانه من خلصت امتحان اليـوم ومجاوبه على گـل الاسئله
لكن ما اعرف هاي الفرحه راح ترعبني بـ الاخيـر
أكيد حياتي حتنتهي
او اذا عشت
حصير جحيم ماكو اي مفر
زين وهاي لبنيه لضربها بس
تنزف والـدم ترس المقاعد
وريحه صارت مقرفه و ماليه السياره معـقول انتهت حياتها هيـج بگـل بساطه !!
يي ميتـه أكيد ميتـه ماكو اي نفس منها
صارلها ساعات تنزف اكيد ماتت
اباوع لسايق او المـجرم
شكـله مابي اي رحمه
اختنكت اريـد افتح الجامه لان المكان خنكه
بس !! اخاف منه
أنت تقرأ
امُتشان قسري
Actionثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
