كشخصً يمتلك شخصيتين احداهما عاطفيه الى حد البكاء واخرى عقلانيه لدرجه ان يسخر من حزنه ، كشخصً يمتلك من الهدؤ ليتصف بالرزانه واخرى عصبيه لحد الجنون ، شخصً ينسى حزنه ليبتسم ، فيذكر خيبته ويحزن ، يحاربني الف تناقض اعيشه في اليوم .🍂
( الكاتبة بنين بهاء ))
الحلقـة _٩
انصدمت من صوت رنه التلفون
باوعت لـ غيد باستغراب
انصدمت من طلعت التلفون من صدرها
بسرعه قفلت التلفون
رحتلهه بـ عصبيه
واخذته منها وعيوني كله اسأله
منين هذا التلفون ؟
وشيسوي عدها ؟
اباوعله وهيه منزله راسه وتفرك بـ ايدها
فززني صوت دكه الباب القوية
خفت
باوعت لـ غيد تباوع للباب بخوف
سميت بـ اسم الله وفتحت الباب
لكيت قاتم ومخنزر
نتر ومد ايده وكال بغضب .. اطيني الموبايل
غمضت عيوني واخذت نفس ومديت ايدي اله
مد ايده واخذ التلفون بسرعا ودار ضهرة وطلع
انقهرت اكيد هسه عباله انه اخذت التلفون
سديت الباب درت وجهي على غيد
باوعتلي ونزلت راسه رحت يما وكعدت
كتلها برود وانه من كوا كاضه روحي ما اعيط بيه .. ليش اخذتي التلفون ؟
جاوبتني بتعلثم .. من كتيلي انتِ تعرفين رقم اهلج او لا
ومن جاوبج قاتم
انه ما صدكته احس هوا ويه الزعيم ويريد يرجعنه اله
وعون من خلص اكل وتمدد اخذت تلفونه بدون مينتبه
حتى اخابر اهلي
جاوبتها بغضب .. ثوله انتِ ما سمعتي قاتم شكال ؟
- كال اذا رجعنه راح يدورون علينه ويكتلونه ويجوز حتى اهلنه هم
غيد لج سمعي ترا هاي عصابة مو لعبه ياغيد
ماعدهم شي ممنوع
اختصاب ، قتل ، سرق ، مخدرات ، تجارة اعضاء
كلشي عدهم عادي
واصلا هذا شغلهم
واحنه اذا رجعنه راح نسبب خطر عليهم
وراح يحاولون يتخلصون منه باي طريقة
رفعت راسه وعيونه مدمعه وكالت .. بس انه خايفه
باوعتله بحزن وحضنته
شهكت بقوة وضلت تبجي
اكيد هسه قاتم اخذ عني نظرة مو زينه
لازم اروح احاجي
وافهمه الموضوع
ابتعدت عن غيد وكتله .. شوفي انه هسه راح اروح لقاتم واحاجي
لان هسه اكيد ضايج من عدي حيل
لان انه اطيته التلفون
أنت تقرأ
امُتشان قسري
Actionثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
