امُتشان قسري

part - 24 -

ستك الكلمات عكازي حين اشيخ، اروضها على عثراتي فتستجيب، وتروضني على ان اتقبل ما ابثه اليها بضجرٍ حتى انها تجعلني الين، هي من ستبقى تضاعف الشغف، وتولدهُ حين يكون معدوم، هي من ستكفن ارواحنا حين تختار العزوف عن الوجود، ستكفنها لتبث الحياه فيها مجددًا، فتُبعث من جديدٍ، وحدُها الكلمات من تقلص من حجم معاناتنا حين تكون قد وُجهت رغباتك نحو التعملق.

#امُتشان _قسري
((الكاتبة بنين بهاء))
الحلقة _٢٤

طاحت الجنطة من ايدي وضليت ، احس اكو نار بصدري وتحرك بيه ضليت ادك على صدري واخذ النفس كوا
وهوا مستمر بلصياح
دفرت الباب ودخلت تفأجى بيه وضل يباوعلي

شهكت وكتله .. ليش ما اداوم كليه ؟ لان انتَ أجرت شخص ما تعرفه حتى ياخذني للمتحان ؟؟
ليششش ما ادخل كليه واكمل دراسة وازوج اي شخص ليششش ؟؟؟ علمود حضرت جناب الناس ما تحجي

كور قبضته بقوة ورد بعصبيه .. سدي حلكج كلت ماكو كليه يعني ماكووووو كليه انه ابوج واي شي اريدة غصبًا عليج تنفذينه

رديت بصراخ .. لااااااا مو غصبًا عليه انه مو خدامة ولا رهينه عدك ولا حيوان اي شي اريدة اسوي وما انغصب على اي شيييي

اجه عليه بعصبيه وضربني راشدي وكض راسي وضربه بلحايط وامي اصرخ وتحاول ادفعه عني ، وهوا مستمر يضرب ويدفر بيه

عبالك عدو عنده مو بنته الوحيدة ..

اجه اخوي احمد وجر ابوي مني وهوا بفشر عليه .. ساقط* حيوانة ادبسزززز اريد اشوف يا كواد يخليج ادومين كليه بربوك
اله اسودنج

رد عليه أحمد وهوا يحاول يسيطر عليه .. خوششش خوشش ما اداوم كليه بس كافييي شهرتونه

اجت أمي عليه وهيه تبجي كومتني وانه مصدومه ولا دمعه نزلت مني
دفعت ايديه ورحت للغرفة قفلت الباب وكعدت وراى وانه مصدومه وما متوقعه الصار

أول مره بحياتي انضرب ومن منو من اكثر شخص احبه واعزه و أول شخص فشر عليه بحياتي كله هو ابوي !!

غمضت عيوني وخليت ايديه على راسي وانه احاول اصدك لصار

معقول هاي هيه انتهى كلشي !!
اخذت نفس ونمت بلكاع وسويت وضعيه الجنين وجسمي كله يهز من الرعشه
ندك الباب بقوة وصوت أمي وهيه تكول .. ماما غيد افتحي هاي انه بس خلي احاجيج

كمت بطىء وفتحت الباب دخلت بسرعه وقفلته اخذت ايدي وكعدتني على الجرباية وكالت .. ميخالف حبيبتي كلشي يهون ويمر مستحيل اخليج ما تكملين دراسة أنت اكثر خوانج تعبنه على دراستج ووفرنالج كلشي بس حتى اجيبين معدل زين وادخلين كليه زينه

وهسه انت دخلتي قانون تعرفين شنو قانون ؟؟
يعني هسه إنت الوحيدة بعشيرتنه كله راح اصيرين محامية