•••
إنّي نصبتُ على المواجعِ خيمتي
وظننتُ أنّي قد نجوتُ من الخَطر
حتى إذا جاء الشتاءُ رأيتها
بالأرضِ ساجدة وذا فعل المطر
الحالُ يا ربّاه في كرب هنا
والكون يلهو والمشاعرُ من حجر
امتُشان قسري
((الكاتبة بنين بهاء))
الحلقة ال١٦
نزلنه من السيارة شفت بيتنه كلبي ضل يدك سريع من كد ما مشتاقتلهم
فتحت الباب الرئيسي
باوعت ل شجره الورد والمرجوحه لبيهه
باوعت ل دجاج امي والكتاكيت
ل البلبل مالتنه
لكلشي موجود ابيتته مشتاقتله
دمعت عيوني كضت ايدي غيد وعصرت عليه
درت وجهي اله لكيته هيه هم مدمعه وتريد تبجي
وصلنه ل الباب البيت
دكيته وانه كلبي يدك الف مره
ل ثواني فتحت الباب اختي
اجمدت ب مكانه من شافتي
ل ثواني وشمرت نفسه ب حظني
ضميته ب قوة وضلينه نشهك من البجي
اجه صوت أمي الخايفه والتعبانه وهيه تكول بصوت خايف .. يمهه شكو اصاير
بس شافتني نصدمت وضلت واكفه
بعدت من حظن اختي
وكفت وضليت اباوعله
شهكت ونزلت دموعه وفتحت ايديه الي
ركضت الها وحظنتها بقوة وانه اشهك وهيه هم
كالت بصوت مبكي .. ولج يمه بنيتي وين جنتي
يمه اصار بيه من رحتي
كبرت 30سنه من وراج لا ليلي ليل ولا نهاري نهار بس افكر بيج وابجي
بعدتني من حظنها ومسكت وجي ب كفوفه وكالت بخوف .. يمه وين جنتي ها ؟؟
اجه صوت خاله وهيه تكول .. خيه جانت عدي
استغربت امي من الصوت ورفعت راسها شافتها وكامت وهيه تضحك وترحب بيه
دخلت خالتي وغيد ل الاستقبال وانه رحت ويه امي للمطبخ
بس دخلت وياها اخذتي من ايدي وسالتني بخوف .. وين جنتي كل هاي المدة ؟
جاوبته بتعلثم .. عد هاي المرأة الاجت
ردت .. وين لكيتيه
غمضت عيوني بقله صبر وجاوبته .. يمة والله مابيه حيل لاي شي هسه نروح نكعد يمها وتعرفين كلشي
ابوي واخواني وين ؟؟
جاوبت .. ابوج بلسوك واخوانج بره
رديت .. خابري ل ابوي خلي يجي
هزت راسه ب رضى وبعدين حظتني وكالت .. اخخ انتِ لو تعرفين اصار بينه من وراج
ابوج على اي لحظه يتخبل ما خله مكان ما دوره عليج
نزلت دموعي وكتله .. يمه سولفلي اصار
جاوبتني وهيه تخلي ايدهه على ايدي .. من اتاخري ابوج ما جان موجود
خابرت عليه وكتله اتاخرتي اجه بسرعه وخابر ل السايق
وما رد
رحنه ل مدرستج وطلعنه كامرات القريبه
طلعتو انتِ والبنات البقيه صعدتو ويه السايق
اجو اهل البنات البقيه خايفين وسالؤ عليهن وهنه هم ما اجن
أنت تقرأ
امُتشان قسري
Actionثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
