ضحك بهدوء وكال .. مالي قسمة بكلشي چا بقت عليج ؟
درت وجهي اباوعله اول مره يكول چا باوعلي بتركيز درت وجهي ونزلت من السيارة وضربت باب السيارة حيل
رجعت للكلية حتى المكتبة ما رحت الها كعدت بلحديقة وضليت ابچي من كل كلبي حسيت هسه يلا ادركت الوضع
الطلاب تباوعلي عبالهم ابچي لان ممجاوبة بالامتحان وانه ابچي على الامتحان وعلى حظي ..
" قلت وداعاً وكل شي بداخلي يريد البقاء "
______________________
' قاتم
من بعد ما سمعت رد عُثمان ابتسمت بطرف شفتي ورديت .. والله عرفت انتَ نكس وتبقى طول عمرك نكس ، اسمع كلش زين لا عبالك انه جبان وخسيس نفسج حتى اعوف لبنيه لاحبها وازوج بنت عمي والله لان ما تاخذون غربه
رد بحقد .. عچل اسمع وحق القرعان كلما تروح تخطب اخربها وحتى سمعه لبنيه اخربها بكل سهوله اروح لبوها وعمامها واكول انتَ مو ابني وانتَ نغ*
جانت اكو طفايه اخذته وشمرته عليه خليت دمه بطوله وطلعت ضل يصرخ ولازم راسه ويهدد .. وحق الله الا اندمك اشوف شلون تاخذها
عطت بعصبيه .. اخذها وغصبًا عليك وعلى شواربج يا خسيس يا كو**
ضلت مرت ابوي اصرخ وتفشر دفعتها وطلعت ، لكيت عمر بلباب بس شافني صاح .. هااا شني هذا العياط ضربته ؟
هزيت راسي برضى وصعدت بلسيارة صعد وياي وسقتها وكال .. شبيك انتَ مخبل ؟ مو تريد تحاجي حتى يخطب الك شصار ؟
وكفت السيارة بعصبيه وكتله .. عمك اكبر كو** يكلي ما اخطب الك الا تعقد على وحدة من بنات عمك واذا ما رضيت بس تروح تخطب اخربها واخرب سمعه لبنيه هم واروح اكول لهلهه هذا مو ابني وهوا نغل
رد عمر بحيرة .. وهسه شلون شنو راح اسوي ؟
رديت بحيرة والقهر كاتلني .. ما ادري المشكله حتى أهل امي ما اعرف وينهم من دخلو داعش للانبار هما شالو على الاقل اذا اعرفهم اكدر اخذ ورقة عقد امي وابوي لان محتفظ بيها جدي .
رد عمر بستغراب .. وأنتَ شلون تدري محتفظ بيها؟
رديت .. قبل كم سنه من تعاركت ويه عُثمان وكال شمدريني انتَ ابني رحت لجدي وجاب العقد وسد حلكه عُثمان .
رد عمر .. وهسه ؟
ابتسمت ورديت .. راح اقبل بشرطه لان ادري بي چلب ويسوي كلشي حتى يأذيني راح اعقد على وحدة من بنات عمي ومن اعقد على لبنيه لاحبها اسوي الهم مفأجه واطلك بنت عمي ها شكلت
رد عمر .. بس خطية شعليه لبنيه اطلكها
رديت .. انه مو چلب نفس عُثمان راح أكلها انه احب بنيه وافقت اعقد عليج بس حتى اخطب لبنيه لاحبها وهيه أكيد راح تقبل
أنت تقرأ
امُتشان قسري
Actionثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
