امُتشان قسري

part - 43 -

"تُؤْنسني أَيَّام مَلِيئَة بِك..
بِك وَحدَك
أُريدك هُنَا، و هنَا ، و هنَا..
أُريد أن أَحَاط بِك مِن كُلِّ مَكَان
أن أَرتَوي مِنْك، و أهنأ بِك
اتنسِمك كَنفْحَة فِي صَبَاحٍ جديد
أَحتسِيك بدلًا مِن قَهوَتِي
أَرتدِيك بدلًا مِن ثِيابي
أَقرَأك بدلًا مِن كِتابي اَلمُفضل
و أسْهب فِي الحكِّيْ عَنْك بدلًا مِن اِنْتصاراتي أُنْصِت إِلَيك بدلًا مِن أُغْنيَتي المفضَّلة
و أفعِم بِك عَيْناي بدلًا مِن النَّظر إِلى قِطْعَة فَنيَّة لَو أَنَّك هُنَا فَإننِي لَن اِكترَث أبدًا لِأيِّ شَيْء سِوَاك."

#امُتشان_قسري
الحلقة_٤٣

(( الكاتبة بنين بهاء))

فزيت على رنه التلفون غيد تتصل فتحت خط وكالت بتوتر .. بارين أحمد مختفي من البارحه ومحد يدري بي وينه هسه

شهكت بصدمه وضليت ساكته استوعب الكلام وهيه تتأفف وساعة تدعي يرجع وساعة تدعي ما يرجع

عاطت بيه .. كبر حتى كبر عود اسولف وياها يلا ولي تف عليج

وسدت الخط بوجهي ، شمرت التلفون وخليت ايدي على راسي ، يربي هذا ما يتشاقه وياه

اخذت التلفون ودزيتله رسالة

- قاتم تحجي صدك خطفت أحمد ؟
يمعود ترا جنت اشاقة وياك سويته صدك قاتم ؟

ثواني ورد ..

- صباح الخير عمري

تنرفزت من برودة

- منين يجي الخير منك ؟

- جا منين من حمودي الحلو من البارحه لسى بس يبچي ويترجى بيه اعفي عنه

دز صور أحمد رابطة بلكاع ومغطي عيونه ومنزع ملابسه باقي بس بلشورت وجسمه كله يصب دم

من شفته خترعت وخفت حيل من قاتم ضليت ارچف

كتبت وايديه يرجفن .. قاتم كافي فدوة رجعه

رد .. لا ، خلي أدبه كم يوم

تأففت وما رديت ، اتصل

كمت ادور السماعات خليت وحدة وفتحت خط
سمعت صوت الجداحه عرفت جاي يدخن

رديت بضجر .. ترا انه ما احب الجكاير

رد برود .. ميخالف ، من نزوج ادمن على غير شي واعوف الجكاير

صفنت هذا شجاي يحجي ، ضحك بهدوء وصاح .. الحمُدللّه والشكر طلعتي هم عندج ثول

شهكت مدركه الوضع عطت بغضب .. ايا ادبسز ولي

سديت الخط بوجها , وحظرته

كمت غسلت وتريكت وضليت اتمرن بغرفتي بعدين نظفت غرفتي والبيت كله وساعدت أمي بلغده

خلصت غده كمت غسلت المواعين ومخليه سماعه بذاني اسمع نفس الاغنيه لدزها الي اول مره

رن تلفوني فتحته رسالة بلواتساب من رقم غريب اكيد قاتم