امُتشان قسري

part - 35 -

- أصعب شيء هو الوقوف على الحافة، حافة الأماكن و الأشياء و العلاقات ، فلا تثبت على شيء، تتمنى ولا تتمنى، تريد ولا تريد، كل شيء يصبح باهت.

#امُتشان_قسري
(( الكاتبه بنين بهاء))

الحلقة_٣٥

غيد

اخذت غراضي المهمه والاحتاجهن لفتره قصيرة لان اعرف ما راح اطول هواي عند بيت عمي ليث لان مرته عينها ضيقه وما تريد احد

اخذ من عندي الاغراض عمو ليث وكال باستغراب .. شنو بس هذن الاغراض ؟

رديت بدون نفس .. اي هسه بس هذوله والباقي عود بعدي ارجع اخذهن

هز راسه برضى وطلع من البيت وطلعت ورى ، هيج امشي بس جسد وروحي احسه مطفيه

دك الباب وطلعت مرته استغربت من شافتني وشافت الاغراض وضلت واكفه بلباب تباوع لجنط ، عاط بيها عمو ليث وكال بحده .. شبيج ما اشوفين تريدين نضل واكفين بلباب؟

هزت راسه وخرت من الباب بضوجه ، دخل الجنط لغرفة بيبي القديمة وانه ورى الغرفة كله اغراض قديمة وصخه وحيل هز راسه بعصبيه وكال بفشله .. عمو هسه خلي الاغراض وراح اخلي وسن تنظفه هسه

هزيت راسي بنفي وكتله .. لا عمو انه انظفه

رد برفض .. لا عمو شسالفه انتِ توا طالعه من المستشفى

هزيت راسي وحظني وكال يابتسامه .. تعاي كعدي يم فهودي بلستقبال لحدما تكمل غرفتج

هزيت راسي ورحت كعدت بلستقبال، دخل لغرفته واسمع مرته تتعارك وياه واصيح بصوت عالي حتى اسمعني انُ انه مرفوض وجودي هنا

استوقفني كلمه خلتني اتحطم وهيه اصرخ وتكول بحقد .. الله يعلم شمسويه حتى اهله يكتلوها ويطردوها شتريد الناس تكول علينه ، بيت ليث يلفون كح**

بعدها سمعت صوت ضرب ، عرفته ضربنه

نزلت دمعه من عيوني ، وانه احس عيوني نار من القهر

كمت وانه كلي ارجف ، اخذت اغراضي وطلعت بسرعه من البيت وانه محتاره وين اروح

يربي محد يريدني وعمامي محد بي خير بس عمو ليث ومرته ما تريدني

طلعت بشارع محتارة وين اروح ، أجرت تكسي وكتله .. اخذني لخطوه الامام علي

هز راسه برضى واخذني ، نزلت وانه اجر بجنطتي وعمو ليث يتصل

كعدت بلحديقة وصرت ابچي حيل ، صار الليل وانه بعدي بلحديقه صافنه شسوي وين اروح

ماعدي غير بارين ، ما عدي غيره ابتعدت عنه لان هددني احمد اذا ما ابتعد عنها يسحب الجهاز مني ويروح لهله ويكلهم خلي تبتعد عن بتنه