*သခင်ကြင်လျှင်ချစ်ခြင်းမည်*
"တီ. . .တီ. .တီ. . .တီ"
အိမ်ရှေ့ကကားဟွန်းသံကြောင့် သခင်အခန်းထဲက
လိုက်ကာစကိုဖယ်ကြည့်လိုက်သည်။
အာကာယံဟိန်းကားဖြစ်နေသည်။ ကျောင်းသွားဖို့ သခင့်ကိုလာခေါ်တာပဲဖြစ်မည်။
သခင်လဲ အိပ်ယာပေါ်တက်ကာပြန်အိပ်နေလိုက်သည်
ဒေါက်. . .ဒေါက်. . .
"သခင်လေး…ဖြူဖွေးပါ"
"ဝင်ခဲ့. ."
"သခင်လေး အောက်မှာဧည့်သည်ရောက်နေတယ်
မြန်မြန်ဆင်းလာဖို့ဆရာကမှာလိုက်တယ်"
"ဒီနေ့ငါနေမကောင်းလို့ကျောင်းမတက်ဘူးလို့ပြောလိုက်"
"ဟုတ်ကဲ့သခင်လေး"
ဖြူဖွေးကအောက်ပြန်ဆင်းသွားသည်။
သခင်ဝတ်ထာပြီးသားအဝတ်စားတွေကိုပြန်လဲလိုက်သည်။
ညအိပ်ဝတ်စုံကိုပြန်ဝတ်ပြီး စောင်ထဲပြန်ဝင်နေလိုက်သည်။
"သား. . .သား သူ့သခင်"
ဒယ်ဒီအခန်းထဲဝင်လာသည်မို့
မျက်လုံးကိုမဖွင့်ချင်ဖွင့်ချင်နဲ့ဖွင့်ကြည့်လိုက်သည်။
"ဒယ်ဒီ ဘာပြောစရာရှိလို့လဲ ကျနော်နေမကောင်းလို့ဆက်အိပ်ချင်သေးတယ်"
"ကျောင်းမသွားဘူးလား
အောက်မှာအာကာယံဟိန်းရောက်နေပြီ"
"ဒယ်ဒီကလဲ နေမကောင်းပါဘူးဆို
သူ့ကိုဘယ်သူကလာခေါ်ခိုင်းလဲ ဒီနေ့ကျောင်းမသွားဘူး"
"သား ဒယ်ဒီ့ကိုမလိမ်နဲ့"
"ဘာလဲ ဒယ်ဒီက ဟိုမိန်းမကြီးပြောတာပဲအမှန်ထင်နေတာလား သခင်ပြောသမျှကိုလိမ်တယ်ပဲထင်နေတာလား"
"ကဲ. .မလိုက်ချင်ရင်လဲနေ
ဒီနေ့တစ်ရက်ပဲရမယ် သား
နောက်ရက်လဲ အာကာယံဟိန်းနဲ့ပဲသွားရမယ်"
ဒယ်ဒီကပြောပြီးအခန်းထဲကပြန်ထွက်သွားသည်။
ဘာကိစ္စနောက်ရက်လဲ အဲ့ကောင်နဲ့သွားရမှာလဲ။
ကိုယ့်သားကို အိမ်ထောင်ချပေးချင်တာများ မိန်းကလေးတစ်ယောက်နဲ့ပေးစားလိုက်ရင်ပြီးနေတာကို။
ဘာကိစ္စ ယောကျာ်းချင်းလဲ။
ဒယ်ဒီ့ကိုရှေးလူကြီးလို့ထင်ထားတာ။အခုတော့ သခင့်ထက်တောင် ခေတ်ရှေ့ပြေးနေသေးသည်။
