الحب لا يعرف المستحيل

الفصل الأول: بداية المشوار.

(الحب لا يعرف المستحيل)
البارت الاول .
بقلم الاء يحيى.📝
الحب زى ما هو اجمل احساس ممكن نعيشه ونحسه كمان ممكن يكون أكبر ألم ووجع وجرح عميق بالقلب خصوصا لما نكون بنحب بصدق من قلوبنا وطبعا مش لازم ابدا يكون الحب مختصر فيLove بس ولكن الحب بصفه عامه تكتمل عظمة الحب عند وصولنا للى احنا عاوزينه  ولكن بعض الأحيان بتحصل عوائق فى طريق الحب ده لدرجة أنها تحوله إلى مستحيل هل فعلا الحب يصنع المعجزات ولا يعرف المستحيل ام لا؟
وده اللى هنعرفه مع ابطال قصتنا وهما (أسر الجندى وآسيل الناجى) .....
⁦^_________^⁩⁦^_________^⁩⁦^_________^⁩⁦^_______
أسيل بنت جميله عيونها عسليه ولديها غمازه وجهها بشوش دائما مبتسمه هادئة بطبيعتها مرحه وتحب الضحك وخفيفه الظل وشعرها طويل أما بشرتها فهى فاتحه مش شقراء اسيل عندها ١٧ سنه فى سنه ثالثه ثانوي.
اسيل بنت احمد الناجى وامها اميره الناجى عندها  اخ واخت اخوها اكبر منها  بسنتين  واختها اصغر منها بأربع  سنين  اخوها اسمه ايمن فى كليه حقوق
ايمن  طويل  وشعره اسود شخصية جديه اوى فى كلامه بيتمنى أن يكون محامى  في المستقبل علشان يحارب الظلم ويجيب للناس حقوقهم .

أما امل بقا فى دى فى تانية إعدادى عسوله جدا ومرحه وعندها حلم وبتتمنى أنها تبقى  زى اسيل فهى قدوتها .
اسيل عندها  حلم من وهى صغيره  أن تصبح دكتوره نفسيه حبت  اسيل  المجال ده جدا وكانت بتدعى ربنا  بأن حلمها يتحقق .
من حبها للمجال مش شايفه نفسها غير فى المجال ده  ولكن والد اسيل كان بخيل وعصبى كمان، كمان مكنش حابب فكرة تعليم اسيل من الأول لأنه كان بيقول أن البنت اخرتها بيت جوزها ولكن اسيل صممت بقا على  على التعليم واللى  وقفت جنبها هى والدتها اميره وكانت دايما تدعمها فكرت اسيل انها تشتغل  فى الوقت  ده علشان توفر لنفسها احتياجاتها وكمان  علشان محدش يتحكم فيها،لكن والدتها رفضت وقالتلها أن اي حاجه هى عوزاها هتوفرهالها، وان هى بس عليها التركيز فى الدراسه.
كانت اسيل متأثره خالص  من بخل وعصبية والدها على الرغم من أنه كان غنى وعنده  اراضي زراعيه وكان يعتبر من أغنى الناس فى القريه ولكن والدها كان مبيفكرش  الا بالفلوس ولكن اسيل كانت تحاول على أنها متفكرش فى الأمور السلبيه علشان متسيطرش عليها علشان متفقدش تركيزها زى ما ولدتها ما قالتلها.
كانت اسيل عندها  صديقه اسمها هند كانت تحب أن تروح عندها علشان تذاكر معها لان اسيل  بتعتبرها اختها  هى كمان  صديقه طفولتها هند كمان  كانت بتعتبرها اختها لأنها معندناش غير اخ واحد وكمان غير صلة القرابة اللى بتقوى علاقة صداقتهم ببعض .
لان والد هند بيكون ابن عم أميرة والدة اسيل .
⁦^_________^⁩⁦^_________^⁩.
هند محمود المحمودي وامها اسمها مها المحمدى  وأخوها جاسر اكبر منها بثلاث سنوات.
جاسر في كلية تجارة انجليزي وسيم جدا  وجسمه رياضي  شعره بنى  وعيونه عسليه وشخصية مرحه  وبيحب الضحك والمقالب جدا .
جاسر نفسه أن يكمل الدراسة ويدير شغل والده وأنه يكون زى  في المستقبل. خصوصا لان محمود كل اهل القرية بيحبوه وبيقدروه جدا بسبب حكمته وأسلوبه فى التعامل معاهم وطبعا ده كان مفرح محمود جدا لان ابنه الكبير هيكون سنده فى الدنيا .

أما هند  فا كنت بتتمنى انها تكون مهندسه زراعية لأنها كانت بتحب دايما تروح  مع والدها محمود فى المزرعة تبعهم.
كانت بتحب الزراعة جدا وفكرت انها لو ربنا حققلها حلمها هتستكشف طرق  لاستصلاح اكبر عدد من  الأراضى الزراعية ده طبعا غير أنها هتساعد والدها فى الزراعة .
محمود كان بيحس بسعادة كبيره بسبب تفكير أولاده وطبعاً كان بيدعمهم دايما.⁦
^_________^⁩⁦^_________^⁩⁦^_________^⁩⁦^_______

فى يوم من الايام كان والد اسيل بيتخانق مع والدتها اميره بسبب أنها عرفت أن فى حد اتقدم ل  اسيل اسمه حسين ابراهيم واحد من شباب القريه لكن هو غنى جدا وهو الوريث الوحيد لوالده لكن حسين كان بيشتغل  فى تجارة ممنوعه وطبعا فى السر ومحدش كان يعرف ده .
حسين كانت سمعته مش كويسه  لانه كان بيجرى وراء البنات وبيشرب .
طبعا ده غير  أنه  اكبر من أسيل فى ال عمر ٢٨  لكن طبعا احمد والد اسيل كان كل تفكيره فى أنه غنى   وطبعا هيفيده فى شغله .
لكن اميره طبعا عارضة الكلام ده ولكن وهما بيتكلمو ا مع بعض جت اسيل من الدرس وطبعا اميره مش عاوزه اسيل تعرف حاجه عن الموضوع فطلبت منها انها تروح عند هند تذاكر معاها واميره تعرف تكمل كلامها  مع أحمد فعلا اسيل راحت عند هند وهى هتكمل كلامها مع احمد ..
⁦^_________^⁩⁦^_________^⁩.
اميره :. احمد اللى انت بتقوله ده مستحيل يحصل .

احمد:. لا مش مستحيل وهو ده اللى هيحصل  .
وهى فين اسيل علشان تعرف الكلام ده.

اميره:.ملكش دعوه باسيل هى مش هنا .

احمد :. يبقى اكيد عند هند خليها متتعبش نفسها فى التعليم  على الفاضي كده كده هتتجوز حسين ولما تيجى انا هقولها الكلام ده.

اميره:. بتوتر اي لا طبعا ملكش دعوه بيها ولو مُصر على الموضوع ده انا هفاتحها فيه بس مش دلوقتي.

احمد:. ماشي أما نشوف .

اميره:. يا رب استرها يا رب انا هتصرف كيف فى الموضوع ده وكيف  هلاقى حل ومين اللي هيقنع احمد أو كيف هنتخلص من الموضوع ده يا رب دبرنى وخليك واقف جنبى .
⁦^_________^⁩⁦^_________^⁩.
طبعا الموضوع ده كان عامل قلق كبير وتوتر وده كان واضح اوى على اميره ....
يا ترى بقا اي اللى هيحصل فعلا اميره هتعرف تخبى الموضوع ده على اسيل وهتعرف تلاقيله حل ولا اي اللى هيحصل.؟.....