الحب لا يعرف المستحيل

الفصل 21

الحب لا يعرف المستحيل.
البارت الواحد وعشرون 21 .
🖋️ بقلم الاء يحيى....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
بعد ما خلصوا محضارتهم اتجمعو هما الاربعه كالعادة وكانت اسيل منتظره انها تشوف ذات الرداء الاسود افتكرت أنه دائما بيبقى  موجود في الجامعة لكن خاب ظنها المره دى لأنه أسر مجاش اليوم ده طبعا عرفنا أن ذات الرداء الاسود هو بطلنا أسر.
وبعد فتره مش طويله اوى روحو على بيتهم ..
اي رأيك بقا فى هاله مش قلتلك يا بنتى دى عندها انضباط فى المواعيد.
اسيل:. لا معاكى حق فعلا وباين عليها أن دمها خفيف اوى ما شاء الله .
هند:. اااه جدا وجدعه وعسوله يا بنتى صحبتى وكده لازم تبقى حاجه جامده برضو هههههههه.
اسيل:. على رأى جاسمن اي التواضع ده هههههههه.
هند:. احم احم هههههههه.
اسيل:. طيب يلا بقا يا متواضعه نصلى .
هند:. يلا هههههههه.
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
نسيب بقا اسيل وهند يصلوا ويخلصو اللى وراهم ونروح احنا نعرف مين هى هاله دى العسوله أو الضلع الرابع زى ما قالت هند .
هاله حلمى وسيمه جدا لون شعرها ما بين الاصفر والبنى فاتح مكس كده على بعضو عيونها بنى فاتح بشرتها بيضاء طويله الطول المظبوط .
هاله نشيطه جدا وإجتماعية خالص مبتحبش الوحده بتحب اللمه جدا  كمان  عندها حس فكاهى .
شخصية ينفع الاعتماد عليها فعلا هاله عندها مبدأ فى الحياه اسمه العمل عباده متواضعة ومبتحبش المتكبرين ولا بتحب التعامل معاهم ، الوانها المفضلة الاسود والابيض  كمان هاله بتحب الموسيقى الهادئه .
هاله بتتمنى أنها تتخصص فى قسم تكنولوجيا حيوية أن شاء الله لأنها بتحب المجال ده جدا .
والد هاله شغال مهندس كهرباء فى شركة الكهرباء  أما مامتها فهى متعلمه لكن مش تعليم جامعى.
هاله عندها اخ اكبر منها بخمس سنوات لكن سافر دبى .
وبكده نكون عرفنا مين هى هاله..
نرجع بقا نشوف اسيل وهند عملوا اي .........
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
هند:. بت صحيح معرفناش مين هو ده اللي اول ما شافوه هربوا ازاى نسينا نسال عليه 🤔؟.
اسيل:. اااه تصدقى معاكى حق بس هنسال مين يعنى؟؟؟..
هند:. اكيد الدفاعات اللى قلبينا يعنى لأنهم هما اللى يعرفوا.
اسيل:. خلاص نبقى نسأل جاسمن بكره ما جاسمن على فكره اكبر مننا بسنه .
هند:. والله اشطا تمام على ما اظن مجاش النهارده صح😉 ؟..
اسيل:. وانا ايش عرفنى  انا ان شاء الله 🤨؟..
هند:. لا ابدا ده مجرد سؤال عادى .
اسيل:. والله شيفاكى شغله بالك يعنى اي الحكايه؟..
هند:. مين انا لا لا طبعا كل الحكايه أن العربية تبعه عجبتنى ده طبعا غير موقف الجدعنه يعنى.
اسيل:. والله العربية ااه وموقف جدعنه لا انا شايفه انك هتفوقى عليه وانا مش فضيالك بكره بقا لو عاوزه تشكريه على موقف الجدعنه وتعرف اسم العربية ابقى اسالى جاسمن
انا هروح اكلم البت امل وماما علشان وحشونى  واصلى القيام وانام يلا تصبحى على خير.
هند:. تصحبى على خير اي خدى هنا يا بت تعالى طيب وانا كمان عاوزه اكلم البت امل وحشااانى جدا🥺♥️ .
اسيل:. الو ماما اخبارك اي.
أميرة :. الو عامله  اي يا قلب امك وهند أخبارها اي؟.
اسيل:. كويسين الحمد لله .
انتى اخبارك اي والبت امل فين وحشااانى خالص البت دى ♥️🥺.
اميره:.  دائما بخير يا رب حبيبتى  احنا كويسين الحمد لله اهى جنبى لحظه هديهالك.
امل:. الووو اسيل عامله اي مش  وحشااانى خالص😂😂.
اسيل:. هههههههه والله ماشى يا جزمه وانا اللى بقول البت وحشااانى وعاوزه اكلمها .
امل :. لا يا قلب اختك طبعا وحشااانى جدا والبيت ملهوش لزمه من غيرك هتنزلى امته؟؟.
اسيل:. لا لسه على إجازة نصف العام كده .
امل :. الله يسهلوا بقا قوليلى اي اخبار الجامعه والدراسة والبت هند احكيلى احكيلى كل حاجه بسرعه هههههههه.
اسيل:. هههههههه كل حاجه بخير يا حبيبتي كويسين
والبت هند اهى هتكلمك وتسلم عليكى.
هند:. الووو اموله اخبارك اي يا بت .
امل :. الحمد لله يا قلب اموله انتى اخبارك اي ؟
هند:. يستاهل الحمد بخير طول ما انتى بخير يا قلبى بت شدى حيلك فى الدراسة وتعالى الجامعة حلوه اوى هههههههه.
امل :. الله امته بقا يا رب طيب احكيلى انتى بقا علشان البت اسيل محكتش حاجه.
هند:. هههههههه أما اجى بقا علشان الحوارات دى محتاجه قاعده كده من اللى انتى عرفاهم وهقولك على كل حاجه .
امل :.  ايوه بقا اشطااا هستنى اعمل اي .
هند:. اشطا سلميلى على خالتو .
امل :. حاضر يوصل وهى كمان بتسلم عليكى بس بتعمل حاجه دلوقتى.
هند:. خلاص ماشى يلا بقا عاوزه حاجه.
امل :. عاوزه سلامتك تصبحى على خير.
هند:. وانتى من أهله.
اسيل:. قفلتى معاها .
هند:. هههههههه ااه انتى عوزاها ؟؟؟..
اسيل:. هههههههه يا سلام يختى ما قفلتى خلاص بقا ابقى تكلمها بكره .
هند:. ما انا قلت انك خلصتى بقا وكده وانك عاوزه تلحقى تصلى القيام علشان تنامى بدرى يعنى.
اسيل:. اااه لا انا الحق اصلى احسنلى والله.
يلا انتى اي مش هتصلى  انتى كمان ولا اي .
هند:. لا طبعا هصلى يلا .
فعلا صلت هند وآسيل القيام وناموا علشان يبدأوا يومهم الدراسى ...
💤💤💤💤💤💤💤💤
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃.
فى صباح اليوم التالي فاقت اسيل وهند بدرى كالعادة صلو وجهزو نفسهم علشان يروحوا الجامعه وطبعا هند متحمسه علشان تسأل عن صاحب العربية السوداء و تعرف مين هو ؟
أما عن اسيل فكان شغفاها اكبر من هند لكن كانت بتحاول أنها متظهرش ده
بس يا ترى جاسمن هتعرف مين هو اصلا ولا لاء ؟؟؟؟؟
👈 يلا نشوف مع بعض.
وصلو الجامعة..
هند:. يلا بقا فين الصاروخ اللبنانى؟..
اسيل:. فى نفس المكان اي كل ده ومحفظتيش ؟!
هند:. ماشى يا ستى وانا هكلم البت هاله اقولها تيجى.
اسيل:. تمام يلا بس اي معندكوش محاضرات ولا اي .
هند:. لا الدكتور محمود أجل المحاضرة النهارده الحمد لله.
اسيل:. اي ده ليه كده .
هند:. امبارح كان هيستأذن لكن مستأذنش واخدنا المحاضرة وأجل محاضره النهاردة.
المهم بس يا ترى جاسمن هتعرف ولا اي ؟..
اسيل:. هتعرف اي بالظبط؟!
هند:. صاحب العربية السوداء يا روحى .
اسيل:. والله تعالى أسأليها يا قلبى .
هند:. اشطا يلا لحظه البت هاله معايا على الفون .
الووو هاله صباح الفل فينك .
هاله:. صباح الخير انا جايه  فى الطريق اهو انتى فين ؟؟..
هند:. اي طيب أنا فى الجامعة تعالى بقا على الكفاتريا منتظرينك هناك .
هاله :. خلاص ماشى على العموم مش هأخر كلها عشر دقائق أو ربع ساعة وهبقى عندك .
هند:. اشطا باى
هاله :. باى.
اسيل:. اي فينها.
هند:. لا دى لسه جايه فى الطريق يلا احنا نشوف الصاروخ .
اسيل:. يلا
⁦^_________^⁩⁦^_________^⁩⁦^_________^⁩⁦^_________^⁩⁦^_________^⁩
وصلو عند جاسمن .
جاسمن :. بنات .
هند :. صباح الفل والياسمين.
جاسمن:. صباح الورد على عيونك اخبارك اي .
هند:.  الحمد لله بخير.
اسيل:. صباح الخير يا جاسمن .
جاسمن:. صباح العسل حبيبتى.
اخبارك اي اليوم.
اسيل:. الحمد لله
انتى اخبارك اي.
جاسمن:. الحمد لله.
فين الضلع الرابع يعنى مش موجود معاكم ؟؟؟!..
هند:. لا جايه فى الطريق اصل الدكتور محمود أجل المحاضرة النهارده فا طبعا هتيجى براحتها لأنها بتحب الالتزام بالمواعيد اصلا انا اللى قلتلها تيجى بدرى.
جاسمن:. ااه علشان كده يعني.
هند:. المهم سيبك انتى كنت عاوزه اسالك على حاجه بما انك اقدم مننا فى الجامعة فا اكيد عندك خلفيه كويسه.
جاسمن:. خير اسالى .
هند:. اصل امبارح كنا قاعدين انا وآسيل وافتكرنا الموقف اللى حصل معانا ونسينا نسأل عن الشخص صاحب العربية السوداء يا ترى مين علشان نشكره على موقفه ده فا قلنا نسأل حد من الدفعات اللى قبلنا اسيل قالتلى انك اكبر مننا بسنه فا قلت أسألك ها مين هو بقا .
جاسمن:. اي عربية سوداء تقصدى وبعدين انا هنا معنديش اصدقاء غيركم  السنه الماضيه انا كنت ما بحضر بس فى أوقات المحاضرات كانت فتره سلبيه فا ما حبيت اكون صدقات بس السنه دى انا شدتنى اسيل خالص لان حسيتها بتشبهنى اول يوم ليها بالدراسة.
هند:. ايوه بقا يا عم هههههههه.
جاسمن:. هههههههه لا حقيقى حسيتها متوتره وده نفس اللى حصل معايا اول يوم بالدراسة فا حبيت اطمنها يعنى وبدأت بقا الصداقه من هنا .
هند:. اااه طيب تفتكرى نسأل مين بقا على الموضوع ده؟؟..
جاسمن:. يا حبيبتى تسألى على اي انتى عارفه هنا فى كام عربية سوداء بتكون فى الجامعة كبرى دماغك ولو شفتيه ابقى اشكريه بس كده .
اسيل:. والله يا بنتى انا قلتلها كده .
هند:. والله ماشى على العموم معاكى حق يا جاسمن بس انا حبيت بس اشكره على موقف الجدعنه ده ولا رايك مش انا كده صح ؟؟؟...
جاسمن:. ااه صح بس كمان مش منطقى نسأل نقول مين صاحب العربية السوداء .
اسيل:. سيبكم بقا من الحوار ده هند فين البت هاله .
هند:. لحظه هكلمها .
هاله:. الوو هند انا خلاص اهو شفتكم وجايه عليكم.
هند:. اشطا تعالى .
هاله:. السلام عليكم ورحمه الله وبركاته.
اخباركم يا بنات ؟؟؟...
هند وآسيل وجاسمن:. وعليكم السلام ورحمه الله وبركاته الحمد لله انتى اخبارك اي.
اسيل:. فى خمس دقائق تأخير يا ترى اي السبب؟؟
هاله:. اتأخرت بسبب جيت من الباب التانى .
اسيل:. ماشى برأه المره دى هههههههه.
هند:. يا بنتى بقولك دى حد منتظم يلا يا بت اقعدى ها يلا بقا نفطر لأنى جاعنه جدا وكنا منتظرينك .
هاله:. اشطا يلا وكمان انا جبتلكم حاجه حلوه معايا .
هند:. ايوه بقا هههههههه.
نسيبهم بقا يفطرون ونروح نشوف احنا أسر بيعمل اي .
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃.
بطلنا أسر بيحب جدا التدريب رغم أنه واحد اجازه من الشغل بدون مرتب إلا أنه محافظ جدا على لياقته البدنية ده غير بيشعر أنه بيفرغ طاقة الغضب فى التدريب وأثناء التدرب رن تليفون أسر .
أسر:. الوو ايوه يا مازن.
مازن:. الوو ايوه يا أسر اي يا بنى فينك كده .
أسر:. هكون فين يعنى فى التدريب فى حاجة ولا اي ؟.
مازن:. ااه طيب اي يا أسر مش ناوى ترجع الشغل بقا مش شايف أن الأجازة دى طولت كفايا كده تعالى شغلك محتاجك .
أسر:. انا مش مستعد ارجع تانى الشغل دلوقتى اصلا بفكر انى اسيب الشغل خالص واسافر.
مازن:. انت بتقول اي شغل اي اللى تسيبه وتسافر فين لا طبعا متخدش قرار زى كده لوحدك هيجيلك النهارده نقعد مع بعض ونتكلم فى الموضوع ده ويا ترى بقا دكتور عبد المحسن عارف الموضوع ده؟؟؟..
أسر:. لا لسه انت اول واحد اقوله ويا ريت متقولش لحد .
مازن:. خلاص ماشى انا هيجيلك النهارده نخلص بس شغل وهجيلك.
أسر:. خلاص ماشى هستناك سلام.
مازن:. سلام.
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃.
نرجع بقا الرباعي المرح ونشوف هاله جبتلهم اي حلو ويا ترى اي المناسبة.
هند :. ايوه بقا اي ست هاله الحاجة الحلوه ويا ترى اي المناسبة.
هاله:. خدى بقا يا ست هند اي رأيك.
هند:. واو اي ده الحلاوه دى .
هاله:. وانتى كمان يا جاسمن وانتى كمان اسيل .
جاسمن وآسيل:. حلو اوى يا هاله بس يا ترى اي المناسبة.
هاله :. الحمد لله أن ذوقى عجبكم ابدا اصل اخويا رجع امبارح من دبى وكده وطبعا كنا فرحانين جدا هو عملها مفاجأة وطبعا كانت احلى مفاجأة فا حبيت اشاركم فرحى .
هند:. حبيبتى ربنا ميحرمكوش من بعض ابدا .
أسيل وجاسمن :. دائما مع بعض طول العمر ويفرح قلبك دائما يا رب .
هاله:. حبايب قلبى تسلمولى يا رب .
هند:. لا بس ذوقك عالى ولا ذوق اخوكى.
هاله :. لا يا لمضه ذوقى انا هههههههه..
اسيل:. يا لهوى حتى هاله عرفت انك لمضه بسرعه كده .
جاسمن:. هههههههه ما شاء الله يبقى عندنا فى المربع تبعنا الساعة المنتظمه واللمضه والمجتهده وااا.
هند:. انتى بقا الصاروخ اللبنانى ههههههههه.
ضحك  الكل على الكلمه دى .
هاله:. فعلا والله معاكى حق يا بت يا هند .
هند:. لا بصراحه اللى قالت اللقب ده اسيل.
جاسمن:. يا سلام .
اسيل:. اااه يا جاسمن بصراحه ما شاء الله عليكي  ربنا يحفظك فعلا لبنان دى حاجة عسل اوى .
جاسمن:.  تسلميلي بس مش احلى من المصرى يا قلبى .
هند:. هط😉 احنا صحيح حاجه جامده بس انت حاجه كده صاروخ هههههههه.
هاله :. طيب يلا بقا احنا نطير يا عم الجامد علشان فاضل 15 ربع ساعه على المحاضرة.
جاسمن:. المنبه ضرب هههههههه.
ضحك الكل على كلمة جاسمن .
هند:. مش بقولكم يلا يا بنتى اشوفكم بقا على اخر اليوم سلام .
جاسمن وآسيل:. سلاااام .
جاسمن:. اي انتى مش عندك محاضرات النهارده ولا اي .
اسيل:. لا طبعا عندى ومحاضرة مهمه جدا كمان وانتى .
جاسمن :. لا انا اليوم عندى عملى يعنى راح اشوفكم اخر اليوم .
أسيل:. خلاص تمام هخلص واكلمك بقا .
جاسمن:. خلاص تمام بااى.
أسيل:. بااى