الحب لا يعرف المستحيل

الفصل الثانى (قلق اميره )

الحب لا يعرف المستحيل.
البارت الثاني 2.
🖋️ بقلم الاء يحيى.
فى الليل بقا عند رجوع اسيل إلى البيت بعد رجوعها من عند صديقتها هند كان واضح على اميره الحزن والتوتر فا مهما حاولت اميره أنها تخبى القلق لكن اسيل بتقدر تعرف ده وتعرف حالتها سالت اسيل اميره عن سبب الحزن والقلق.....
⁦^_________^⁩⁦^_________^⁩.
اسيل:. خير يا ماما فى اي مالك.

أميره:. لا يا حبيبتي مفيش حاجه.

اسيل:. لا ازاى مفيش حاجه يعني باين عليكى انك متوتره وزعلانه فى اي .

اميره:. لا ابدا يا حبيبتي مفيش بس كنت خايفة عليكى علشان انتى اتأخرتى .

اسيل:. معلش يا ماما بس كنا بنذاكر وبعدين انتى اللى قولتيلى اروح هناك.

اميره:. اه يا حبيبتي انا عارفه بس كنت خايفة احمد يشوفك ويزعقلك علشان التأخير.

اسيل:. هو ده يعني السبب .

اميره:. بتوتر اااه طبعا هو ده السبب.

اسيل:. اه يمكن

اميره:. وهى بتحاول تغير الموضوع يلا اطلعى غيرى هدومك وانا هجبلك الاكل.

اسيل:. لا ما انا أكلت عند هند عمو محمود مرضيش يسبنى غير لما اكل
صحيح هو كمان بيسلم عليكى.

اميره:. تقصدى خالك محمود.

اسيل:. ااه بس زى ما انتى عارفه انا اتعودت اقوله يا عمو من زمان .

اميره:. الله يسلموا يا حبيبتي اااه عارفه عادي هو عمك وخالك .
يلا اطلعى علشان تنامى اكيد جايه تعبانه يلا علشان ترتاحى.
اسيل:. اه حاضر يا ماما ......
⁦^_________^⁩⁦^_________^⁩
اسيل فى نفسها اكيد في حاجه هى مالها كده بتحاول تغيير الموضوع يا ترى اي اللى حصل ممكن يكون اتخانقت هى وبابا بس يا ترى اتخانقت هى وبابا على اي واي السبب أما اسال البت امل اكيد عارفه حاجه او ايمن ممكن يكون برضو عرف حاجه وراحت اسيل عند امل علشان تعرف اي اللى حصل......
⁦^_________^⁩⁦^_________^⁩⁦^_________^⁩⁦^_________^⁩
اسيل:. امل انتى فين.

أمل:. انا فى الاوضه يا بنتى تعالى .

اسيل:. هو فى حاجة حصلت النهارده يا امل.

أمل:. حاجه حاجه زى اي يعنى.

اسيل:. مش عارفه اي حاجه يعني.

امل :. لا مش عارفه بس بتسألى ليه.

اسيل:. مش عارفه بس اصل ماما باين عليها القلق والتوتر والزعل قلت اكيد في حاجه فا قلت أسألك لو تعرفي حاجه يعنى.

امل:. لا مش عارفه بصراحه اصل انا كنت فى مشوار وبعدين رحت الغيط انا وصحبتى.

اسيل:. مشوار اي ده ؟..

امل :. ماما كانت بعتانى أجبلها حاجه وبعدين انتى شاغله نفسك ليه مش فاهمه انا كبرى دماغك لو فى حاجة حصلت ماما كانت اكيد هتقولك.