ရှောင်းဧကရာဇ်၏ ကြင်ယာတော်ဝမ်(COMPLETE)

Ch 1 ကောက်ကျစ်သောအိမ်ရှေ့စံ

Unicode

—͟͟͞͞𖣘 ရှောင်းဧကရာဇ်၏ ကြင်ယာတော်ဝမ် 🥀✨

💎ღ 𝑪𝒉𝒂𝒑𝒕𝒆𝒓 1💎ღ (ကောက်ကျစ်သောအိမ်ရှေ့စံ)

ဝမ်ရိပေါ်တစ်ယောက် ကျောင်းကပြန်ရောက်ကတည်းက စာကြည့်စားပွဲတွင်ထိုင်နေသည်မှာ အတော်ကြာနေပြီဖြစ်သည်။
ဒီလိုပြောလို့ စာကြိုးစားသည်ဟုမထင်လိုက်ပါနှင့် ဝတ္ထုဖတ်နေခြင်းပါ။
ဟုတ်ပါတယ်...သိုင်းဝတ္ထုကြီးတစ်ခုဖတ်နေတာပါပဲ။
ဇာတ်လိုက်က သူကြိုက်တဲ့ဇာတ်ကောင်မျိုး..အနှိုင်းမဲ့ပြီး အရာရာကိုအနိုင်ရနေရမယ့်လူမျိုးပေါ့။

သူဖတ်နေတဲ့ဝတ္ထုရဲ့နာမည်ကတော့ 'တစ်လောကလုံး၏အရှင်သခင်' ဆိုတဲ့ အပိုင်း၅၀၀ ကျော်Novel ကြီးပင်။
ဇာတ်လိုက်ကပြိုင်စံရှားလူတစ်ယောက်ဖြစ်ပြီး အသက်ငယ်ငယ်ရွယ်ရွယ်နဲ့ဧကရာဇ်ဖြစ်သွားမှာ။
ပြီးတော့ ​ကိုယ်လုပ်တော်တွေအများကြီးရှိတဲ့မောင်းမဆောင်ကြီးနဲ့ အချောဆုံးအလှဆုံးအထက်မြတ်ဆုံးသောဧကရီကိုပိုင်ဆိုင်မှာ။

ဇာတ်လမ်းထဲမှာဇာတ်လိုက်က အိမ်ရှေ့စံဘဝကနေဧကရာဇ်ဖြစ်သွားခြင်းမဟုတ်။
ကိုယ်လုပ်တော်တစ်ယောက်ကမွေးတဲ့သာမန်မင်းသားလေးတစ်ပါးသာပဲ။
တကယ့်အိမ်ရှေ့စံကသူ့ထက်ငယ်ပြီး ကောက်ကျစ်စဥ်းလဲတဲ့ ဘာမှမသိဘာမှလည်းအသုံးမကျတဲ့လူငယ်တစ်ယောက်။
သူကအခြားမင်းညီမင်သားတွေနဲ့ပေါင်းပြီး ဇာတ်လိုက်ကိုအမျိုးမျိုးဒုက္ခပေး၊လှောင်ပြောင်၊အနိုင်ကျင့်ကာ ဇာတ်လိုက်ကိုမင်းသားတစ်ပါးလို့ မသတ်မှတ်ကြဘူး။
ဇာတ်လိုက်ရဲ့မိခင်ကလည်း ဘုရင်ကြီးရဲ့အရေးပေးဆုံးကိုယ်လုပ်တော်ဖြစ်နေလို့ မိဖုရားကြီးရဲ့လုပ်ကြံသတ်ဖြတ်ခြင်းကိုခံခဲ့ရတယ်။
ကံမကောင်းသောဇာတ်လိုက်လေးက သူ့အမေသေဆုံးတာကိုမယုံနိုင်ပဲအရူးတစ်ပိုင်းဖြစ်သွားစဥ် သူ့အမေကိုသတ်တဲ့တရားခံက သူကိုယ်တိုင်ဆိုပြီးအပြစ်ပုံချခံခဲ့ရပြန်တယ်။

ဇာတ်ကတော့အစကတည်းကနာနေတာပါပဲ။
ဒါပေမယ့် ဇာတ်လိုက်ကမွေးရာပါ ပါရမီအဟုန်ကောင်းလွန်းတာကြောင့် ဘုရင်းကြီးက နန်းတော်ထဲမှာပဲမင်းသားတစ်ပါးရာထူးမှာပဲ ဆက်ထားတယ်။ ဆိုပေမယ့်လည်း...အမေကိုသတ်တဲ့သားဆိုပြီး အထင်လွဲလျက်ပဲ သိပ်မကြည်ဘူး။
အဲ့တော့ဘုရင့်အချစ်တော်သားတော်တွေထဲ သူမပါခဲ့ပဲ တစ်ယောက်ထဲသီးသန့်ဖြစ်ခဲ့ရတယ်။
ဘုရင်ကြီးက အပြစ်ကိုလျှော့ချပေးရုံမက နန်းတော်ထဲကမကန်ထုတ်တာပဲကျေးဇူးတင်ရမည်ပေါ့။
ဇာတ်လိုက်ကတော့စိတ်နာနာနဲ့ သူ့အမေကိုသတ်တဲ့တရားခံကိုရှာဖွေခဲ့တယ်။