ရှောင်းဧကရာဇ်၏ ကြင်ယာတော်ဝမ်(COMPLETE)

77 Final Part💕

Unicode

—͟͟͞͞𖣘 ရှောင်းဧကရာဇ်၏ ကြင်ယာတော်ဝမ် 🥀✨
Ch - 77 💕 Final Part 💕❤💚

ဧကရာဇ်မင်းသွားရောက်ကာ နီရောင်စွေးသော ဝေါယဥ်ကန့်လန့်ကာများ​ကို ပင့်တင်ဖယ်ယူလိုက်ပါ၍ မိမိ၏ကြင်ယာတော်စီသို့ လက်ကမ်းပေးစဥ် မတတ်သာ၍ပဲ ဖြူစွတ်နေသောလက်လေးစီအကြည့်ရောက်မိတော့ နှစ်ကိုယ်ကြားကြားရရုံပင် နှုတ်ဟမိသည်။

" ဘာဖြစ်လို့လိုက်ကာကိုအရင်ဖယ်လိုက်တာလဲ ကိုယ်တော်လာမှာပေါ့ "

ဇာပုဝါကိုအုပ်လျက် လှပပြောက်မြောက်လွန်းသည့်မဂ်လာဝတ်စုံနှင့် နတ်ဘုရားတစ်ပါးကဲ့သို့ ​တောက်ပနေပါသောသတို့သမီးလောင်းသည်
ဧကရာဇ်မင်းကမ်းပေးသောလက်ကို အားကိုးပြုကာ အားလုံးရှေ့တွင်ဝေါယဥ်တော်ထဲမှထွက်လို့လာ၏။

သတို့သမီးမှာ မြေပြင်ပေါ်သို့ခြေအစုံချသည်ဆိုရင်ဖြင့်ပဲ မတ်တပ်ဖြောင့်ဖြောင့်ရပ်လိုက်ရာ ဧကရာဇ်လောက်ပင်အရပ်အမောင်းကရှိပေသည်။
လူအများထွေပြားသွားရ၏။

သို့တည်းသတို့သမီးသည်တော့ ဧကရာဇ်၏ နှစ်ကိုယ်ကြားကြားရုံအမေးစကားကို ဦးဆုံးတိုးညှင်းစွာဖြေ၏။

" အတွေးလွန်ပြီး ဆန္ဒစောသွားလို့ပါ လမ်းမှာအဘိုးကြီးရှောင်းနဲ့မတွေ့ခဲ့တော့ ကောကောစီရောက်နေမှာလည်းစိုးရိမ်လို့ "

ဧကရာဇ်ရှောင်း ပီတိဖြင့်စွာပြုံးသွားရပြီးနောက် ရှောင်ဝမ့်လက်လေးကို သာသာလေးဖိပွတ်ကာ စိတ်အေးစေသည်။

" ဘာမှမပူနဲ့နော် ကိုယ်အားလုံးစီစဥ်ပြီးသား..
တကယ်လို့သူဒီထိလာနိုင်တယ်ဆိုရင်တောင် မဂ်လာပွဲကိုမှီမှာမဟုတ်ဘူး..ပွဲကိုပဲအာရုံစိုက်ကြရအောင် "

တစ်ဖက်ကညင်သာစွာခေါင်းညိတ်ပြလာသည်။

သို့ဖြင့် မဂ်လာမောင်နှံနှစ်ဦးသည် လျှောက်လမ်းထက်မှစအခမ်းအနားကျင်းပရာစီ စတင်လျှောက်လှမ်းတော့၏။

အားလုံးသောပရိတ်သတ်များမှာ တစ်ခုခုလွဲမှားနေသလိုခံစားနေရပေမယ့် ယင်းစုံတွဲသည်အလွန်တရာမှလိုက်ဖက်ညီလို့ သင့်တော်ကောင်းမွန်ကြသည်ဟုလည်းမသိစိတ်မှခံစားပြန်၏။