ရှောင်းဧကရာဇ်၏ ကြင်ယာတော်ဝမ်(COMPLETE)

28 မထင်မှတ်သောအဖြစ်အပျက်များကြား တရားဝင်အနမ်း

Unicode

—͟͟͞͞𖣘 ရှောင်းဧကရာဇ်၏ ကြင်ယာတော်ဝမ် 🥀✨

💎ღ 𝑪𝒉𝒂𝒑𝒕𝒆𝒓 28 💎ღ
{မထင်မှတ်ထားသောအဖြစ်အပျက်များကြား တရားဝင်အနမ်း}

ယင်မင်းသမီး၏လုပ်ရပ်ကြောင့် ဝမ်ဘုရင်ကြီးစိတ်ထိခိုက်နေရသည်။
သူ၏သားတော်ကိုအခုလိုမတရားသောနည်းဖြင့် ကြံသည်တာဟာသိက္ခာလည်းမဲ့သလို တော်ဝင်မျိုးနွယ်တို့စောင့်ထိန်းရမည့်စည်းကမ်းလည်းချိုးဖောက်သောကြောင့် ယင်မင်သမီးကိုယင်ဘုရင်လက်ထဲသေချာအပ်မှရမည်။
မဟုတ်ပါက ဝမ်အိမ်ရှေ့စံကိုမည်သည့်မိန်းကလေးကမှလေးစားကြတော့မည်မဟုတ်။
ထိုသို့ကြံစည်ကာရမလားလို့ လာလာကြံနေကြလိမ့်မည်။

အချုပ်ခံထားရသောယင်မင်းသမီးကမျက်ရည်လည်ရွဲအောင်ငိုနေပြီး သူ့ကိုဘာမေးမေးမပြောနိုင်ချေ။
မည်သူကသူမအားဆေးပုလင်းကိုပေးသလဲဟုမေးသော်ဘည်း သူမကခေါင်းခါပြသည်။
ထို့နောက်ရှိုက်ရှိုက်ငိုနေသောကြောင့် အသက်ပါပါသွားမည်စိုး၍ ဘုရင်ကြီးလည်းဆက်မမေး​စေတော့ပဲ ယင်ဘုရင်ကြီးလာတဲ့အထိသာစိတ်ရှည်ရှည်ဖြင့်စောင့်နေရသည်။

သားတော်လေးဘက်လှမ်းကြည့်လိုက်တော့ သူ့ဘေးမှာမင်းသား၇လည်းရှိနေတာကြောင့် ဘုရင်ကြီးစိတ်ချသွားရသည်။
သူလည်းမသက်သာစွာဖြင့်သားတော်လေးအား ခဏခဏကြည့်နေမိသည်။
သားတော်လေးသဘောမကျမနှစ်သက်တဲ့လူကို သူကလက်ထပ်ယူစေဖို့စီစဥ်ခဲ့တာ သားတော်လေးအတွက်ရန်သူကို သူကိုယ်တိုင်ဖိတ်ခေါ်ပေးလိုက်သလိုဖြစ်သွားသောကြောင့် စိတ်မချမ်းမြေ့စွာရှိနေရ၏။

တစ်ချိန်လုံးတိတ်ဆိတ်ကာဘေးကနေ ဒေါသကြောင့်တုန်ယင်နေသောမိဖုရားကြီးမှာ ယင်မင်းသမီးအား ပါးသွားမရိုက်မိအောင်ထိန်းထားရသည်။
အခုတလောသူလည်းသားတော်လေးနဲ့မတွေ့ရပဲ မင်းသမီးချင်အနားမှာပဲအချိန်ကုန်နေရသောကြောင့် သား​တော်လေးစိတ်ဆိုးနေမှန်းသိသည်။
အခုတောင် သူ့ကိုသားတော်လေးကမနှုတ်ဆက်ပေ။
သားတော်လေး၏စကားက 'မယ်တော်သာ မင်းသမီးချင်ဘက်ကပဲရှိမနေရင် သားတော်ဝမ်းသာမိမှာ' တဲ့။
သို့သော် မင်းသမီးချင်ကလည်း 'အစ်ကိုတော်အိမ်ရှေ့က အားချင်ကိုအထင်လွဲစိမ်းကားနေတာမို့ မိဖုရားကြီးပဲကူဖျောင်းဖျပေးပါနော်'တဲ့။
သားတော်လေးနှင့်မင်းသမီးချင်၏စကားများကြောင့် သူမရွေးချယ်မရဖြစ်ခဲ့သည်။
မင်းသမီးချင်ကအမတ်ကြီးရဲ့သမီးဖြစ်ပြီး သားတော်လေးအတွက်အကောင်းဆုံးသောလက်တွဲဖော်ဟု သူမကသတ်မှတ်ထားခြင်းကြောင့် မင်းသမီးချင်၏မူယာပိုသောစကားများကိုယုံမိသွားခြင်းမှာ မိဖုရားကြီး၏အလွန်တော့မဟုတ်။