Her Last Days (COMPLETED)

Day 27

DAY TWENTY-SEVEN

RYKKI

"SERAFINA Aki! Wake up! Male-late ka na sa school mo!"

Umungol lang ang anak ko at mas ipinupulupot ang sarili sa comforter na nakabalot sa katawan niya. Napangisi ako at nakitang nakalitaw ang paa niya. Tinungo ko iyon at isang kalabit ko lang doon ay bumungisngis ang anak ko.

"Kikilitiin kita o babangon ka na?" pagbabanta ko sa anak kong mabilis pa sa alas-kwatrong bumangon at nagtatakbong nagtungo sa banyo.

"I hate you, mommy!" sigaw niya na ikinatawa ko na lang.

Lalabas na sana ako nang sumungaw ang ulo niya sa pinto ng banyo. "Joke! I love you always, Mommy!"

"I love you too, my Serafina Aki."

Hindi pa man ako tuluyang nakakalabas ng kwarto ni Sera ay napatakbo ako sa master's bedroom nang marinig ang malakas na pag-iyak mula roon.

"What happened Ryle Akihiro?" tanong ko sa anak kong nagwawala sa kama.

"Nanny won't let me check out my toys!" matatas nang pananalita nito sa edad na limang taon.

Lumabas si Ate Gemma sa banyo tangan ang mga laundry namin at napangiwi nang mapatingin kay Ryle na parang kiti-kiti na nagpagulong-gulong sa kama habang iniiyakan ang hawak na cellphone.

"Uy Ate hindi ko inaaway si Ryle ah. Sabi nyo kasi 'wag hayaang mag-check out si Ryle kaya nilogout ko po iyong account ni Sir."

Nginitian ko si Gemma at tinanguan. Nilapitan ko ang anak kong nakanguso na sa kama at kung makahikbi akala mo may luha pa.

"Anong sabi ni Mommy last week Ryle? You have tons of toys coming pa nga 'eh. Tapos o-order ka ulet? Do you want na magalit ako?"

Umiling si Ryle at kung hindi ko lang siya kailangang sawatahin baka kinarga ko na siya at pinaghahalikan ang matambok niyang pisngi dahil sa kakyutan.

"No, mommy."

"Ayokong aawayin mo si Ate Gemma okay?"

Tumango ang anak ko pero hindi pa rin nawawala ang pagnguso. Nasa ganoong sitwasyon kami nang pumasok ang asawa ko na naka-apron at may hawak-hawak na sandok.

"What's happening here?"

Basta na lang inabot sa akin ni Seth ang sandok sabay buhat kay Ryle.

"What's this?" tanong ko at tinikman ang kulay pulang sauce sa sandok.

"Too sweet Seth Eros!" sigaw ko pero tila hindi ako nakita at inalo ang anak ko.

"What toys do you want—"

"Subukan mong mai-check out ang gustong laruan na naman ni Ryle sa guest room ka matutulog mamaya," banta ko sabay abot ng sandok kay Ate Gemma na natawa sa sinabi ko.

"Ryle Akihiro! Next week na tayo mag-check out 'nak," ani Seth na hinila ako sa bewang at niyakap pagilid habang karga si Ryle.

Mayo Clinic Minnesota USA

"Rykki?"

Nagising ako sa mahinang pagtapik sa pisngi ko. Pagmulat ng mga mata ko ay nakangiting mukha ni Seth ang bumungad sa akin.

"You had a good dream?"

Tumango ako. "I d-dreamed of you, Sera and our baby," sagot ko at hinaplos ang tiyan ko na nakaumbok na.