Her Last Days (COMPLETED)

Day 5

DAY 5

WARNING: 18+

"Are you okay?!" sigaw sa akin na siyang nagpadilat sa mga mata ko. Nanghihina akong napatingala.

"What the hell Miss--Nuñez?"

Bago ko pa tuluyang mabistahan ang lalaking muntik nang makabangga sa akin ay nagdilim na ang paningin ko.

"Stay still." mariin ang boses na aking narinig sa pagdilat ng mga mata ko at tangkang pagbangon.

"D-Doc?" napapaos ang boses kong saad nang makita ang taong nagkakabit ng suwero sa akin. Pinagmasdan ko ang paligid at napagtantong wala ako sa hospital.

He's Doctor Mendez-- ang taong naka-diagnose ng sakit ko.

"Anong ginagawa ko rito?" tanong ko.

Naupo siya sa paanan ng kamang kinahihigaan ko.

"You passed out after I almost hit you with my car." madilim ang mukhang tugon niya sa akin.

Napayuko ako, "P-pasensya na po,"

"Forget it. Bakit hindi ka na bumalik sa ospital? In your condition, delikadong nagpapagala-gala ka sa kalsada. Look what happened, muntik ka nang masagasaan."

Tiningnan ko siya at tila doon lang ito natauhan sa pagtataas ng boses sa akin.

Tumikhim siya, "So I assumed na sa hindi mo pagbabalik sa ospital, you decided na huwag magpagamot?"

Hindi ako sumagot at tinangkang hilahin ang suwero pero napigilan niya ako.

"Don't. You need that."

"Pero kailangan ko nang umuwi."

Kailangan nga ba? Hindi ba't wala ka ngang lugar na mapupuntahan? You need to hide from them. Hindi ka nila puwedeng makita.

"Kahit two hours mo lang paabutin 'yan then you're free to go. You're my patient, you can't expect me na hayaan kitang paalisin sa bahay ko nang ganyan ang kondisyon mo."

Tiningnan ko ang doktor. Masyado siyang bata tingnan para maging doktor pero ayon sa mga kasamahan ko na pinagpapantasyahan ang doktor na ito. He's already 33 years old.

He's Kian Mendez. Naalala ko pa kung paano kong narinig na kiligin sa kanya ang mga kasabayan kong pasyente no'n. Inaamin kong guwapo naman talaga ang naturang doktor. Mas papasang artista kaysa manggagamot.

"Are you done checking me out?" saad niya na nakapagpabalik sa akin sa reyalidad.

"I'm not checking you out Mister!" mariing pagtanggi ko.

Nagkibit-balikat siya, "If you say so..." nangingisi niyang saad. "I'm just going to take a bath. Maiwan na muna kita."

Pumikit ako. Nahihiya man sa pamemerhuwisyo ko sa doktor ay naramdaman ko ang pagod sa katawan ko.

Sa pagpikit ko ay bumalik sa isipan ko ang eksenang naabutan ko kanina.

Siya pala si Divine. Ang ikinukwento ni Sera na kasintahan ni Seth. Bagay sila. Halata ring gusto siya ng parents ni Seth unlike me.

Marahas kong pinalis ang kumawalang luha sa mga mata ko.

What now Rykki? Bakit ka umiiyak? Bakit ka nasasaktan?

Nagpasalamat ako nang igupo ako ng antok.

"Hon..."

Binalingan ako ng asawa kong busy sa pagtipa sa laptop niya. Pero nang makita ako ay isinara niya ang kanyang laptop at tinapik ang hita niya na tila sinasabing doon ako maupo.