Her Last Days (COMPLETED)

Her Last Days

DAY THIRTY

SERAFINA

"How do I look?" tanong ko sa boyfriend ko at umikot pa sa harap ng camera para buo niyang makita ang ayos ko.

Suot-suot ko ang niregalo niya sa aking dress at necklace during our first anniversary last month.

"Do I need to answer that? Lagi ko naman sinasabi sa 'yo ang sagot araw-araw," nakangiti niyang sagot sa akin.

"Just answer me, babu!"

Tumawa siya at mas inilapit ang mukha sa camera. "Beautiful...I miss you—"

"Ate!" malakas na pagbukas ng pinto ng kwarto ko at sigaw ng nakababata kong kapatid ang pumutol sa moment namin ng boyfriend ko.

Tuloy ay nag-flying kiss na lang ako sa kanya at agad na ibinaba ang tawag. Mahirap na at baka magselos na naman ang kapatid kong masyadong clingy sa akin.

"Is that your boyfriend?!" nakanguso't nakapamewang na tanong ng pitong taong gulang kong kapatid na si Ryle.

"Tinatanong lang ni Ate kung anong hitsura ko Ry," pisil ko sa matambok niyang pisngi.

Umismid siya na ikinatawa ko. "Of course, pretty! Next time me na lang tanungin mo Ate,"

"Ikaw talaga napakaseloso mo, halika na nga."

Inangat niya ang braso niya na tila nagpapakarga pero umiling ako at hinawakan ang kamay niya. "You're no longer a baby Ryle Akihiro, ate's not that strong para buhatin ka."

"I'm still a baby sabi ni Daddy at Lolo! Susumbong kita, Ate!"

"Ryle, be careful!" sigaw ko nang nagtatakbo siya pababa.

Naikot ko ang mga mata ko at gusto kong pagalitan na naman sila Daddy dahil sa pags-spoiled nila sa kapatid ko. Pero napangiti na rin ako habang pinagmamasdan ang kapatid kong nagparanas sa akin na hindi pala ganoon kadali maging isang ina.

Sobrang hirap pa lang mag-alaga ng bata. Even though we hired babysitter for Ryle, tinutukan ko pa rin ang pag-aalaga sa kanya noong baby pa lang siya.

I remember how he used to cry late at night when he was a baby, and I would also cry because I don't know the reason why he was crying.

"Daddy!" tili ni Ryle nang makita ang ama kong kakapasok lang ng bahay tangan ang dalawang pumpon ng rosas.

Agad ibinigay ni Daddy sa maid ang mga hawak niya at binuhat agad ang kapatid kong nag-umpisa na naman sa animated at exaggerated niyang pagkwekwento sa ama ko.

Hinalikan ko si Daddy sa pisngi at halos masakal naman siya ni Ryle na inilayo sa akin.

Nagtawanan kami ni Daddy sa inakto ng kapatid ko na mabilis nagpababa nang matanaw ang driver ni Dad dala-dala ang mga paper bags.

"How was your flight, Dad? Sabi ko naman sa 'yo pwede naman tayong magkita-kita na lang sa cemetery 'eh gaya nang napag-usapan, sinundo mo pa talaga kami." akap ko sa bewang ng ama ko na ilang araw nag-stay sa Cebu for his business trip.

"I'm fine, Sera. Let's go at hinihintay na tayo ng Mommy mo," kinuha niya ang bulaklak sa kasambahay namin at lumapit na sa kapatid ko.

"Wow! Chocolates!"

"Ryle Akihiro, puti ang suot mo 'wag ka nang magdumi utang na loob," pananaway ko sa kapatid na tiningnan kami na akala mo iiyak.

"Just one chocolate Ate, please."

Lumapit na ako sa kanila ni Daddy at pinisil ang ilong ni Ryle. "Fine, just one."

Inabot sa akin ni Daddy ang mga bulaklak at binuhat ang kapatid ko na ikinailing ko.