𝙺𝚎𝚎𝚙 𝙸𝚝 𝙸𝚗 𝙼𝚢 𝙷𝚎𝚊𝚛𝚝 | 𝙿𝙹𝙼 ✔️

Chapter 03

හියුන්.. අනේ ඉක්මණට එන්නකෝ. බඩගිනී... ඉක්මණට එන්න හියුන්. හියුන් හියුන්.

නවත්තන්නැතුව කුකී කෑ ගහද්දි ජීමින් වොෂ් රූම් එකෙන් එලියට ආවා.

යාහ්.. තාම වෙරි බැස්සෙ නැද්ද කෑ ගහන්නෙ. උයලා ආපු කෑම එක කන්න බෑනෙ මේ යකාට මං නැතුව.

හියුන් නැතුව කන්නෑ තමයි. කෝ අනේ ඉක්මණට යමු. අර ටේ කාරයා කන්න දුන්නෙ නෑ.

ජන්කුක් බඩත් අත ගගා කියවද්දි ජීමින්ට නම් හිනා.

යස වැඩේ. ඕකාගෙ මෙලෝ රහක් නැති පාටි වලට යනවට. බොරු කාඩ් එකක් එවපු වෙලේම මං හිතුවා මේක උගෙ නූලක් කියලා.

හිතුවා නම් මටත් කියන්න එපැයි. කමක් නෑ කාලෙකින් දෙයක් ඇගට වැටුණෙ.

මූ නම්.. හෙට යුනි යන්න නැගිට්ටෙ නැත්තන් මං බලාගන්නම්.

ජීමින්ගෙ තර්ජන මැද්දෙ හදලා තිබ්බ කෑම වලින් බාගෙට වැඩිය කාලා දාපු කුකී ජීමින් දිහා බැලුවෙ ලොකු දෙයක් කියන්න වගේ.

හියුන්.. අර මින්හෝ කාරයා මේ සතියෙ ඉතාලි යනවා. ඌ මොකක් හරි දේකට ලෑස්ති වෙනවා මගෙ හිතේ.

හ්ම්.. ඌට උදව් කරන එකාව ඉක්මණට හොයාගන්න ඕනි. තව වැඩිකල් මේක අදින්න බෑ. අවුරුදු ගානක් බලන් හිටියෙ මං ඕකාව මගේ අතින් මරන්න.

ජීමින් චොප්ස්ටික් දෙකත් අතට හිර කරගන්න ගමන් තරහෙන්ම කිව්වා.

හියුන්.. අපි කොහොම හරි ඕකව ඉවරයක් කරමු. හොබී හියුන් උගේ බිස්නස් ගැන සෙවිල්ලෙන් ඉන්නෙ මේ දවස් වල.

කුකීගෙ වචන හැමදාම වගේ හිතට ගෙනාවෙ ලොකු නිදහසක්. එක ලේ නොවුණට කුකී තමන්ගෙම සහෝදරයෙක් වගේ. ජීමින්ට මෙච්චර කාලෙකට හරස් වුණ උන් එකෙක්ගෙ වත් කකුලක් අතක් කඩන්නැතුව හිටියෙ නෑ ජන්කුක්. ජීමින් කොච්චර එපා කිව්වත් ඒ වැඩේ නැවැත්තුවෙ නෑ. හැබැයි ටේ ජීමින් කොච්චර වලි දාගත්තත් ඒ දෙන්නා අතරට ජන්කුක් ආවෙ නෑ.

කකා ඉද්දි ඩෝ බෙල් එක වැදුන නිසා ජීමින් නැගිටලා ගියේ කවුද බලන්න. දොර අරිද්දිම ටේ හිටියෙ හොදටම බීලා.

යාහ්.. මොකද මනුස්සයෝ බීලා. ෂිහ්.. ගද විතරක්. කුකී මෙන්න තමුසෙගෙ මහලොකු හියුන් අදත් ගෙදරින් එලවලාද කොහෙද? ඇවිත් ගන්නවා.