𝙺𝚎𝚎𝚙 𝙸𝚝 𝙸𝚗 𝙼𝚢 𝙷𝚎𝚊𝚛𝚝 | 𝙿𝙹𝙼 ✔️

Chapter 07

තාෂි කියන්නෙ කවුද කුකියෝ.

ආපු වෙලාවෙ ඉදන් ඇහෙන නම ගැන හිත හිත ඉදලා කුකීගෙන් ඇහුවෙ තවත් නම් ඉවසන්න බැරි නිසා.

ම්.. පලවෙනි එක තාෂි නෙවෙයි ටාෂි. දෙක එයා තමයි මේ ලමයි ඔක්කොගෙම අයිතිකාරි. තුන අපිට එයා ගැන වැඩි තොරතුරක් පිට අයට දෙන්න තහනම්.

ඕ චින්චා.. ඇයි president ද එයා?

දේ.. මේ වගේ ලමයිට එයා තමයි මුලු ජීවිතේම. මේක සම්පූර්ණෙන්ම බලාගන්නෙ එයා. ඔම්මා ගැන දන්නෙවත් නැති ලමයිට ඔම්මා එයා. අනිත් එක තමයි හියුන් එයාව වෙන කෙල්ලො දකින විදිහටම දකින්න හිතන් ඉන්නවා නම් දැන්ම හැරිලා ආපහු යමු.

කුකී කියාගෙන කියාගෙන ගියා. ටේට දැන්නම් කුතුහලේ හොදටම වැඩි කෙල්ල ගැන.

ඔමෝ.. ඔච්චර වර්ණනා කරන්න තරම් ඒ කෙල්ල අර කාටුන් වල ඉන්නවා වගේ ඒන්ජල් කෙනෙක්ද?

දේ... ලමයිගෙ ඒන්ජල් තමයි.

කුකී එහෙම කියාගෙන ලමයි ඉන්න තැනට ගියත් ලමයිවත් ටාෂිවත් එතන හිටියෙ නෑ. බිල්ඩින් එක ඇතුලෙන් ඇහෙන වයලීන් සද්දයක් නිසා ටේ ඒක ඇහෙන පැත්තට ගියේ ඒ තරම්ම ඒක කනට මිහිරි නිසා. ලමයි ටිකක් බිමින් වාඩි කරවලා පුටුවක් උඩ ඉදගෙන වයලීන් ගහන කෙල්ලව දැක්කම කොල්ලගෙ ගල් හිත මොහොතකට වෙනස් වුණා.
කලු පාට straight කොණ්ඩෙ දෙපැත්තට කරලා ඉන ගාවට විතර එනකන් වැටෙන්න පීරලා තිබ්බ නිසා කොණ්ඩෙන් කෙල්ලගෙ මූණට ගෙනාවෙ අමුතුම ලස්සනක්. හුලගට එහා මෙහා ගියපු කොණ්ඩ ගස් දෙකක් තුනක් මිසක් ගානට පීරලා තිබුණ කොණ්ඩෙයි ඇදලා හිටපු සුදු පාට ගවුමයි නිසා කෙල්ලව කොල්ලට පෙනුනෙ ඒන්ජල් කෙනෙක් වගේමයි.

වාහ්.. භාවනාවක් වගේ.

කොල්ලා තමන්ටම මුමුණගෙන දොරට හේත්තු වෙලා සිංදුව ඉවර වෙනකන්ම කෙල්ලගෙ ඉරියව් දිහා බලන් හිටියෙ. ඇස් දෙක පියාගෙන ඔලුව පැත්තකට ඇල කරලා එක අතකින් තාලෙට බෝ එක තත් අතර ගෙනියද්දි අනිත් අතේ ඇගිලි වලින් පණ ගැන්වෙන සංගීතය කෙල්ලගෙ රූපෙට විතරක්ම දෙවෙනි වුණා.

හියුන්.. මෙතනද?

කුකී ලගට ඇවිත් කතා කරත් ඒක ඇහෙන්නෙවත් නැති තරමට කොල්ලා කෙල්ලට සමවැදිලා. වයලීන් එක ප්ලේ කරලා ඉවර වෙද්දි ඉදගෙන හිටපු ලමයි දුවගෙන ගිහින් කෙල්ලගෙ කම්මුල සිපගද්දි කෙල්ල හිනා වුණේ මුලු ලෝකයක් ලැබුණා වගේ.