အချိန်အနည်းငယ်ကြာမှ ထိတွေ့နေသောချယ်ရီရောင် ပွင့်ဖတ်ပမာ နှုတ်ခမ်းနှစ်လွှာတို့မှာ ကွဲကွာသွားကြသည်။
ထိုအခါမှ Sunghoonမျက်၀န်းများဆီသို့အနည်းငယ်မော့ငေးရင်း
ဖြစ်ပျက်ခဲ့သော အဖြစ်ပျက်တို့အပေါ် တွေဝေလာမိသည်။"အိမ်မက်မဟုတ်ဘူးလား"
သူတိတ်တခိုးရင်ခုန်ခဲ့သမျှ သူ၏ခံစားချက်များကိုရိပ်မိသွားနိုင်သည့်အပြင် အိမ်မက်ထဲတွင် ပိုင်စိုးပိုင်နင့်Sunghoonနှုတ်ခမ်းများကို သိမ်းယူတတ်သည်ဟုထင်သွားနိုင်ပေသည်။လက်ရှိ ကမ္ဘာဆီသို့အတွေးအာရုံများပြန်လည်ရောက်ရှိလာချိန်တွင်တော့ Jaeyun ရင်ဘတ်တစ်ခုလုံးပူထူသွားရသည်။Sunghoonဆိုသည့်လူသားတစ် ယောက်ဟာ မိမိဘ၀အတွက်အလွန်အရေးပါသည်။ကိုယ်တိုင်ပင် မသိလိုက်ခင်အချိန်တစ်ခုမှစပြီး ထိုလူသားကမိမိအသက်ဆက်ရှင်လာရသည့်အကြောင်းရင်းဖြစ်နေခဲ့သည်။သူ့ရင်ခွင်ကို မိမိကလွဲ၍ ဘယ်သူမှ မပိုင်ဆိုင်စေလိုကာ ဒီရင်ခွင်ဆီမှာ တစ်သက်လုံးဘယ်သူမှမမြင်နိုင်အောင်ပုန်းခိုနေမိချင်သည်အထိတွယ်တာမိပါသည်။သို့သော်ယခုအချိန်တွင်ရင်ဘတ်များအောင့်တက်လာရသည်အထိ တွေးမိသည်မှာတစ်ခုတည်း....
"ဒီလိုဆို မဖြစ်တာကို...
နွေးထွေးမှု....မင်းမျက်၀န်းတွေဆီကရတဲ့ ၊မင်းရင်ခွင်ဆီကရတဲ့၊မင်းနှုတ်ခမ်းလွှာပါးပါးဆီကရတဲ့ နွေးထွေးမှုတွေကို ငါမပိုင်ရလည်းဖြစ်တာမို့ ကျေးဇူးပြုပြီးဒီအတိုင်းလေးရှိနေပါစေ
တစ်စုံတစ်ယောက်က မင်းကို ထိခိုက်စေလို့ မင်းနှလုံးသားအရင်လိုပြန်အေးစက်သွားတာမျိုးမဖြစ်စေချင်ဘူး Sunghoon....
အထူးသဖြင့် ငါ့ကြောင့် မင်းခံစားချက်၊မင်းဆံချည်မျှင် တစ်မျှင်မျှထိခိုက်ခဲ့ရင်........ငါ""Jaeyun......"
ရင်ထဲစို့နစ်လာအောင် တွေးမိနေသည့် အလုံးစုံသော အတွေးစတို့မှာ "Jaeyun"ဆိုသည့်တိုးဖျဖျခေါ်သံ နောက်တွင်ပျောက်ကွယ်သွားရသည်။
လင်းလဲ့နေသည့်မျက်လုံးဝိုင်းလေးများဖြင့် မိမိအားမျက်တောင်မခတ်မော့ကြည့်နေသူမှာ ဘာတွေများဒီလောက်တွေးနေသည်ကိုSunghoonသိချင်မိသည်။
YOU ARE READING
Magical Peinture
Romanceအားလုံးပဲ Repunzal movie (Barbie version)လေးကို သိကြမယ်ထင်ပါတယ်။Repunzal ဟာ သူမဆွဲလိုက်တဲ့ မှော်၀င်ပန်းချီကားလေးကြောင့် ပိတ်လှောင်ခံထားရတဲ့သူမရဲ့ဘ၀ကနေ လွှတ်မြှောက်ပျော်ရွှင်ရာကိုရှာဖွေတွေ့ရှိခဲ့ရပါတယ်။ထိုဇာတ်လမ်းထဲကလိုမှော်စုတ်တံလေးနဲ့ရေးဆွဲတာမျို...