(Unicode)
တစ်နေ့၌ အိုက်ဒန်က ဧည့်ခန်းထဲမှာ တစ်ယောက်တည်း ဇာတ်ကားကြည့်နေတုန်း သော်စစ်ယံတစ်ယောက် ရောက်ချလာသည်။ သူ့မိဘများကလည်း မရှိကြ၍ သော်စစ်ယံက ဧည့်ခန်းထဲ၌ sex လုပ်ဖို့ တောင်းဆိုလာသည်။ ထိုသို့ လုပ်ဖို့က အိုက်ဒန်အတွက် အဆင်မပြေ။ အိမ်၌ အလုပ်သမားများလည်း ရှိသည်။ သူပြောလိုက်တော့ အိမ်ထဲမှ အလုပ်သမားတွေကို မောင်းထုတ်ခိုင်းသည်။ နောက်ဆုံး သူလည်း အလိုလိုက်လိုက်တော့ မဖြစ်သင့်သည့်ပြဿနာတွေ စဖြစ်တော့သည်။
( ခွပ်!)
" အဖေ့..."
သူ့အခန်းတံခါးကို ဝုန်းဒိုင်းတွန်းဖွင့်၍ ဝင်လာပြီး သူ့ကို ဆွဲထိုးလိုက်သည့် အဖေ။ အမေကလည်း အနောက်မှ ရောက်ချလာပြီး တငိုငို တရယ်ရယ်။
" မင်း အရမ်းမိုက်ရိုင်းစုတ်ပဲ့တဲ့ အကောင်ပါလား ဟျောင့်!"
( ခွပ်!)
" ဖေကြီးရယ်...စိတ်ထိန်းပါဦး"
" ငါ မင်းကို အတန်တန် ပြောထားလျက်နဲ့! မင်းမို့လို့ကွာ...တောက်! ပတ်ဝန်းကျင်အမြင်မှာ ငါတို့မျက်နှာကို ဘယ်နားသွားထားရမလဲ!"
ရုတ်တရက်ကြီး အော်ဟစ်သောင်းကျန်းနေသည့် အခြေအနေကို အိုက်ဒန် နားမလည်နိုင်။
" ဘာလို့လဲ အဖေ၊ ကျွန်တော့်ကို ဘာလို့ ထိုးတာလဲ"
" မင်း အခုမှ အူကြောင်ကြောင် လုပ်မနေနဲ့! ဟာကွာ! ငါ သတ်လိုက်ရ!"
" မလုပ်ပါနဲ့၊ ဖေကြီးရယ်..."
" မင်း ငါတို့မိဘတွေ မရှိတုန်း နေ့လည်က အိမ်မှာ ဘာတွေ ဖြစ်သွားလဲဆိုတာ မသိတာလား ဟမ်! ငါ မေးနေတယ်! ဟျောင့် မင်းဖြေ ဖြေ"
( ဖြောင်း! ဖြောင်း!)
သူ့မျက်နှာပေါ်သို့ ထပ်ဆင့်ကျလာသည့် ရိုက်ချက်တွေနှင့်အတူ သူ အဖေ့ကို တအံ့တသြ ကြည့်နေမိသည်။ သူတို့ နေ့ခင်းက ဘာတွေဖြစ်နေသလဲဆိုတာ သူ့အဖေက ဘယ်လိုများသိသွားခဲ့သလဲ။ အဖေ ဒေါသထွက်ပြီး ရိုက်တာက မနာသော်လည်း အမေ ငိုပြီး ကြည့်လာသည့် အကြည့်က နာသည်။
" မင်း! မင်းကို ငါ ဒီအိမ်မှာ ဆက်ထားလို့ မဖြစ်တော့ဘူး! မင်း ကိုယ့်အထုပ်ကိုယ် ပြင်ထားတော့"
ESTÁS LEYENDO
GARDENIA [Completed]
RomanceEiden ဆိုတဲ့ အချစ်ကို အယုံအကြည်မရှိဘဲ sex မှာပဲ သာယာတတ်တဲ့ ကောင်လေးကို ရွာတစ်ရွာဆီ ပို့လိုက်တဲ့နောက် ဘာတွေဆက်ဖြစ်လာမလဲ။ Eiden ဆိုတဲ့ အခ်စ္ကို အယုံအၾကည္မရွိဘဲ sex မွာပဲ သာယာတတ္တဲ့ ေကာင္ေလးကို ႐ြာတစ္႐ြာဆီ ပို႔လိုက္တဲ့ေနာက္ ဘာေတြဆက္ျဖစ္လာမလဲ။ Start dat...