عَدَاوة بَالِية

2.

صباحكم أو مساءكم خير يارب

صراحةً هالفترة عقلي جداً فاضي وصاير أغلب وقتي مرهقة ومالي حيل شيء بس م حبيت أسحب أكثر من كذا .. لذا عذراً ع الأخطاء لو وجدت أو لو كان فيه ضعف أو ملل بالسرد

*لم يتم مراجعة البارت أو تدقيقه؛ إملائيًا ولغويًا ..

اسّتمتعوا 🤍

__

مشى بخطوات ثقيلة وعيونه تحمل نفس النظرة الباردة والميتة

تأمل بالمكان المُظلم والمتجمد لكن م أبدى أي ردة فعل تدل ع برودة المكان

رغم إنه فقط لابس شورت قصير وشوز رَثة بهالمكان المفتوح والمُخيف

وقف ودارت عيونه بالمكان لين حَصل ضالته وكمل يمشي بهدوء

مجرد م وصل رمى نفسه ع الأرض وأستند بظهره ع ضريح القبر اللي كان يحمل إسم أخوه ويدينه كانت ترتعش بخفة وكردة فعل تلقائية للبرد حوله بالمكان

لكن م أهتم ونطق ببحة : ' تأخرت عليك؟ أدري كان إتفاقنا كل يوم الساعة ٢ الفجر لكن شردت بماضينا وم حسيت بنفسي إلا بعد ساعة كاملة..

تدري؟ قدرت أحصل أنس بعد كل هالسنين..

أيوه أنس اللي كان السبب بتشتت عايلتنا وهروب أبوي ووفاة أمي..

اللي كان السبب بوفاتك بعمر صغير، والسبب باللي أنا فيه اللحين..

عساف.. تدري إن البنت اللي كنت تحبها تزوجت وخلفت؟ صار عندها بنت صغيره وصارت أم..

والسبب الوحيد اللي يخليني م أضرها هو أنت .. لكن م أضمن لك إني بقدر أمسك جنون أفكاري لوقت طويل'

سكت ثواني وغمض عيونه الذابلة : ' عساف أبي أجيك وأنسى كل شيء.. أبي أترك كل شيء زي م هو وأنهي حياتي وعذابي..

كمل كلامه بنبرة ترجّي وتعب : 'عساف تعال خذني قبل أذي أحد بسبب جنوني .. تعال خذني لك قبل أذي اللي حولي وأسبب لهم مأساة تدمرهم زي م دمرتني الحياة.. تعال خذني قبل أذي أحد من شدة غضبي ورغبة الإنتقام اللي قاعده تقتلني ببطء..

عساف أنا تعبت..والله تعبت'

نزلت دمعه وحدة من عينه وكانت حارة ولاسعة لجلده البارد ..

لكن بمجرد ما فتح عيونه رجعت نظرته باردة وميته وكأنه رجع يفقد الشعور بعد أخر كلمتين نطقهم..