عَدَاوة بَالِية

9.

اهلاً، كيفكم حلويني؟

بما ان تفاعلكم للحين مزعلني بحط شرط ع البارت الجاي..

75 فوت، 150 كومنت

اسّتمتعوا 🤍

____

"أصّبح العالم يبدو باهتًا، وكأن الحياة أرتكبت جَريمة الإنتحار بحّق ذاتِها" - براء عبدالعزيز.

..

أرتفعت رموشه ببطىء بدلالة إنه بدأ يصحى..

أول م ضربت الإضاءة البيضاء بعيونه زفر أنفاسه ببطىء ورجع يغمض عيونه..

تأفف بصوت واطي وبنفس الوقت أرتسمت ع ملامحه إبتسامة سخرية..

ليه هو فاشل بكل شيء؟ حتى ابسط شيء زي الإنتحار فشل فيه..

بهاللحظة أنفتح الباب ودخل منه شخص ووراه أنس اللي كان معقد حواجبه..

براء فتح عيونه ع الصوت وطاحت ع اللي واقف قدامه بملامح م عرف يحددها وشنو هي بالضبط..

خوف؟ شوق؟ توتر؟ قلق؟ رهبة؟

لكن م أعطى أي ردة فعل واضحه غير البرود التام

ألتفت لأنس وهو متجاهل الشخص اللي يراقب ملامحه بلهفة واضحة..

ونطق بهدوء : أنت اللي جبتني لهنا؟

أنس لاحظ تجاهل براء لأبوه لكن م علق ع هالنقطة ورد بصوت هادي : أي..

وكان بعد ملاحظ كيف ان براء قال "جبتني لهنا" وم قال "ساعدتني"

براء ظل ساكت لفترة طويلة قبل يهمس : حتى وفاتي م بتتركني أتهنى فيها؟

أنس قرب لبراء ونطق بحدة : ليه؟

براء لا زال متجاهل عبدالعزيز ونطق بنفس الحدة : أنت قاعد تسألني ليه حاولت أموت ؟ طيب بسألك أنا، ليه تبيني أحاول أتمسك بالحياة؟

أنس أرتفعت نبرته : مو لأنك قررت تترك فكرة الأنتقام فهالشيء يعني إن الحياة م بقى فيها شيء! وتبي أزيدك من الشعر بيت؟ من الأساس أنت فاهم الموضوع غلط! يعني من البداية إنتقامك كان مبني ع كذبه وسوء فهم!

إذا عن الفلاش؟ مو أنا اللي حطيته ع سرير أبوي.. أصلاً يوم وفاة نورة الله يرحمها، انا م كنت بالبيت عشان أطلع الفلاش او اسوي اي شي!

تبي تعرف شصار بالضبط؟ حاضر بقولك كل شي..

اللي صار إن أمي كانت تدري بعلاقة أبوي..